Juan 19:9 - Sinia' Jlamtis 1994

⁹ Yapi'ne 'wuk kiajwe, i'yasen'ne ja Jesús ti iyo'ate: —¿Tepi jitiajli? Jesús je iyo ka inkiujlie.

Juan 19:9 Iomraidhean Croise

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 27:27

Ijiawos yamisi'ne ja Jesús ti ijioyisi 'wet'e ja anechiyas, 'yina wikie'eyi siojopo ijia tokis tijwayisiap.

Lucas 23:9

Je pini' siupuwa i'yastajajan'ni, 'yina Jesús je iyo kan kiujlie.

Juan 18:28

Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Juan 18:33

Pilato yapilie'eje kiajwe jlaja 'wuk, sekyi'i ti tanayi ja Jesús. I'yasen'ne ti iyo'ate: —¿Mi a'am Judíojos jika anechiyasts'a'm?

Juan 18:34

Jesús isiujlie ti iyo'ate: —¿A'am t'e ti atankiujnieye, ni'ne ka poye paka injwe'la'm?

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 19:10

Pilato i'yase'n ti iyo'ate: —¿Jop'an ka je akiulk'i'm? ¿Je 'najane ti it'iuni po' ka 'yakajliu'n ajap ka ink'iejwata'a japa cruz, ni'ne ka iyo ka iniujwa'n kisie'e?

Juan 19:8

Pilato ipi'yayi ti kia'iyo, kat'aja ti jnots'ijni.

Juan 8:14

Jesús iyo'ne 'ate ti isiujlieyi: —Siuniwa yamtis, ijiate wek yam yamata ti anijwe'el, lapakawo ti laja po'. Siunie atajli ts'ajane pi awone, siunie jajiojwi kia'iyojliyi, siuti asa'am je 'najanayi.

Filipenses 1:28

Ká aninenayi 'ate siunie ti ja ke injweyeyi napo astajiejwas. Siunie ti kiak jawoyeyi, nak 'yakajanit ti jano'we ti jajnoyi siunie je 'es jiliayeja', 'yina jlampet ti asa'am jajwayejyi'n. Naka pet ti tajle pi Sinia' siunie iyo'nase.