Juan 16:16 - Sinia' Jlamtis 1994

¹⁶ “Ja ke pajayi wat siunie ti ja ke si'wena', 'yina jlomas 'nak janojwaja'm, ka si'wenayena'aja.”

Juan 16:16 Iomraidhean Croise

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 13:33

'Napo ilis ti yimijna'ase'm, je pi itioyeyi'i niwa jlomas ti jatiaj'lase'm. Je jwela' ka je siwoyejyin'ni, ka woyena'a 'ate awone japo Judíojos ti kiak awone, ti awo'ate, “Siunie jajiojwi ja ke a'yakanayi.”

Juan 16:10

Siunie ti jayik jla'yi ti ja ke si'wena', nak ja'nakajanit ti ts'es.

Juan 16:22

Kiak jiwoyeyi'ni pet ti asa'am, asjlak'ali poye 'nakayi. 'Yina siuka yapitiemet, ti ja'ye'nase, ja pakayeyi ti ja ke jlasiye ni asnikanitieyi siunie ja'wena', ti ja ke poye paka ijna'lase.

Juan 16:28

Ti anamape atajla kiu jitieyi'i ni Inia', ti ana'me 'ni ajnat. 'Nakayi jatiaj'leje 'ni ajnat ti jayapili ni Inia'.”

Juan 16:5

'Yina 'nakayi jayik, jayapili ni siunie sijliu'. Tiwet'ianaja ka injwanjli wata paka si'yas'ni ka 'najane paka wone siunie jajiojwi.

Juan 17:13

“'Nakayi jayapi'lia. Ajwelta'a niwaka ti je ataljli'ijyi ajnat'e, ti awotajank'iye pet ka impoyijk'i ni jinikanitieyi, kawo'ate iyo siunie yik'i.

Juan 17:5

'Nakayi, 'ni Inia', ti jayapi'lia, wenk'i'm siunie ijwiye, ijwiye iyopi ti je ataj'lajap, ti 'nelanjie'e je wakaljli'ijyi 'ni ajnat.

Juan 7:33

Sekyi'i ja Jesús iyone'ne 'ate japoka: — Ja ke sipaj asap, jayik'iji ti jayapili siunie i'nio' sijliu'.

Hechos 1:3

Ts'ijiye jlampa titimajayi ti tiliana ini'wenkijnam'ne japo jijliujwajnas, ka kiak iwo ka insta siupi iniwone, ti ini'wenki'n ti 'wasa'n. Cuarenta kiwa jlomas ti kia'iyo, ti inikajanitiam'ni japo jijliujwajnas, jla'yi ti yamtiyi k'iye pi jika anechijiayas iyo pi Sinia'.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.