Juan 18:20 - Sinia' Jlamtis 1994

²⁰ Jesús isiujlie ti iyo'ate: —Siuti amti je anijweki, eni'ni jitieyi'i wikie'eyi napo i'nio', jla'yi ti aka'neyasanata eni'ni kiajwe siuniwa 'najla'wetis je wus, siu'neje jana wuj, siu'neje niwa yi'i 'ni napo Judíojos ti initotietak'i wita'm. 'Yina lajk'ipa ka yi'i ka inijwek ti amtiyeta.

Juan 18:20 Iomraidhean Croise

Mateo 24:26

Jak je iyoyiji, 'wanjliyi ka kia'iwo paka injwe'lase'm ka iwo'ate, “Jon ka 'yenayi siusie I'nio' Jlas yi ts'iji 'lajni”, 'yina ká akinie'ni. Ni'ne ka wo'ate, “Jon ka 'yenayi siu'nie yi'ne, yi kiajwe siujlie'e ti inijweki'n”, ká ak'iuyeyi siunie janwo'nase.

Mateo 26:55

Sekyi'i ti kiak iyonayi japo i'nio': —¿Yot'iyi'ni ti jiwoye astesajnatisie', jla'yi ti jiwoye ask'iulisie', ti jiniamak'i, siwonayeyi 'ate ni i'nio' kajlajnata? Jlam'ne wikie'eyi kiwa jlomas ti si'wenayeta'ni ka jakayetaja ka akimak'i'm.

Mateo 26:65

'Yina siojopo pa'yijis jika anechiyas its'isatayisk'i kiwa ji'wuye, lapakawo ti jwesis. Iyonayi 'ate japo ijia: —¡Ijiate wat ti iliaki pi Sinia'! ¡Sek jla'a, je asetiana paka jikiechaye ka na'am ka injwel paka jitis inwo! ¡Jipe'yaye ala ki iyo niwa jlamtis jiniliaja!

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Mateo 9:35

Jesús iniuk'i'ni jawa isi'il siu'neje jawa ji'wetis jilis japo i'nio', ti taka'neyasa'n yi'i jawa t'ajla'wetis jla'am japo i'nio'. Ti iyo ka'niyeja' ti ijwi'il kiwa Sinia' jlamtis, ti niwaka jika anechijiayas. Ijwiejiete wikie'eyi kiwa jiwet'ia iyo japo i'nio', siu'neje kiwa iliatits'i yijits'i jawa t'ajwes japo i'nio'.

Marcos 8:32

Jesús ikajanitk'i ta'a k'iye siupa janwo. 'Yina Pedro ti ipi'yaye ti kia'iyo, sekyi'i yamayi kiu wat ts'iji ti ijwienkite'n ti ijliutieje'ni ka kiak je iwoyi.

Lucas 21:37

Siupi iyot'iyipi pa Jesús, ti jlomayeta ti ijioyi'ni jlaja 'najla'wet ti taka'neyasa'n, jlampet ti ajnajata ijiojwen'ni tikijnakija'm yi'i siojopa tikijnaki jle' iyo'ate Olivokiet.

Lucas 4:15

'Yiyasajne'n papo i'nio' yijits'i puwa 'najla'wetis, wuj ti tonitie.

Juan 18:21

¿Yot'iyi'ni ti si'yase'n? 'Yase'n siunapo sipe'ya'nijne, napok janjwe'la'm siunie iyo ni 'eyasane'ni. Napok 'yijene siunie ajwe'el.

Juan 6:59

'Yina kiak iyo 'niwak Jesús jlamtis ti 'yiyasajne'n japo i'nio' yi'i jlaja Judíojos t'ajla'wet, yi'i jlaja Capernaum.

Juan 7:14

Jikiowe'eyi jakia inlakijnieye ti Jesús ijioye kiajwe japa 'najla'wet, ti taka'neyasa'n.

Juan 7:26

Siusie, 'nak p'an yi'i takamtijniene napo i'nio', entip'an ti lajk'ipa ka in'yikisane. ¿Ent'a 'yijenayi pi iyone napo anechiyasas ti jlam ti Injwajieti ti Sinia' jijliujwanik?

Juan 7:28

Jesús taka'neyasa'n kiajwe jlaja 'najla'wet. 'Yakets'ijiap ti tamti ti ipi'yayeyi japo i'nio' ti kia'iyo: —¿Intant'iejap'ank'i, jla'yi ti 'najanap'ane siunie ataj'le? 'Yejne'n, siuti ana'am je ya'am ka intalk'i, 'wenajliyi jla'am siunie sijliu', ijiate jla'am ti 'yu'we napo i'nio' ka je inkakiuyis, naka ni je intant'iejayi.

Juan 7:4

I'niojie'e ni ti iyojonk'iye ka ti'wena, je inijweki siunie iyo kanwo. Jlam 'esiji ka wikie'eyeyi ka a'wenkijna'm siunapo yi' ape'e 'ni ajnat, entipa jiwoyeyi.

Juan 8:2

Siukia ti jlomaye'eje ti k'iejli mot, yapilieyi'ijyi jlaja 'najla'wet. I'nio' 'yakapajlayisi, sekyi'i yiyeje'n ti 'yiyasajne'n japok i'nio'.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

Hechos 26:26

Yi 'ne 'na anechiyas Agripa, siu'nie 'yijene pi iyonk'i, siuniwa ajwe'el, it'imina ti je sots'i'n ape'e ti ajwe'el. Je iyo'ate ka je 'nakaj siunie Sinia' iyo ti ilisane, iyo niwa i'wi'in na anechiyas.