Juan 19:20 - Sinia' Jlamtis 1994

²⁰ Siojowa inamtis tilisanaja tajla'm napo Hebréojos, Roma jlele, Griego ji'lij. Jak je iyoyiji japo Judíojos i'yen'ni 'ne; siojo tena'a ja Jesús ti tik'iejwata'a jlaja cruz je tojwape'n jlaja isi'.

Juan 19:20 Iomraidhean Croise

Lucas 23:38

Po' t'ipi pa a'la' t'aj, ti inamtis yi'i tena ape'e japa jletik pa Jesús, ti iyo'ate, “'NAK JUDÍOJOS JIKA ANECHIYAS.”

Juan 19:13

Siuti Pilato ipi'yayeyi, takajlunieyi ja Jesús ka titiona kisie'e. Sekyi'i ti tanayi ti ti'yena siupa jitis iyo, yi'i siojo tenaja'a'ni napo ti kia'iyo, Hebréojos ji'lij iyo'ate Gabata, ti iyo'ate Sisajas ti T'otata Ape'e.

Juan 19:42

Sek tena'a'ne ki t'ajwes masa ja Jesús, kajeyepa ti je tojwa, jla'yi ti je toj'we siojokia jloma ti i'nio 'wanjlijyi'n.

Juan 5:2

'Yina sekyi'i siujlieja i'niat ti inajie'wet jle' iyo'ate Betzata, ti Hebréojos ji'lij, 'yakama'a ja 'wuk kiwet jlaja isi' jle' iyo'ate 'Wolepo' Ka 'Wuk Kiwet. Ijwienjli 'ni sikio' itij'we siojowa jlopalikis jlajak i'niat.

Hechos 21:37

Ti Pablo je tikiniejliyi'iji ti ja toki siupa yi'i papo tokis 'loj, i'yasen'ne ja tokis jika anechiyas ti iyo'ate: —¿'Esiji ka 'yakamtijniena kiu'? Tokis jika anechiyas isiujlie ti iyo'ate: —'Najanp'ane ki Griego ji'lij.

Hechos 21:40

Ijiatjliyi tokis jika anechiyas 'yajlinit'ne k'iye ka intamti ape'e japo i'nio'. Sekyi'i Pablo takasit'ne, ijio'ne ape'e siojo tiniukk'i'ni, jikio' ijie'ne ape'e japo i'nio' ti iyo ka tik'iukie, ti jantamti. Its'iuyisie 'ate, tamti'ne ti iyo Hebréojos ji'lija', ti iyo'ate:

Hechos 22:2

Ti ipi'yayisie ja Pablo ti iyoyi ki Hebréojos ji'lij, sekyi'i ti ijiatayiji ti its'iuyisk'i 'ate. Pablo jlam yinjliyi ape'e ti iyo'ate:

Hechos 26:14

Kasno'wajnat'e siojopo ya'yis, sekyi'i ti ape'yayeyi ya'am siojo ina'lap tom poliyi ti iyonk'iji 'ate, ti Hebréojos ji'lij isienk'i, “Saulo, Saulo, ¿yot'iyi'ni ti jiwo atajiejwayek'i'm? Am, a'am ti jinilaki, siunie ti jitie'yi ijyilia'm, jiwoye'ate iyo siuniwa wakiajas ti inkijmayewos ti t'as'ni ilia'm siunie t'etajajam'ni ti tétitiejtaja ni jikijmaye.”

Hebreos 13:12

'Yina kiak iyo'ni pet siu'nie, ti Jesús jijliak'ali ti je jlase' ti 'ya'al tojwapen'ni siupa yi'i pa isi', ti iliji papo i'nio' puwa jikeyis, it'iminayi ti kia'iyo ti isis, siupa ji'woyis ti isia'ni.

Apocalipsis 16:16

Siojo ajnat yi'i ti ijiut wita'm napo anechiyasas siojowa imose'l jle' iyo'ate Armagedón, Hebreo ji'lij.

Apocalipsis 9:11

Siunie jika anechiyas naka injlojwanik poli jlele ni siunie ji'wet pet siunie kiawe ti je ti'wena isia'm pi jik'ioyi, ti 'najlati 'wet, jle' iyo'ate ti Hebreo ji'lij Abadón. Jlampet ti griégojos ji'lij iyo'ate Apolión, ti awonaja pet 'ate Kalankijieta.