Juan 2:11 - Sinia' Jlamtis 1994

¹¹ Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 2:11 Iomraidhean Croise

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 1:43

Siukia ti jlomaye'eje Jesús iyoye'ijyi ka inta 'niji yi'i jlaja ajnat jle' iyo'ate Galilea. Sek ini'wene'e'ne siojo i'nio' jle' iyo'ate Felipe, Betsaida jlele, siujlieja isi' taj'le siojopo Andrés jla'yi ja Pedro. Iyonayi 'ate ti tanayi: —Na'm ijyik'i.

Juan 1:50

Iyo'ne 'ate ja Jesús ti isiujlie: —¿'Nakat'iyi jla'am ti ajwe'el ti a'we'na ti jle kiajwe jlaja a'la', it'imina ti je sakakiu? Je ijiate ka já a'we'en siuniwa ijiatk'iji'n kapajata.

Juan 10:41

Je pini' japo i'nio' ijioyi, iyoyis'ne 'ate ti jitiej ijiutisie: —Juan je kia'iyo puwa ka inlesane, 'yina wikie'eyi siuniwa yamtiyi ti ijwi'il 'nak i'nio', jlam je iyo; a'wena ti ijiatk'i.

Juan 11:15

Lapakawo siuti sek je a'yi ts'ajkaj'ni pet, nak ja'nesieyi ti asa'am, 'nakayeyijna'a ja ke akakiunieyi. Naja'ni ti ja'yenaja.

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 12:37

'Yakajlitieje ja Jesús ti i'winkinataja siukiwa iyo pi jijweye ti yisi'liete japo i'nio', 'yina lapawo ti 'yakakiuyis.

Juan 12:41

Siupi Isaías, kiak iyone kiwa jlamtis lapakawo ti i'wi'in pi jijweye iyo ja Jesús, siu'neje ti ijwi'il siupa janwo.

Juan 14:13

Jak je iyoyiji, siuti japoye pi ja 'ajlayiji pi Sinia' siuti jasetina jats'iu'wase'm, sekjane'yijpe ka 'nakajajepi ni jijweye ni Jlas siunie jawo ni iyo ni Inia'.

Juan 16:27

'yaka jlam jla'am ni Inia' ti 'nama'ase. Tepa jawo ka kiak je iwo ti asam pet ti i'namajak'i, jla'yi ti je sakakiuye ti ya'am ti atajle ni Sinia'.

Juan 16:30

A'wena 'nakayi ti 'najane wikie'eyi niwa wask'i'nelaja, 'wanjliyi ka lajak'ipa ka in'yas'ni, ka in'yase'ni paka k'iejliyeyi. Nak it'imina ti je akakiukie ti ijiatp'ane ti jitial Siniayi.

Juan 2:1

Jlomas najape poyet'ipi ja tijwa'yi yi'i jlaja isi' jle' iyo'ate Caná, yiji jlaja ajnat Galilea. Siujlieja Jesús jlet yiji japo i'nio',

Juan 2:23

'Yina ti Jesús je taljlijiajme jlaja Jerusalén, ti ijyiwitajam'ni siojokia inlakijnieye jle' iyo'ate Pascua, je pini' japo je 'yakakiu ti i'winis siukia iyo ti i'winki'n ti kiak je iyo paka in'wenis.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 4:3

Jesús t'ijiek'i'ne pet kiaka, sekyi'i yam'ne ti tajla'm jlaja Judea yapilie 'niji yi'i jlaja Galilea;

Juan 4:46

Ti paj'ni wat ape'e, yapilie 'niji yi'i jlaja Caná yiji jlaja Galilea, yi'i ti iyojwa'n at'esa' ki i'niat. 'Yina pope ja i'nio' anechiyas siojo 'yasa'n jitieyi'i, ji'wet jlaja jle' iyo'ate Capernaum, siojo jlas je 'es'ni.

Juan 4:54

'Yina kiakayik'i'ne ti timiesieyiji ja Jesús ti iyo, ti i'winki'n siojo ti yisi'liet japo i'nio', ti ijio 'niji Galiléaja ti tal Judéaja.

Juan 5:23

ja 'nakayeyi ti ja tiwunitie ka iwoyena'a 'ate ni Jinia' ti intonitieye tena'a. I'nio' ni je iyunit ni Jlas, ja ke injwe'el ka pakataja ka inwunit pi Jinia' ti ijliu'.

Juan 6:14

Iyone'ne 'ate japo i'nio' ti i'winayis siukia iyo ki i'winki'n: —Ijiatp'aneje ti 'naka 'ni tijwela'nijpe, siupa injwejlanik jiwo ti ja'nes ajnat'e.

Juan 6:2

Je pini' japo i'nio' yamk'i, lapakawo ti i'winis siukia iyo ti i'winki'n ti ijwiejete'n japo je isis.

Juan 6:26

Jesús isiujlie ti iyo'ate: —Ijiate, ijiatk'i siunie jayo ti jayo'ate, ti nakata jla'am ti i'neliajayi siukia ti ji'yekiuniejyi'n ti nep'isiejyi'n, jlam'ne ka nakaye siunie ka 'najanayi paka awonayi ni iyo ti a'wenki'nase'm.

Juan 6:30

Iyo'ne 'ate japo i'nio': —¿Ten siupa ja'wenkints'e'm pa ja k'iejliyeyi ja 'nakayeyijna'a ti ja ke ikakiuk, siuti ja'wina? ¡'Wenkints'e'm siupi jiniwoni'ni!

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 9:16

Siojopo ijia Fariséojos iyoyis'ne 'ate: —Yaka jet'i intal Siniaye siupi i'nio' 'yina siuti je ilisa'n siujlie'e jloma ti 'es, i'nio 'wanjlijyi'n. Jla'am iyojli 'ate japo ijia: —¿Yot'iyi'ni ka kia'iwo puwa kan'wenki'n ka kassesi'liet, siuka inke' jilianikie? Sekyi'i'ne ti inik'isaja japoka.

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

1 Jn 5:13

Ajlo'wase siunie i'lij ti asa'am ti je kakiuye pi Sinia' jlas, ka 'najanayi ti po'o siojona as'wasankiyeja' ti t'o'n.