Juan 16:20 - Sinia' Jlamtis 1994

²⁰ Ijiate siunie jayo ti jajwi'lase'm, ti japoye siojona jloma ti ja apajyi'n. Asajlas japoye, jla'yi ti janetia'n siunie asnikanitieyi iyo. Ja jlam'neja pet siunapo i'nio' yi'i 'ni ajnat ja wujwa ti ja inkasaja'n. Ja ejloye wekie'e, 'wanjliyi ka kia'awoyeyi ti ja ke inkasajyi'n. 'Yina lapawo ti siuniwa asjlak'ali iyo jank'iuye'e pet siunie asnikanitieyi.

Juan 16:20 Iomraidhean Croise

Mateo 21:38

“I'winat'iyispe ilia'm, 'yina iyoyis'ne 'ate, 'Yaka 'nakayet'e siu'nie ja tekiajla'a siu'nie ajnat. ¡'Yena'yi ilia'm, jaliana, 'nakayeyijna'a ka sikimita 'ni ajnat!

Mateo 5:4

“Sinia' wuj ti ip'ilisijne'n siunapo jijliak'ali po'. 'Yina Sinia' je ijiat ka je iwejna'm ni siunie jinikanitieyi.

Marcos 14:72

Yiyik'i jiwek ti kia'iyo, sekyi'i ti pesiejayipi ja ajwenta ti yap, jakayi ti timesieyiji. Pedro jitiej wujwak'i ja iyopi ja Jesús ti iyo'ate, “Ka majletiejejna'a ka nekiajle'e ka inap ni ajwenta, janajapejayiji ti jajwel ka je intant'iek'i.” Sekyi'i Pedro yap ti yap, lapakawo ti jitiej yini'ni 'ate kiaka.

Marcos 16:10

Japaka'ne siojopa ti t'osiyi japo jla'yis'ni jla'am ja Jesús ti iyoyi jika'niyejayi ti je iliyi ti yape'n, lapakawo ti jijliak'ali po' japo i'nio'.

Lucas 22:45

Ti iliyi ti iyo t'ajlayeja', takasitie, yapilieyi papo t'eyasajnas siupa yiyits'i, i'nijmajliyeyi pet ti imiak'iji'n, lapakawo ti je itieyis jitipe'e pi iyo pi jijliak'ali.

Lucas 22:62

Pedro tajlat'ipi seka'a siupa yi'i'ni, paj ti je k'iejeye'e ti yap.

Lucas 23:27

Je pini' papo i'nio' yamisik'i, wuj ti jijliak'ali po' papo asejnia, yapayija'm ti ip'ilisinis pa Jesús.

Lucas 24:17

Jesús i'yasat'ijyimpe ti iyo'ate: —¿Tempa ataj jlotieyi 'najk'i? Sekyi'i yajapayisk'iji'n kiu', 'yakaja'a ti je inkase'n.

Lucas 24:21

Atejnisiejap'antajape ka jlama ka i'manit napo Israel jika kia'lis ka injwajiete'n. 'Nakayi najapaja kiwa jlomas yamk'i.

Lucas 6:21

“Sinia' wuj ti imp'elisina ti asa'am ti inel'lianajyi'n 'nakayi. Lapakawo ti je ijiat ka je inep'isiejyinna'a. “Sinia' wuj ti ip'ilisijne'n 'nakayi siunapo ti asa'am ti je paj ka je apajyi'n. Lapakawo ti je ijiat ka je askiyets'ijinna'a.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 16:6

'Wenajliyi ti je inkasajyi'n ti sipe'yaye ti kia'awo.

Juan 20:20

Sekyi'i i'winkijnam'ne japo jawa jikioye, siu'neje ja ji'wet jlaja k'ok t'etajaja'm ts'e jlawe'e. Je jlase' ki iyo ti inkase'n ti i'winayis ja Jika'niona.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 5:11

Je nakata, siu'neje ni jikiecha, ti wuj ni sinikanitieyi yiji pet ti naka Saka'niona jla'm ti it'imijne'n ti kia'iyo, 'yina ti nak it'imina ti kasts'isisi wita'm pa Sinia'.

2 Corintios 6:10

Sijliak'ali kaslajne'n, 'yina akiniejliyi wek ti kaskask'i wita'm. Kasp'ijliusis, jlam'ne ki iyo ti je pini' napo i'nio' ti akanitieje', ajwel ki iyo niwa jlosikis. 'Yiniye ka ijiatayiji ka lajak'iyi pa ka inets'e, jlam'ne ki iyo ti po' ni yits'e.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

1 Tesalonicenses 1:6

Asa'am je wet'ianayi kajeyepa jiwoyeyi siunie aniwonaja pit, siu'neje ni iyo ni Saka'niona. 'Yina ti jikima'yi ilia'm niwa Saka'niona jlamtis, it'imina ti wuj ti jinilayitieyi siuniwa iyo'nase napo a'lejwas ti yi'nase'm, 'yina asjweye poye wek k'iye, kajeyepa siunie asnikanitieyi jitiajlayiji jana Sinia' jikimet ti 'es.

Santiago 1:2

I'lijwas, siuti kia'iyo ti yiyeta'ase niwaka inkajejlasayejes ti a'tisk'iji'n ti inijle'en, ja ijiatayijpe pet ka nikanitiejyi'n.

Judas 1:24

¡Jayunitie pa Sinia' ti ijwienjli, Sijwajieti, jla'am ti 'yijene pi iyone kan'ye'nase'm, 'nakayi ti siunie ti je 'es ja ke inkajlajyi pet, siu'neje ti ja laja ast'ojliye, 'yina 'wenajliyijna'a pet ti jampo'ase siunie asnikanitieyi jitieyi'i ni jijweye iyo! ¡'Esiji ka siunie iyo ti 'es, siu'neje ni jiwunitieye, siu'neje ni jijweye, siu'neje ni jika anechijiayas, ja ke intajlap ti jla'am, ja titiajlataje pa Saka'niona Jesús ti Sijwajieti, siunie ti 'nelanjie'e t'ipi, siu'neje ti 'nakayi, 'yina jajnok'i'ni! Amén.

Apocalipsis 11:10

Ja jlam'neja pet napo i'nio' yi' ape'e 'ni ajnat jampeniyeyisk'i'nina'a ti 'yajle'n kiapoka Sinia' jijwejlanawos ti times. Ja inkasajanna'a, sekjane'yi ka initesiek'ina'a ti jawo ji'wajieta', lapakawo ti siukiapo no'we kiapoka ti jijliak'ali iwijna'm napo i'nio'.

Apocalipsis 18:7

¡Wenajia'm ni siunie jijliak'ali siu'neje ni ka inilayiti jnojlietak'i ni siunie iyo ti jiwunitieye po' siunie iyo ti iniwunit, siu'neje ni iyo ti pa itiliaja ka iwo pak iyoyeyi! Kajeyepa ti siunie jikiowe iyone iyo'ate, “Siu'nie a'yijin'ni, lapakawo ti anechiyaskik'i'm, je askiliekik'i'm, laj ijliak'aliye.”