Juan 19:39 - Sinia' Jlamtis 1994

³⁹ Nicodemo kia'iyo 'nes 'neje, siojo ijioyipi ja Jesús ti ajnaj. Ti itiuni kiwa t'ajwes ki Jesús najapeji ti itijwa'm niwa sikioye pi jikiojieti t'ipi siojo jini inkajk'i, mirra ti tijlijnataja ki áloe.

Juan 19:39 Iomraidhean Croise

Mateo 12:20

Ja ke i'najaneje'n siunie sisej ti pajk'i ti isiaja ka inkiajati, jla'yi ti ja ke ineki siojona kates ti ja'no'me ka 'najaneje'n ka 'nojmat'e. Jajnotk'i'ni ti ja ke inleyi siunie 'es, janeyi ts'ijiye jantate isia'm naka ni siunie je 'es.

Mateo 19:30

Awo'ate, ja 'lojwa siunapo iniant'i'nijpe ja 'wanjliyek'i isia'm. Ja 'lojwa 'neje siunapo 'wanjlik'i isia'm, ti janan'ni.

Mateo 2:11

'Yuyeyisi, i'winis'ne pa kia'le siu'neje japa jlet, sekyi'i ti t'akosjlete'l itiyeyisijin kiajwe ti iyunitis. 'Yajlinitiek'i ape'e puwa jikijmatis, iyoyeyi 'wajietisa' puwa wikinie maja ti 'najli siu'neje pa incienso, siu'neje pa mirra.

Marcos 16:1

Yam'niji siojokia jloma ti i'nio 'wanjlijyi'n, María Magdala jleliki jla'yis japo Salomé, jlajaka 'neje jlaja María 'neje Santiago jlet yamat'iyisijpe siupi jini inkajk'i ti ja'nelinisik'i kiak t'ajwes masa ki Jesús.

Juan 12:3

Sekyi'i'ne jlaja María ti yamayi siojo a'la' jlokiet'e' jle' iyo'ate nardo, ti jini inkajk'i, medio litro ti laja po'. 'Yilinayik'i jawa jisietis ja Jesús, sekyi'i itime ti ilijayik'i jawa ji'wole. Jini yapiliyeyijin'ni kiajwe jlaja 'wuk yiyis kiajwe.

Juan 12:7

'Yina Jesús isiujlie ti iyo'ate: —Ene wek 'ate, 'yina ti jlam iwiakajlanit ta'a its'ioye siuti janeyi siojona jloma ti ja titijik its'ioye.