Juan 19:30 - Sinia' Jlamtis 1994

³⁰ Jesús its'iujwam'ne, sekyi'i iyo'ne 'ate: —'Esiji, atejwi. Sekyi'i jletik iniajmana isia'm, ti 'yala.

Juan 19:30 Iomraidhean Croise

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Mateo 27:50

'Yina Jesús yikiajle'e 'neje ti tajwijyi'n, sekyi'i ti 'yala.

Mateo 3:15

Jesús isiujlie ti iyo'ate: —Sejni wek'iate. Awo'ate, 'esiji ka iyoki wikie'eyi siunie Sinia' iyo ka iyoki. Sekyi'i Juan ijiate iyoyi,

Marcos 15:37

Pakatajak'i ti ijiatayi ti 'yakets'ijiap ti tajwijyi'n, sekyi'i Jesús 'yal'ne.

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Lucas 23:46

Jesús iyo'ne 'ate, ti 'yakets'ijiap: —¡Inia', siu'nie isiak'al ekiaj'la! Yiyik'i wek ti 'yalat'ipi.

Juan 10:11

“Ya'am sontas jiwok'i'm siunie ti 'es. Siunie sontas jiwo ti 'es iniwe'n ape'e k'iye niwa jiliajwas.

Juan 10:18

Ijiate, ja ke pakaye siupi jasitiajnat ti ja silia'an, lapakawo ti yam ya'am ti talk'i. Siunie awo ti kia'awo. Lapakawo ti nak tijniejietak'i'm pet, siunie ti je e'n jana i'wiesankiye jla'yi siunie ti janapik'i ka netieje siojona jloma, 'yina nak iyotaja ka iyo ni Inia'.”

Juan 17:4

“Pajk'i ti ateme ti awunit siuti a'yi 'ni ajnat, 'yina ateme siukia jijliuyijk'i'm ka iyoyi.

Juan 19:28

Yam'ne 'niji kiwaka, Jesús 'yijene pi iyone ti itime wikie'eyi siukia iyo. Iyo'ne 'ate: —Siki'im. Siuti kia'iyo, ti iyojonk'iye ka ijiatak'iyi siuniwa Sinia' jlamtis.

Juan 4:34

'Yina Jesús isiujlie'ne japo t'eyasajnas ti iyo'ate: —Siunie yak, naka ti awo siunie ijliuyijk'i'm ka itime ni jikijmaye ni i'nio' sijliu'.

Romanos 10:4

Siunie Moisés jika'neyasajnaye, Sijwajieti pak jlam ti iyo jlaja, kajeyepa ti naka ti 'yijene pi iyone siunie ijialasink'iye ni siunie je 'yakakiu, 'yina janakaye'eje pet ti Sinia' janlesajne'n.

Romanos 3:25

Sinia' jlam ti iwi'in pi Sijwajieti ka insa'ni ki ji'woyis, sekyi'i 'ya'al. 'Yina ti iyoyi ji'niayija' napo i'nio', lapakawo ti iyo ka inetiajnat ni jitis iyo jla'yi ka jiwak inojwi ni Sinia', iyo ti je 'yakakiuyis ni Sijwajieti. Jak je iyoyiji'ni 'yakaja ti tijnajyi ni Sinia', isiwaliye'e niwak inkeyis ti pajk'i, ijiatjliyi lajak'i paka iwo.

1 Corintios 5:7

It'imina ti awo'ate, jotie ts'iji siunie jijlinkit ji'yusie ti naka ti inkajyina, ajwe'el niwa asoski'layis. Sekjane'yi ka woyena'a 'ate iyo jana woye ti ink'ie', ti ink'ie' ni inwakiwa mak ti tilisanaje siojona laj jijlinkitaja', ti tejeye pet jana Judíojos jiliakijnieye Pascua ti yiyetaja. 'Yina kiak jiwoyeyi janaka woye ti ajwe'el, je pa yiyeje ni asosik siunie inwakiwa mak jijlinkit, ti ajwe'el niwa askeyis ti je isis. 'Yina Sijwajieti naka siunie ji'wolepo' jlas ti ji'woma, ti atajietaja janaka Pascua, kajeyepa ti tiliana sitipe'e ka kasts'isisi.

Filipenses 2:8

Inijlasat isia'm, ka kia'iwo ka initonit'ni, je iyo ka inka'm ape'e siupi iyo pi tijliukieje ka iwoyi, it'imina'ne ti 'ya'al. Paj ti tenaja'a pijia'm japa cruz t'ipi.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 9:22

Siuka 'yena siunie inka'neyasajnaye 'yina a'wena ti ijliena ka ijiatayiji ka pajlata niwak wask'i'nelaja ti ijwienjli jla'am nak 'woyis ti initiajnat ni t'ojli, sekyi'i ti 'esie pet jitieyi'i pa Sinia'. 'Yina tiwet'ianaja kapoye pa inke' ka netia'n siuti je tisiaye ape'e nak 'woyis.