Juan 19:17 - Sinia' Jlamtis 1994

¹⁷ Jesús titilkinaja'ne jlaja jika cruz, ti tikiniejayi. Paj ti yiyeyi siojo ajnat jle' iyo'ate Ijnetik Jleli 'Wet, siunapo Hebréojos iyonisi 'ate Gólgota.

Juan 19:17 Iomraidhean Croise

Mateo 10:38

I'nio' ni je itijlia jana jika cruz, ka ina'm ijyik'i, je 'yu'we ka iwo jika'nionajak'i'm.

Mateo 16:24

Sekyi'i Jesús kiak iyonayi japo t'eyasajnas: —I'nio' ni jawo ka iwo 'yiyasanikie', 'esiji kanleyi siunie iyo ti jla'am siunie iyo'neje ni jikijmaye, jantejlia jana jika cruz, sekjane'yi ka inamana'a ijyik'i.

Mateo 27:37

Ape'e wat jla'a jletik sek its'iejwatayits'i ni a'la' t'aj ti inamtis yi'i, siunie ti titiajlataja ti ja tiliana, ti iyo'ate, “'NAKA 'NI JESÚS, JUDÍOJOS JIKA ANECHIYAS.”

Marcos 10:21

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Marcos 15:26

'Yina ape'e jla'a jletik ti tena'a pijia'm jlaja jika cruz, sek tik'iejwataja'a pet ni a'la' t'aj 'nak k'iek'i, ti inamtis yi'i, ni siunie it'imina ti tiliana, ti iyo'ate, “JUDÍOJOS JIKA ANECHIYAS.”

Marcos 15:32

¿Yot'iyi'ni ti je tisiojmajyi'n kanijwajiet, siusie Injwajieti ti inijwe'el Saka Anechiyas sa'am ti Israel jika kia'lits'e'm, 'nakayi ti sekjane'yi ka je 'yakakiukiena'a? Siojopo jiliaye iniuyi wita'm ti tik'iejwata'a jlaja cruz, kia' iyojliyi i'nijmanjliyi ti iliakiyis.

Marcos 8:34

Sekyi'i ti tanayi japo t'eyasajnas papoka 'neje jla'am papo i'nio', ti iyone 'ate: —I'nio' ni jane'yi ni jawo kayo 'yiyasanikie', ka jnotieyikiunie'e ts'iji siunie ti jla'm ti itiliaja ka woyi. Ka intejliajana'a jana jika cruz sekjane'yi ka inamana'a ijyik'i.

Lucas 14:27

Siunie i'nio' ja ke intejlia jana jika cruz, ka ina'm ijyik'i, kia'iyojliyi nak ja ke ikajli ka inwo 'yiyasanikie'.

Lucas 23:26

Ti yamat'iyisijpe pa Jesús ti jank'iejwatits'i japa cruz, isiutiet'iyisipe pa i'nio' jle' iyo'ate Simón, Cirene jlele, ti tal ojwe, jota napi. Isiejesin'ne ti itilkinisi japa cruz, Jesús ja tik'iejwata'a, ti 'wanjlijap'ni isia'm pa Jesús ti titilki.

Lucas 23:33

Ti yiyeyisi siupa ajnat jle' iyo'ate Ijnetik Jleli 'Wet, sek tena'a'ne pa Jesús ti tik'iejwata'a japa cruz, tijwanaja'a siupapo times kajlajnatas. Titiujmataja 'niji jijweye pa ijwienjli, jikiecha pa titiujmataja ji'lieme pa Jesús.

Lucas 23:38

Po' t'ipi pa a'la' t'aj, ti inamtis yi'i tena ape'e japa jletik pa Jesús, ti iyo'ate, “'NAK JUDÍOJOS JIKA ANECHIYAS.”

Lucas 9:23

Sekyi'i ti ipijlanitieye ape'e papo i'nio' ti kiak iyone: —I'nio' ni iyo pet ka ijna ijyik'i, ka je wujwakiunie'e ka neki siuniwa jitienkiujnieyejes iyone ti jla'am, jlomas ti jantejlia jana jika cruz, ka inamana'a ijyik'i.

Juan 19:13

Siuti Pilato ipi'yayeyi, takajlunieyi ja Jesús ka titiona kisie'e. Sekyi'i ti tanayi ti ti'yena siupa jitis iyo, yi'i siojo tenaja'a'ni napo ti kia'iyo, Hebréojos ji'lij iyo'ate Gabata, ti iyo'ate Sisajas ti T'otata Ape'e.

Juan 5:2

'Yina sekyi'i siujlieja i'niat ti inajie'wet jle' iyo'ate Betzata, ti Hebréojos ji'lij, 'yakama'a ja 'wuk kiwet jlaja isi' jle' iyo'ate 'Wolepo' Ka 'Wuk Kiwet. Ijwienjli 'ni sikio' itij'we siojowa jlopalikis jlajak i'niat.

Hechos 7:58

Tokiet'iyijpe kisie'e ti titiajlanaja'm japa isi', sek tenaja'a'ne ti sisajas titietajaja'n. 'Yina ti yiyet'iyisipi siupa ijioyisiji, siupapo ijiutkinisi paka jitis iwo ji'wuye tilienat'ijyits'ipe. Ijiutkinisi pet siupa jwemik jle' iyo'ate Saulo kan'yena.