Juan 2:16 - Sinia' Jlamtis 1994

¹⁶ Iyone'ne 'ate siojopo iwin'ni jawa ojwos: —¡Mayeyi kisie'e niwaka! ¡Ká awonayi inak ji'wukie jana Inia' 'wuk!

Juan 2:16 Iomraidhean Croise

Mateo 21:12

Ti Jesús 'yu kiajwe jlaja Sinia' ji'wuk, ijiut kisie'e wikie'eyi siojopo tik'iajwajyi'n, siu'neje japo takawejnajne'n. Yajmatk'i isia'm jawa tejeyisi ape'e siojopo jilis its'iuyetits'i'ni jawa wikijniest'ejes, siu'neje jawa ji'wetis pet jawa ojwos ti tiwena'ni kia'iyojliyi.

Mateo 21:13

Sekyi'i iyone'ne 'ate japoka: —Siuniwa inamtis t'ipi iyo'ate, “Siujlie'e i'yuk jle' jawo'ate 'najla 'wet.” ¡Siuti asa'am jiwonayi kajlajnatas ji'weta'!

Mateo 22:5

“Kia'iyojliyi siupapo anechiyas tantajats'i je yam'ni. Ijio wasoki pi ijwienjli. Jikiecha pi yapili siupa yi'i'ni ti takawejna'n.

Marcos 11:17

Sekyi'i ti ijyijlitayi ti janka'neyasa'n, iyo'ne 'ate: —Siuniwa Sinia' jlamtis yiji ni ji'wet iyo'ate: “Siujlie'e i'yuk, jle' ja tiwonaja 'ate, “'Najlaye 'wet jak je iyoyiji wikie'eyi siunapo i'nio' ti yi' ape'e 'ni ajnat jajnoyi ti iyoyeta t'ajlayeja'.” Jlam'ne ni jiwonayi, ti jiwoyeyi kajlajnatas ji'wukie'.

Lucas 2:49

Jesús isiujlie ti iyo'ate: —¿Yot'iyi'ni ti siwoyejyin'ni? ¿Je 'najanayi ti je 'esiji ka je iyi kiajwe jla'a Inia' 'wuk?

Juan 10:29

Siuniwa Inia' iwink'i'm, 'yaka'm ape'e niwa ijia wask'i'nelaja, ti je ti'niejenaja ka talaja.

Juan 2:15

'Yina isimi'ne siojowa nejia' sekyi'i ilisane'ne ti iyo jik'ajnata'. Ijiut'ne kisie'e wikie'eyi siojopo yi' kiajwe jlaja 'najla'wet, ijwiene'e jawa jiliajwas sontas, siu'neje jawa wakiajas. Isiajiek'iji'n jawa jika wikijniest'ejes japo i'nio' siojopo jikiecha 'yutits'i'ni, yajmatk'i isia'm siojowa yinisi'ni ape'e jawa wikijnies t'ejes.

Juan 20:17

Jesús iyo'ne 'ate: —Akio' lank'i'm, mawat je ajojliyi'ijyi ni Inia'. Maj kiu' wekie'e ka ajwele japo i'lijwas, jwejla'm ti jajioyi kiu' ni Inia', siunie Asna' pet.

Juan 5:17

Jesús iyone'ne 'ate japoka: —Jlam kia'iyo, siunie Inia' talk'i'ni ti isijme'n, 'yina kiak awo pet akijme'n.

Juan 8:49

Jesús isiujlie pet ti iyo'ate: —Lajk'ipa imosikie' ka ine' iwia'm. Siunie awo jiwunitieye e'ne ni Inia', 'wenajliyi pet siunie jiwoyeyi ti je woye ijiaye ti ya'am.

1 Timoteo 6:5

Laj jlaja ti tejets'i wita'm, 'yina napoka napo ti initiajnat naka ni jlosik ti 'es, netia'n ki iyo ti 'yijene naka ijiatk'i. Ijwilayis ka ijiatayiji ka 'esieyi ka 'naka siunie kan'yakanisi ti iyoyisi siunie jitienkiujnieye ti 'es.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.