Juan 18:13 - Sinia' Jlamtis 1994

¹³ Iniajnatis ti ijioyisiji ja Anás, siojo Caifás jikant'ek, ti jak jlameje ti jika anechiyasis japo pa'yijis siukia najkap.

Juan 18:13 Iomraidhean Croise

Mateo 26:3

Kiwak siukiwa jlomas ti pa'yijis jika anechiyasas, jla'yis napo kijilas, ininenisi 'wet'e ja Caifás siojo jlamt'iyiji ti wuj japo pa'yijis jika anechiyasas.

Mateo 26:57

Jesús tikinieje ji'wete ja Caifás, pa'yijis jika anechiyas ti wuj. Yame jla'am siojopo jiwos pet siunie Moisés jika'neyasajnaye, siu'neje japo kijilas ti ijioyisi siojo ininenisi'i'ni ti initotk'i wita'm.

Lucas 3:2

siupapo Anás jla'yi pa Caifás papok pet papo pa'yijis jika anechiyasas ti wus. Puwak jlomas ti Sinia' ji'lij yiyeyi pa Juan, Zacarías jlas, yi'i pa ajnat laj i'nioye'e.

Juan 11:49

Kiaka najkap ti Caifás ti yi'i ti iyo pa'yi jika anechiyasa' ti wuj. Jaka'ne siojo ti iyone'ate japo ijia: —Ijiatp'aneje ti je 'najanayi.

Juan 11:51

Caifás je jla'am ka jlamtisa', siukia iyo ti tamti, 'yina ti jla'am ti pa'yijis jika anechiyas, it'imina ti Sinia' jlam ti yamtijie'n ti ijwi'il ja Jesús ti janiwe'n ape'e napo i'nio' siunapo Judíojos.

Juan 18:24

Anás ipi'yaye wekie'e, ta'a ti takajlunie ka tikiniejeje ja Caifás, tilie'nitie'ne ti tikinieje.

Juan 18:28

Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Hechos 4:6

'Yina Anás sekyi'i, pa'yijis jika anechiyas ti wuj, siu'neje pa Caifás, siu'neje papo ijia jleyis iyo'ate Juan jla'yi pa Alejandro, wikie'eyi papo ijia papo pa'yijis jika anechiyasis ti wus.