Juan 16:27 - Sinia' Jlamtis 1994

²⁷ 'yaka jlam jla'am ni Inia' ti 'nama'ase. Tepa jawo ka kiak je iwo ti asam pet ti i'namajak'i, jla'yi ti je sakakiuye ti ya'am ti atajle ni Sinia'.

Juan 16:27 Iomraidhean Croise

Mateo 10:37

“I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i.

Juan 14:21

“I'nio' ni isi'm ilia'm niwa yamtis, jla'yi ti iyoyi, nak je inijwek ti ijiate ti semi'n. Kiak iyojliyi pet ni Inia' yimi'n siunie i'nio' semi'n. Siuti ya'am kia'iyo jayimi'n, jla'yi ti jani'wenkijna'm.”

Juan 14:23

Jesús isiujlie ti iyo'ate: —Siunie i'nio' semi'n its'iuye niwa yamtis. Siunie Inia' janemi'n. Sekjane'yi ka iniamajana'a, siu'neje ni Inia', ti jawieki.

Juan 16:30

A'wena 'nakayi ti 'najane wikie'eyi niwa wask'i'nelaja, 'wanjliyi ka lajak'ipa ka in'yas'ni, ka in'yase'ni paka k'iejliyeyi. Nak it'imina ti je akakiukie ti ijiatp'ane ti jitial Siniayi.

Juan 17:23

'nakayeyijna'a pet ti ya'am jayiji ti jlamis, jlampet ti a'am jle' ijiap, sekjane'yi ka ijiatayijijna'a siunie iniwonisi ti iniwo'om. Siuti kiak jawo, ka intant'iejayijna'a napo i'nio' ti ya'am ti sijliu', jla'yi ki iyo ti wuj ti i'namaja siunapo jiwenk'i'm, iyo'ate pet ti semi'n.

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 3:13

“Lajk'ipa ka i'nioye ajnat'e ka ijnojwa'm ni poli, ijwienjli jla'am siunie tajla'm ta'a ti 'nelanjie'e nama ajnat'e, naka I'nio' Jlas.

Juan 7:29

Sitiant'ieje ya'am kajeyepa ti atajle, jla'yi ti jla'am ti sijliu'.

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

Romanos 8:3

Sinia' jla'am ti 'yijene pi iyone siunie Moisés jika'neyasajnaye t'ipi je 'yijene paka iwone, kajeyepa ti tajle ti sa'am ti i'niolts'e'm nak it'imina. Pakayi ti ijliu' pa jlas ti t'oniye kiak iyone iyo ni i'nio' ti inke' jilianik, jla'am ti ininekiaj'l ape'e ni i'nio' ti tejeyi jana 'najlati. Jak je iyoyiji siuti iyoyi kiaka, sekyi'i itietayi isia'm siunie jijweye pet naka inke'.

1 Corintios 15:47

Siupi i'nio' ti 'nelanjie'ajat'ipi 'yina tajle ni ajnat, 'yina je 'wena taj'le 'neje ti tiwokieyi i'nioye. Jlampet siupa i'nio' ti tomayi pijia'm, tal poliyi pet.

1 Corintios 16:22

Siuti japoye siunie je 'namaja ni Saka'niona, 'esiji ka jiwet'ia ine'yi ape'e. ¡Saka'niona, jlam woni'na 'ate, kets'ijyi'n!

2 Corintios 5:14

'Yina Sijwajieti jlemijnaye naka ti awoki saka anechiyasa', jakayi ti kasts'ajanayi pa awonaja ti po' siunie ijwienjli i'nio' ti iniwe'n ape'e wikie'eyi napo i'nio' ti no'we ti iyo masesa'.

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

Efesios 6:24

Siu'neje napo ti je yisit ilia'm ni jlemijnaye, ti yi'ne ni Saka'niona Jesús ti Sijwajieti, 'esiji ka wujwa kamp'elisijnempe.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

Hebreos 12:6

Lapakawo ti siunie ti ijiate ti 'namaja, nak iyoye'eje jlosikie', 'yina siunie ti iyoyi jlasa', nak je tasa'ne pet ti isie'e.”

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Jn 4:19

Inia'an pi Sinia' ti kassemi'n, it'imina pet ti aninemina.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.

Apocalipsis 3:9

Jayikiaj'l akiojyi napoka napo jilis pet ni sitiejiejwa imosik, siunapo sintijyis ti injwelis napok Judíojos jlam'ne jla'm iyo, 'nakayi ti t'akosjlete'l janteyiji'n akiajwe, siu'neje ti ja'najanisi pa jawonisi ti emi'n.