Juan 16:33 - Sinia' Jlamtis 1994

³³ “Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 16:33 Iomraidhean Croise

Mateo 9:2

Jesús titiuniejat'iyipi pa i'nio' je t'onk'i ti tiniayija ape'e pa jlo'wet. 'Yina Jesús ti i'wina ti jitienkiujnieye po' papo ijia siupapo isim kiajwe, sekyi'i iyone'ne 'ate pak i'nio': —¡Yas, jwajla'a paka woyi! Siukiwa akeyis je titiajlata'm, imp'elisina.

Lucas 19:38

Kiak t'ipa iyoyeyisipi: —¡'Esiji ka Sinia' iwejna'm ni 'es ni anechiyas ti 'nes, ti name ni Saka'niona jle'! ¡Inwunitieye tena'a ni Sinia' ts'iji poliyi, jla'yi ti inkamankiye po'!

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Juan 12:31

'Nak ja ti'yena 'ni ajnat. Siunie i'nio' tijniejieta'a, ti i'yena ni ajnat, ja totie kisie'e.

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Juan 16:11

Jlam pet siunie ti Sinia' jan'ye'en napo i'nio' siupi jitis iyo, naka pet ti siunie i'nio' ti isie'e 'ni ajnat, ja 'nakaj ti pajk'i ti tisiejek'i.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 23:11

Ajnaj ti Saka'niona ini'wenkinat'ijiampe ja Pablo, ti iyone'ate: —Pablo, jwajla'a paka wo. Wone'ate ti 'nak jle'yi 'ne yi'i jla'a Jerusalén ti sijwe'el, ka atiejna'a Rómaja.

Hechos 27:22

Je'e, jwajla'aja wata'a paka woyeyi. Ja lajak'ipa ka inetia'n ka inekta isia'm jlaja awaki.

Hechos 27:25

Jak je iyo 'napo i'lijwas, jwajla'aja wata'a paka woyeyi. Je akakiu pa Sinia' ti ja'wina, iyo jla'am ni jijliujwanik poli jlele ti ijwilk'i.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

2 Corintios 1:3

Awunit pa Jinia' pa Saka'niona Jesús ti Sijwajieti, Sinia' ti wuj ti kasp'elisijne'n, jla'yi ti kasnejienk'i'ni pijia'm ti kia'iyo ti poyeta ni sijliak'ali.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

2 Corintios 2:14

Ijiatayijia'm pa Sinia' ti kiak iyone pa Sijwajieti, ti itiete isia'm siunie jitiejiejwa ni inilane, naka'ne ni siunie ti awaki' jla'yi ti ajoki nak inwak. Sekyi'i isisiets'e pet napo i'nio' ti a'wenkinaja ka intant'iejesi pet ni Sinia', ni siunie iyo ti itiant'iejesi pi Sinia' itijwits'i niwa ajnatis yi' ape'e 'ni ajnat, iyoye'ate siunie jini inkajk'i.

2 Corintios 4:7

Siunie ijiate ti laja po', naka ni ajwel'ni ti Sinia' jla'am kiak iyonts'e, ti je kast'o'n, awok'iate niwa i'niat jijwa'al ti isatis. 'Yina nak 'yakajanit ti jla'am pa Sinia' ti tajle nak injweye ti je jlase', je ka sama ka intalts'e.

2 Corintios 6:4

Jak je iyoyiji wikie'eyi siuniwa awoki 'yina je anijwekieje ti sa'am ti Sinia' jikawosts'e'm, ti awaki' naka siwet'ia. 'Yina je kasjlak'alk'i wita'm, ni'ne ti lajk'ipa ka'wina, siu'neje ti je 'yakajata paka iyoki,

2 Corintios 7:4

'Wanjliyi je sikip'ase'm siunie awoyi ti ajwe'lase'm, jla'yi ti wuj ti ate'mase pet. Ejlowek siunie sijliak'ali ti yits'e, 'yina siuti ya'am jla'm ani'netjli pet siunie inikanitiejeyi lajayi'ni ji'wetayi 'ni isiowe.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Filipenses 4:7

Ja 'nakayeyijna'a siunie inkamankiye, ti lajk'ipa ka ijnojliji, ti 'yaka'm ape'e ni siunie iyo ni i'nio' ti 'yije'en, jane'yasap ti janoye'ase'm siunie jiwonayi ni asosik jla'yi ni jiwonayi ni astankiujnieye, kajeyepa ti jini'nopijietayiji pa Sijwajieti Jesús.

Colosenses 1:20

'yina Sijwajieti naka 'neje ti it'imina ti jla'am ni ti iyo ka 'esieyi kiu'ujwe wita'm 'ni ajnat. Wikie'eyi siuniwa yi' poliyi siu'neje niwa yi' ape'e 'ni ajnat, jant'emina ti jankama, 'yina ti 'esi siupa Sijwajieti ji'woyis ti tisa'ni ti yi' ape'e japa cruz.

1 Tesalonicenses 3:4

Siuti je atal aska kiowe'e, pajk'i ti ajwe'lase'm ti awo'ate je ijiat ka je ijnelts'e ni siunie siliaye janwo ti wuj ti jawo sijliak'aliye. Ijiatjliyi ka 'wena iwo wata'a siukia awopi ti ajwe'lase'm siunie a'wena.

1 Tesalonicenses 3:7

It'imina, i'lijwas, ti 'wanjliyi ijiate istieyeta ni siunie janiwonaja jla'yi ki iyo ni siunie ti anilayitieje ti je jwajla'a, je 'esiji ti ajieye'ase ti je jiliyeyi ti jiwoyeyi ni astankiujnieye ti 'es, ti jitienkiunieyi pa Sinia', nak kasts'et'ne pijia'm ti 'yiniyi ka iwo sijweyeja'.

2 Tesalonicenses 3:16

'Esiji pi Saka'niona ti tajle ni inkamankiye jlomasak'i kanwe'nase'm ni siunie 'es. Sekjane'yi ti ja akamaja ti ja k'iejliyeyipe pa jawoyeyi, 'esiji ka inoye'ase'm. 'Esiji ka inwikie'eyeyi ka kiak inwo'nase ka ne'yasap.

2 Timoteo 3:12

Ijiate wikie'eyi siunapo ti jawo ka nekk'i ni Sijwajieti ji'niayi ti tijnajyi, napoka ti wuj ti janilayiti siunie jawone napo i'nio' ti jiwak jane'ne.

Hebreos 11:25

'Yina je iyo ka inkatate ka woyi siuniwa wask'i'nelaja siuniwa je t'o'n siunie iyo pit ni inke', 'wenajliyi ti tijnats'i siunie ti iyo ka jiliaye inoj wita'm siupapo Sinia' jilis t'ipi siupi iyo ti inilayiti.

1 Pedro 5:9

Jotie', ni'neti pijia'm ki iyo ni astankiujnieye ti 'es, jlam'ne 'najanayi pi jiwonayi ti je asamkata siunie iyo ni asjlak'ali. Wikie'eyi napo as'lejwas yi' ape'e ni ajnat ti kia'iyo inilayiti siunie iyo ni asjlak'ali.

1 Jn 2:13

Asa'am ti inkijliyejyi'n, i'lij atate'ase ti pajk'i ti intant'iejayi siunie i'nio' po'o ta'a ti 'nelanjie'e, je wakaljli'ijyi niwa wask'i'nelaja yi' ape'e 'ni ajnat. Asa'am ti jwemik'iase'm, kia'iyojliyi atate'ase ni i'lij ti asa'am pajk'i ti jinilanayi ni imosik 'yina jitieyeyi.

1 Jn 4:4

Ilis, asa'am ti Sinia' jilists'ase'm. Je inkajla wekie'e ka intojmatayi'ni isia'm napoka i'nio' ti je ijiate pa kanjwelis. Tepa janwo ka kiak je iwo ti je jlase' ni jijweye siunie yi'asap, 'yaka'm ape'e siunapo yi' ajnat'e.

1 Jn 5:4

siunie i'nio' ti Sinia' jlas to'm ilia'm siunie je 'es ape'e 'ni ajnat. Lapakawo ti ka lajak'i siunie iyo ti je akakiuk pi Sinia', it'imina ti je kaskajli ki iyo ni ajnat.

Apocalipsis 12:11

Sa'm ijia itiete isia'm, ka lajak'i ni ji'woyis naka 'wolepo 'woma ti tisa'ni, siu'neje ni inka'niye ti 'es ti tajle ni Sinia' ti ijwilisi pijia'm. 'Yina ka kia'iwo ka ijnots'ina jana 'najlati, 'wenajliyi jla'am ti inite'em ta'a k'iye naka.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.