Juan 17:12 - Sinia' Jlamtis 1994

¹² Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Juan 17:12 Iomraidhean Croise

Juan 13:18

“'Yejne'n, je ajwe'el ka inwikie'eyeyi, je sit'iayiji'n siunapo aki'mik'i, lapajawo ti janeyi siojona jloma ti siuniwa inamtis t'ipi siunie iyo, ti iyo'ate, “Siu'nie i'nio' akijwane, nak teje ijyilia'm”.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Juan 18:9

Sekyi'i ti yiye kisie'e siukia ti Jesús iyo'ate, “Siunapo jiwenk'i'm, lajk'ipa ka injwanjli kanetiane.”

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Hechos 1:25

siunie jank'iuyeje ni jikijmaye iyo ni i'nio' ajlojwanik Judas iliyi, lapakawo ti ijioyi ni siunie yi'i, 'yu'we kajeyepa ti iyoyi ni je 'es.

Filipenses 2:9

It'imina ti Sinia' yikiajle pet naka jle', ti iyo anechiyasa' ti 'yaka'm ape'e napo i'nio'. Yi'ni'ne siupi jle' ti 'yaka'm ape'e napo ijia anechiyasas jleyis iyo.

2 Tesalonicenses 2:3

Ká anikiwalinitie k'iye napoka ti iyo ka ink'emijieta'. Jitieyi'i janak jloma ja ke piniye napo janleyi ni Sinia', jla'yi ti janta'yi ilia'm pi Sinia'. Japakayeyi ti janikajanit naka i'nio' ti ijiuski'la'n, ti laj t'otaliye, ti 'wena ja ke ijno'we ni ijio'we napo jijliak'ali ti laj jlaja.

Hebreos 2:13

Iyo'neje 'ate: “Itiej jayoma pi Inia'.” Sekyi'i iyo'neje 'ate: “A'ne ti ijwienjli akasiti'iji'n siu'napo jilis jla'm pa Inia' ti iwink'i'm.”

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.

Apocalipsis 19:12

Siojowa jitiete iyot'e 'ate ni jla'al ni jwat ti yat'e, 'loj siojowa tena jletik'i siujlie'e 'yakajanit ti t'an pijia'm pa'a. Poyeta ja jle' ti yi' ape'e, 'yina lapakawo ti lajk'ipa ka 'najane siupi iyoyi, ijwienjli jla'am ti 'yijene pi iyone.