Juan 18:3 - Sinia' Jlamtis 1994

³ 'Yina 'nes'ne ja Judas ti ajnaj jla'yis japo ijiawos siu'neje japo i'yena jlaja 'najla'wet. Siojopo pa'yijis jika anechiyasas japok ijliuk'i, japoka 'neje jla'am japo Fariséojos, ti iyoyis jikio' jleliye, jla'yi ti iyoyis jika katesila.

Juan 18:3 Iomraidhean Croise

Mateo 25:1

Jesús iyoye'eje 'ate: —Siunie Inia' jika anechijiayas kiak jawo'ate siu'nie: Po' siupapo jlosie times sikio' itij'we, ti yamisk'iye siupi i'nio' ti janjwa'yi, itiunis puwa jika katese'l.

Juan 13:2

Jlampa itimayi pi imosik ja Judas Iscariote ti iwijna'm pi jlosik je 'es, ti iyo ka inla'an ja Jesús. Jesús 'yijene ti tal Siniayi, siu'neje ti janapili pi Sinia', siu'neje ti Jinia' pajk'i ti jijweye yikiajle. Jlajmiliet, siuti ti'yekiujni'n, Jesús iliejni'ni ja ji'wu' tomi pijia'm, isimayi siojo intokio' tilijiki'i'ni, ti its'ijwane jlajap.

Juan 18:12

Siojopo ijiawos jla'yi ja jika anechiyasis, siu'neje japo i'yena jlaja 'najla'wet, isimits'i'ne ja Jesús, sekyi'i ti ilie'nitisie.

Juan 18:18

'Yina ti techaja'n jakayi, siojopo ijiawos siu'neje japo i'yena jlaja 'najla'wet, t'ajlet ijlianisi'i'ne, 'yina kiak tejeyits'i'ni'ne. Pedro kia'iyo sekyi'i teje'yi'ni pet ki jwat.

Juan 18:22

Ti Jesús kia'iyo, siojo i'yena jlaja 'najla'wet sekyi'i ti ipiaj'ne ja Jesús, ti iyone'ate: —¿Kiak jiwo ti jikiujlie ni pa'yijis jika anechiyas?

Juan 19:6

Siojopo pa'yijis jika anechiyasas, siu'neje japo i'yena jlaja 'najla'wet, ti i'winayits'i ilia'm, iyoyis'ne 'ate ti tanisi ape'e: —¡K'iejwat'e japa cruz! ¡K'iejwat'e japa cruz! Pilato iyo'ne 'ate: —Kima'yi asa'am, k'iejwata'yi japa cruz, siuti ya'am je a'we'en paka jitisa'.

Juan 7:32

Siojopo Fariséojos ti 'yijenayisi pi iyone siukia tiwonaja ti intaj totieje, japoka 'ne'eje jla'am ti ijliu' papo tokis siojopo i'yena jlaja 'najla'wet, siu'neje japo pa'yijis jika anechiyasas, ka inkimits'i ja Jesús.

Hechos 1:16

—I'lijwas, lapakawo ti yiyi jana jloma tenat'iyipi, Sinia' jikimet ti 'es iyont'iyijipi pa David ti ijwi'il pet, ti yi'i ni ji'wet, ti ijwi'il kia Judas masa. Kiak sa'yitape, ti iniutiejeje ja Jesús kawo jlamtikie' niwa Sinia' jlamtis. 'Yina je pajtaja ti iyoyeyi siunie iyo, ti iniank'iye japo i'nio' ti isimisie'e ja Jesús.

Hechos 10:1

Pope ja i'nio' jle' iyo'ate Cornelio, ji'wet yi'i jlaja ajnat Cesarea, tokis jika anechiyas Italia jlele.