Juan 16:7 - Sinia' Jlamtis 1994

⁷ Ijiatk'i siunie jayo ti jajwi'lase'm, ti siunie ti jayik nak ja'nesieyi. Jlam ti kiak jawo, ja ke iyik, ja ke inamana'a pet siojona asp'ota ka ne'yasap. Jlam ti jayik, sekjane'yi ka namana'a janaka siojona ajwe'el, ti jajliu'.

Juan 16:7 Iomraidhean Croise

Lucas 24:49

Je ijiat ka je ijliu'wase ti jane astepe'e siojona Inia' pajk'i ti ijwilt'ipi. Ká atajlakiunie'e 'ne yi'i jla'a Jerusalén, ijiatjliyijna'a jla'am ka atajatiejna'a siunie asjweyeja' ti jantal poliyi.

Lucas 4:25

'Yejne'n, tankiuniek'i siupa injwejlanik jiwo Elías t'ipi siupuwa jlomas ti je tomet, paj ti 'najapeja ijwienjli pa yisitaja'm puwa najkapis, pakayi ti 'loj papo ask'ilieki yi'i japa Israel.

Lucas 9:27

Jlam je awo siunie jayo'nase ti asa'am pa ja inojwajia'm ti jleye'ne, ja ke i'nalajyi'n 'yina paj ka ineyeyinie'e siojona jloma ti jitiete jan'we'en ni jika anechijiayas ni Sinia'.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 14:28

'Yina sipe'yaye ti awo'ate, “Jayik, 'yina jayapimet'eje ti jayi'iji aska kiowe'e.” Siuti ja ijiatayi ka semina, ka kiak iwoyeyijna'a ka apeniyeyi'inna'a ti jayik ti jajioyi pi Inia', ti jla'am ti 'yaka'm itipe'e.

Juan 14:3

Siuti jayik, jla'yi ti jawiakajlanit siunie jawaye'yi. Jatimeje, ka'nisana'aja ti jayapi'liase, ti jaya'asiye ji'wete ni Inia', ti jawaye ijiap siunie jayi'i.

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 16:8

Siuka 'nesta janaka Sinia' jikimet ti 'es, ka 'nakajanitiena'ape napo i'nio' siunie iyo niwa jikeyis, jla'yi ti po' siunie 'nayi tejeyi ts'iji ti i'nio' iyo ka 'esie, jla'yi 'neje ti Sinia' je ijiat ka je i'ye'en ni jitis iyo ni i'nio', niwak ja'nakajaniti ape'e.

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

Hechos 10:34

Ti Pedro 'nelanjie'e iyoye jlamtikie', kiak t'ipa iyoyeyipi: —'Yejne'n, 'nakayi k'iejliyi ti ts'ajane pa awone ti Sinia' je i'winakit paka i'nioye siunie iyo ni jlemijnaye ti yi'ne napo i'nio',

Hechos 2:33

Jak je iyoyiji'ni paj ti Sinia' yamayi pijia'm, ti yi'neje'n ni ji'wet, ti itiujmat jijweyeje, 'yina yikiajle jana jikimet ti 'es. Sekyi'i ti isiaye sitipe'e, yame ki iyo niwa jlamtis, 'naka'ne siunie ji'wena' jla'yi ti jipe'yaye.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.