Juan 16:22 - Sinia' Jlamtis 1994

²² Kiak jiwoyeyi'ni pet ti asa'am, asjlak'ali poye 'nakayi. 'Yina siuka yapitiemet, ti ja'ye'nase, ja pakayeyi ti ja ke jlasiye ni asnikanitieyi siunie ja'wena', ti ja ke poye paka ijna'lase.

Juan 16:22 Iomraidhean Croise

Mateo 28:8

Tajlayisi ja a'no', t'osiyeyijits'i'ni, ejlo'o wek ki iyo ti jnots'ijnits'i. 'Yina inkase'n jiwek ti yam'ni, ti iyo jika'niyejayi japo t'eyasajnas.

Lucas 10:42

Jlam'ne ka ajwankit siunie atankiujnieye jawone. Jet'i ji'we'en jla'a María ti ijiate jla'am ti 'es siunie iyoyi, siunie tijna'yi ti lajak'ipa ka ijnale.

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 19:26

Pak anechiyas iyo'ne 'ate, “Jajwi'lase'm, siunie pota'a jana yiyi, nak japoye'eje jana ja tiwenaja'me, jlampet siunie ti lajk'iyi japa ka ineyi, kia'iyojliyi pet ja talaja'aja siojona je wuj ti yiyi.

Lucas 24:41

Mawat 'wanjliyi siupi iyo ti 'yakakiuyis, kajeyepa ti jnots'ijnits'i, jla'yi ti wuj ti inkase'n. Jesús i'yasen'ne japo ti iyo'ate: —¿Lajk'i pet paka k'iejliyeyi pa ka tiujw?

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Juan 16:16

“Ja ke pajayi wat siunie ti ja ke si'wena', 'yina jlomas 'nak janojwaja'm, ka si'wenayena'aja.”

Juan 16:20

Ijiate siunie jayo ti jajwi'lase'm, ti japoye siojona jloma ti ja apajyi'n. Asajlas japoye, jla'yi ti janetia'n siunie asnikanitieyi iyo. Ja jlam'neja pet siunapo i'nio' yi'i 'ni ajnat ja wujwa ti ja inkasaja'n. Ja ejloye wekie'e, 'wanjliyi ka kia'awoyeyi ti ja ke inkasajyi'n. 'Yina lapawo ti siuniwa asjlak'ali iyo jank'iuye'e pet siunie asnikanitieyi.

Juan 16:6

'Wenajliyi ti je inkasajyi'n ti sipe'yaye ti kia'awo.

Juan 21:7

Sekyi'i'ne siojo Jesús t'eyasanik ti jleminik iyone'ne 'ate ja Pedro: —¡Saka'niona p'an! Simón Pedro ipi'ya wekie'e ti iyo'ate, “Saka'niona p'an”, jla'm iyoye'ni 'ate ti yikiajlits'i jawa ji'wuye, kajeyepa ti 'najleje'n, yama ti yikiwaja'm ja i'niat.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Hechos 13:52

'Yina wuj ti jikanitieyi po' jla'yi japa Sinia' jikimet ti 'es tipoyiji papo Sinia' jilis.

Hechos 16:25

Ti ajnaj kioweja ja Pablo jla'yi ja Silas, iyoyisie t'ajlayeja', jla'yi ti yinits'i kiwa Saka'niona ka'leja, 'yina japo yiji jlaja insat jiweje its'iuyisi'ni jiwekie'e.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

2 Corintios 6:10

Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

2 Tesalonicenses 2:16

'Nakayi je paj ka iliki pet ti 'ajlana ti ajwela pi Saka'niona Jesús ti Sijwajieti, jla'yi pi Sinia' ti jlam ti wuj ti kassemijne'n, jla'yi ti kasp'elisi'n, ti jlam ti tajle ni sijweye ti jijweye jla'am ti laj jlaja, siu'neje ni anejejwiyejenk'iye ti wuj ti 'es,

Hebreos 10:34

Wuj ti askap'ijliuskiye jlena'yi siunapo yi' insat jiweje, siu'neje ti ejlo'o jiwekie'e ti tala'ase siukiwa askijmatis, 'yina je woyejli wek ti jinikanitiejyi'n lapakawo ti 'najanayi pi jiwonayi ti po' siuniwa askijmatis ti t'o'n ti yi' poliyi, ti jla'm ijiate ti isis.

Hebreos 6:18

'Yina times siuniwa Sinia' iyoyi. Inia'an siunie ti ji'lij iliyisajap ti po' siojona ijwilts'e'm, sekyi'i ti tomayik'i ti jlam jla'am ti yapi'li ti kiak iniwone ti isijmajne'n ni jle', ti ijwi'il siupa jawoyi. Jak je iyoyi siuti a'wena ti ijiatk'i niwaka siu'neje na ti Sinia' je jlamtisjliyik'i jiwekie'e siunie iyo ka woyi naka'ne ni siunie ti wuj ti iniuyits'e'm, sa'am ti a'yiltanaja'ni, siu'neje ti sitiej awoma, ti ja ijiatayi ti janents'e'm siunie iyo ka inijijwiyejen k'iye.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.