Juan 2:18 - Sinia' Jlamtis 1994

¹⁸ Siojopo Judíojos ti i'wina siukia iyo ja Jesús, iyoyis'ne 'ate ti i'yasisi'n: —¿Ten siupi ja'wenkints'e'm ti jawoyi, 'nakayeyijna'a ti ja kasts'ajane siunie jitiajle'e ni ajweye?

Juan 2:18 Iomraidhean Croise

Mateo 21:23

Jesús ti itimayi siukia iyo jakayik'i, 'yina ijioyi'ni siujlieja 'najla'wet. Siuti taka'neyasa'n, 'nesa'ni japoka siojopo pa'yijis jika anechiyasas, siu'neje japo kijilas ti kia'iyo anechiyasas, ti ijioyisi ti iyonits'i 'ate ja Jesús: —¿Tent'ipa ajweye ni jikiene niwaka? ¿Ten siupi jitiajleje?

Marcos 8:11

'Yina 'nesa'ni papok Fariséojosjimpe ti ijioyi ja Jesús, ti iniewitisijin'ni ti ijyijlitis ti iyonisi 'ate: —Jejlitkiame kiu' ka'wenkints'e'm paka k'iejliyeyi, 'nakayi ti jake 'yakakiuk ti jijwe'el jitiajleje pa Sinia' ni ajweye iyo.

Lucas 11:29

Je nojwi papo i'nio' ti 'nes'ni ti ijioyi pa Jesús, sekyi'i Jesús kiak t'ipa iyonayipi: —Kat'ajayi'ne siu'napo ti ijiate ti je isis, itiejajam'ni siu'niwa jlomas. Iyotajasink'iye kan'wenis paka k'iejliyeyi paka ti'wenkinaja'm, 'yina ja ke kiechaye pa janakaye siunie iyot'iyipi pa Jonás.

Juan 1:19

Siunapo anechiyasas Judíojos yiji jana Jerusalén ijliuyet'ipi napo pa'yijis siu'neje napo jla'yis Levítajas ti ijioyisi ja Juan ti i'yasisi'n ti iyo'ate: —¿Te'na'm?

Juan 1:25

ti i'yasisi'n: —¿Yot'iyi'ni jiat'eje ti jiniejiejne'n napo i'nio'?, ti jijwe'el ti je injwajietiwo'wa'm, jla'yi ti jijwe'el je a'am siupi Elías, siu'neje ti jijwe'el je a'am siupi injwejlanik jiwo.

Juan 6:30

Iyo'ne 'ate japo i'nio': —¿Ten siupa ja'wenkints'e'm pa ja k'iejliyeyi ja 'nakayeyijna'a ti ja ke ikakiuk, siuti ja'wina? ¡'Wenkints'e'm siupi jiniwoni'ni!

Hechos 4:7

Sekyi'i iyo'ne 'ate ti takajlunieyisi: —Mayeyi, namayeyi 'ne. Ijiawos yamat'iyipi, yinat'iyispe jikiowe'e papo anechiyasas, i'yasat'iyisimpe ti iyo'ate: —¿Tempa i'nio' jle' jijweye siupi ajweye jitiajlayiji, siuti jikajlayi siunie jiwoyeyi?

Hechos 5:28

—Je awenata'asempe ka woye jleye pa Jesús, jla'yi ti jit'iyasajnayi napo i'nio'. ¿Ten na siunie jiwoyeyi? Siunie jiwoyeyi jit'iyasanayi napo i'nio' itijwi'ni jana Jerusalén, siu'neje ti jlotkints'e ti jijwela' ka sama ka liana siupa i'nio' jijwela'.