Juan 17:2 - Sinia' Jlamtis 1994

² Lapakawo ti a'm ti pajk'i ti jijweye jiwejna'm, ape'e wikie'eyi napo i'nio', ja'nakayeyi siunapo ti jlekiajle pet janwejna'm siojona ji'wasankiye ti laj jlaja.

Juan 17:2 Iomraidhean Croise

Mateo 11:27

Yiyik'i ti kia'iyo, sekyi'i iyo'ne 'ate: —Inia' yikialk'i wikie'eyi niwak wask'i'nelaja. Lajk'ipa ka nets'e ka ijiatayiji ka intant'ieje ni Jlas, ijwienjli jla'am ni Jinia' ti 'yijene pi iyone. Jla'yi ti lajk'ipa ka intant'ieje ni Jinia', najataja jla'am ni Jlas ti itiant'ieje, siu'neje napo iyo ni Jlas ka intant'iejeniti.

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Juan 17:9

'Ajlajnap'a napoka, 'yina je napoka siunapo ajnat jlele pet ka 'yejlajnap'a. Napokata jla'am siu'napo ti tijna'ya'm pet, ti jlekialk'i.

Juan 3:35

Sinia' yimi'n ni Jlas, yikiajli'ne ni jijweye ka inkie ape'e wikie'eyi niwa wask'i'nelaja.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Juan 6:39

Siunie iyo ni i'nio' ti sijliu', je iyotaja ka netiana'a paka ne'yi siunapo yikialk'i, 'najata ta jla'am ka iniujwank'i kisie'e ka intajli niwa a'no'ol siojona jloma yi' jlaja.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

1 Corintios 15:25

Jana'an ti Sijwajieti jane'yiji'n jana ji'wet ti jawo anechiyasa', paj ka kia'iwoyenie'e siunie jawoyi ti Sinia' janen kiajwe siunapo jikojwas.

Efesios 1:20

jakayi ti iniujwat kisie'e ni Sijwajieti, ti tajla'm ni a'no' ti yinaja'n 'niji jijweyeje, 'niji poliyi.

Filipenses 2:10

Ja'nakayeyi ti ja wikie'eyeyi siunapo poli jlele pet, siu'neje napo yi'i 'ni ajnat, siu'neje napo yi pet kiajwe 'ni ajnat, ja t'akosayisijna'a kiajwe ni iyo ni Jesús jle' ti janwunitis.

1 Timoteo 1:16

'Yina ti Sinia' wuj ti sip'elisi'n, it'imina ki iyo ti Sijwajieti wuj ti inilayiti pet its'ioye ti je k'iejliyi paka inenk'i'm 'nakayi ti jan'we'en napo siunapo iyojon pet k'iye ka neki siunie iyoyi, jla'yi ti iyojonk'iye pet kan'we'n jana ji'wasankiye ti laj jlaja, 'yiniye ka iniane k'iye napoka.

Hebreos 1:2

'Nakayi siu'niwa jlomas yi' jlaja, jlas pak iyoyi ji'niayija' ti i'yasts'e. 'Yina je 'wena 'neje paka intajlate siuti ilisanayi 'ni ajnat siu'neje ni poli, wikie'eyi niwa wask'i'nelaja ti ti'wena, 'yina naka'ne ni siunie yikiajle ti jakimita niwak wask'i'nelaja.

1 Pedro 3:22

ti ijio poliyi, ti yiji'n 'nijiye jlepi pa Sinia' ti tome jijweyeje. Ti injlojwajnas poli jlele jika anechiyas, siu'neje puwa injweyejes ti yiji ni poli, siu'neje puwa inwunitieyejes wikie'eyi ti yi' kiajwe.

1 Jn 1:2

Siojona in'wasankiye inikajanit. A'wena, sekyi'i awoki samtikie'. 'Nakayi yi'ase pet ti ajwela'yase'm janak in'wasankiye ti t'o'n, ti jlam pajk'i ta'a ti yijap pi Sinia', 'nakayi ini'wenki'nase'm.

1 Jn 2:25

Janaka'ne siojona Sijwajieti Jesús ijwilts'e'm, jana in'wasankiye ti t'o'n.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.