Juan 16:14 - Sinia' Jlamtis 1994

¹⁴ Ja wujwa ti ja siwunit, siuniwa janjwe'el ya'am ti jantalk'i, sekjane'yi ka injlasata'anie'ase ka intant'iejayi pet.

Juan 16:14 Iomraidhean Croise

Juan 14:21

“I'nio' ni isi'm ilia'm niwa yamtis, jla'yi ti iyoyi, nak je inijwek ti ijiate ti semi'n. Kiak iyojliyi pet ni Inia' yimi'n siunie i'nio' semi'n. Siuti ya'am kia'iyo jayimi'n, jla'yi ti jani'wenkijna'm.”

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

1 Corintios 12:3

Nak it'imina 'nakayi ti awotaja ka 'najanayi, ti po' siunie ti japaka Sinia' jikimet ti 'es ti yamtijie'n kajeyepa ti yiji, ajwel'ni je 'yu'we ka wo'ate, ka injwe'el pa Jesús, “Je 'es pa Jesús”, jlam'ne je 'wena paka intajle. Kia'iyojliyi siunie ti iyo'ate, “Saka'niona Jesús”, jlam'ne siojopa Sinia' jikimet ti 'es jijweye yiji.

2 Corintios 4:6

'Yina je 'wena siunie Sinia' ti iyot'ipi 'ate, “'Esiji ka nak intajla'm ni jloma ni siunie ajnatiok”, naka 'neje ti jloma yijnits'i niwa sosikis, 'nakayi ti ja jatiant'iekiejeniti ni siunie k'iejliyi ni jijweye ti ijiate ti 'es, ti jla'al itie'e ni Sijwajieti jitiokio'.

Gálatas 5:5

'Yina jlam pet ti sa'am, ti je akinieje naka, naka kasts'isisi pet siojona Sinia' jikimet, jla'yi ki iyo siunie ti je akakiunieje. Sekyi'i it'imina'ne pet ti sinijijwiye po' pet ka Sinia' kasnajietits'i.

1 Pedro 2:7

Siuti ti asa'am ti je kakiuye, janak sisaj je jwajla'anitie, kajeyepa ti ijiate ti laja po'. Jlampet siunapo ti 'yakakiuyis, sekyi'i ijiatk'i'ne pet siuniwa Inamtis t'ipi ti iyo'ate: “Siojona sisaj ti 'wukiu'ul jiwos iwit'iane, 'yaka jla'm iwo ti janakaye'eje siojona sisaj ti ijiate ti laja po', kajeyepa ti 'yit pijia'm jana 'wuk.”

1 Jn 3:23

Siunie ji'lij ti iwints'e'm naka ti iyotajank'iye ka je 'yakakiuk pi jlas Sijwajieti Jesús, siu'neje ti iyotajank'iye ka inikimaja siunie inemijnaye, iyo ti ijliutiejets'e'm.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

1 Jn 5:6

Siuniwa 'yakajanit pi Jesús ti 'nes ajnat'e, naka i'niat ti tiniejienaje, siu'neje pi ji'woyis ti tisa'ni. Je pakata i'niat, ji'woyis 'neje. Siojopa Sinia' jikimet japak ikajanit'ne naka, 'yina ti japaka Sinia' jikimet ti ijiatk'i.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.