Juan 16:25 - Sinia' Jlamtis 1994

²⁵ “Siuniwa iyo niwa ajwe'lase'm niwak siuniwa jla'm ejnap jiwekie'e. 'Yina je ijiat ka je ineyi siojona jloma ti ja ke asetiana' ka kiak tiwona'ase. Ka jnieyetak'iyijna'a ti ja 'yakajanit'iase'm ki iyo ni Inia'.

Juan 16:25 Iomraidhean Croise

Marcos 4:13

Jesús iyona 'ate japo t'eyasajnas: —¿Jep'an jitijnisiek'iyi siukia ti a'yejnap jiwekie'e ni i'nio' kawijnajnata? ¿Tepat'e jawo jiat'eje ka 'najanayi siuniwa ijia ti jota ka ijwi'lase'm?

Marcos 4:34

Jak je iyoyiji siuti 'yiyasajne'n papo je ijlie'n pet niwak siuniwa ti jla'm i'yejnap jiwek, jlam pet siuti 'najli japo t'eyasajnas, je kiak iyone, 'nak ijniejietak'i pet k'iye ti ijwijla'm.

Marcos 8:32

Jesús ikajanitk'i ta'a k'iye siupa janwo. 'Yina Pedro ti ipi'yaye ti kia'iyo, sekyi'i yamayi kiu wat ts'iji ti ijwienkite'n ti ijliutieje'ni ka kiak je iwoyi.

Juan 10:24

Judíojos nojwayisiji ja Jesús ti iyonisi 'ate: —¿Tepat'iyi ka anijwelts'e'm ka ama siupi Injwajieti ti Sinia' jijliujwanik? Jlam woni'ni 'ate: nijwelts'e'm.

Juan 10:6

Jesús yijnapeje jiwekie'e ti kia'iyo ka intejnisisk'i wata'a siojo iyontaja japo i'nio'.

Juan 16:12

“Mawat je atejwta'aja kisie'e siuniwa ijia, 'wanjliyi je 'najanatieje, 'wanjli'itieje kajwi'lase'm.

Juan 16:2

Awojlitieje ti japoye jana jloma ti ja ijnotiejak'i kisie'e ti ja intajlajayi kiajwe niwa 'najla'wetis. Ja'wena'ajyi ti japoye siojona jloma ti japoye napo ti asama ti ja tilianaja'm, siupapo janlanajyi'n janjwelis ka pakaye Sinia' ka inoyeje siupi iyo.

Juan 16:32

'Nakayi yiyi janak jloma, siujlie'e jloma ti ja inetianajyi'n, ja apilie'ek'ina'a niwa as'wetis, ka sijwanjliyena'a pi ja siliyeyi'i. Mejla'ala ka ijiatayi ka sijwanjli, 'yina po' ni Inia' yi' ijiap.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.