Juan 18:4 - Sinia' Jlamtis 1994

⁴ 'Yina Jesús pajk'i ta'a ti 'yijene pi iyone siukia ja tiwonaja, it'imina'ne ti iniuye kisie'e, iyo'ne 'ate: —¿Tempi jiwoyejyin'ni?

Juan 18:4 Iomraidhean Croise

Mateo 16:21

Sektaj'le ti Jesús inijwelaja'm japo t'eyasajnas ti iyo'ate: —'Yejne'n, je 'esiji ka je ijio Jerusalenne kajeyepa ti sek ja senaja'a siunie ja tiwonak'i ti ja wujwa ti janilayiti, ni janwonk'i napo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye. Napok ja silia'an, 'yina jlomas janajapeja janiu kisie'e ti jatiajla'm ni a'no'.

Mateo 26:2

—Mejla'ala ka je 'najanayi paka awonayi, ti siojona Judíojos jiliakijnieye Pascua times jiwek niwa jlomas netia'n ka ineyena'a isia'm. 'Yina janak siojona jloma ti ja tekiajla ni I'nio' Jlas, ti ja tik'iejwata'a pijia'm jana cruz.

Mateo 26:21

Jlampa ti'yekiunieje'n, Jesús iyonayi 'ate: —Ijiate siu'nie jayoyi, ti ijwienjli 'ni ja siwe'en ti asa'am.

Mateo 26:31

Jesús sekyi'i ti ijwijla'm ti iyone'ate: —'Yejne'n, siu'nie ajnaj ja inwikie'eyeyi ti ja leyek'i. Iyo niwa Sinia' jlamtis ti iyo'ate, “Jalia'an ni sontas jiwo, siuniwa jiliajwas janitiajnate'n ape'e 'ni ajnat.”

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 13:1

Jlampa ijwienjliye jakia jloma tomk'iye ka neyi siojokia inlakijnieye Pascua, Jesús pajk'i ta'a ti 'yijene pi iyone ti yiyi japak jloma ti janek ti jantaj'le 'ni ajnat, ti jani'wene pi Jinia' poliyi. Jesús yamjliyi ti 'namaja japok, siojopo tijna'yi pet, yi' ajnat'e, tajlap'e ti 'nelanjie'e, paj ti yiyeyi pi jlaj yi'i.

Juan 13:11

Siuti Jesús iyo'ate, “Je inwikie'eyetaja ka insisie”, kajeyepa ti 'yijene ta'a pi iyone siojo yi'i ja janla'an.

Juan 18:5

Isiujlisie ti iyo'ate: —Siojo Jesús Nazaret jlele. Jesús isiujlie japo ti iyo'ate: —Ya'am. Judas, siojo iwi'in ja jika'niona, yiji japo i'nio'.

Juan 18:7

Sekyi'i ti Jesús yikiajlayi'iji ti i'yase'n japo i'nio' ti iyo'ate: —¿Tempi jiwoyejyin'ni? Kiak iyoye'ijyi pet ti isiujlisie: —Awoktajayin'ni siojo Jesús Nazaret jlele.

Juan 19:28

Yam'ne 'niji kiwaka, Jesús 'yijene pi iyone ti itime wikie'eyi siukia iyo. Iyo'ne 'ate: —Siki'im. Siuti kia'iyo, ti iyojonk'iye ka ijiatak'iyi siuniwa Sinia' jlamtis.

Juan 6:64

'Yina ya'am awo'ate, 'lojjli'ijyi ti asama ti jikakiunieyi. Jesús iyo ti itiant'ieje ta'a ti 'nelanjie'e isijme'n siojopo je its'iuyeje, siu'neje ja janekial.

Hechos 2:28

Pajk'i ti jipayiji its'ioye siunie 'nayi tejeyi jana in'wasankiye. Jampok'i ni inikanitieyi siuti jle' ijiap.”

1 Pedro 4:1

Siupi iyot'iyipi pa Sijwajieti ti inilayiti pi iyo pa jiwet'ia, kiak jawoyeyi pet. 'Esiji ka niwakajlanitie ta'a k'iye siunie asjlak'aliye ka netie'ase. 'Yina ti siunie ti ijiate ti inilayiti, nak iliyi pet 'nijiye ni jike',