Juan 16:13 - Sinia' Jlamtis 1994

¹³ Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

Juan 16:13 Iomraidhean Croise

Juan 12:49

Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 16:12

“Mawat je atejwta'aja kisie'e siuniwa ijia, 'wanjliyi je 'najanatieje, 'wanjli'itieje kajwi'lase'm.

Juan 3:32

Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta.

Juan 8:38

Ajwel pet siunie a'we'en ti ajiap ni Inia', jlam pet ti asa'am siunie jijwela' siunie ti jipe'yayeyi ni asna' ti tajle.

Hechos 11:28

Ijwienjli'ne siupa jle' iyo'ate Agabo, paka'ne ti takasit, Sinia' jikimet ti 'es yamtijie'n, sekyi'i iyo'ne 'ate: —Siu'niwa jlomas nel'lia japoye, jantejw ape'e 'ni ajnat. Ijiate, ti yiyeyi puwak jlomas po' pa nel'lia ape'e pa ajnat, pakayi ti Claudio iyo anechiyas wujwa' yi'i japa ajnat Roma. Jlajmiliet ti Sinia' jilis 'yijenayi pa iyone, iyo'ni ka inoyeje papo ijia yi'i Judéaja, k'iejliyi pi i'wi'in ti iyo ka nene. Sekyi'i siupa k'ie puwa ijiutis wita'm, iwinisiam'ne ja Bernabé jla'yi ja Saulo, ti ijliuyisi papo Sinia' jilis yi' Judéaja, ka tekiajlaja papo kijilas kanwenk'i papo ijia.

Hechos 20:23

Najata jla'am ts'ajane pi awone ti siojopa isi' jajioyi iyo jana Sinia' jikimet ti 'es ti ijwilk'i'm ti jajioyi jana insat jiwe, siu'neje pa iwit'ia jawo, ti inijijwijyi'n its'ioye.

Hechos 27:24

ti iyonk'i 'ate, “'Otale t'onit Pablo. A'm ja'nets'ia siunapo i'nio' a'yis ti ja lajak'i paka woyi, je ijiat ka je ayi ni anechiyas ti ijnokiji, ti janena jitieyi'i. Sinia' janjwajiete ni jota jiliayeja' napo i'nio'.”

2 Tesalonicenses 2:12

Wikie'eyi siunapo i'nio' 'yakakiuyis ni siunie ijiatk'i, 'wenajliyi ti inikaniti'n ti iyoyi naka ni je 'es, Sinia' pajk'i ti yi'ne ni jitis jawo.

2 Tesalonicenses 2:3

Ká anikiwalinitie k'iye napoka ti iyo ka ink'emijieta'. Jitieyi'i janak jloma ja ke piniye napo janleyi ni Sinia', jla'yi ti janta'yi ilia'm pi Sinia'. Japakayeyi ti janikajanit naka i'nio' ti ijiuski'la'n, ti laj t'otaliye, ti 'wena ja ke ijno'we ni ijio'we napo jijliak'ali ti laj jlaja.

Hebreos 1:1

Ti pajk'i, Sinia' je ijwienjliyiji ka ji'lij je inwenatajam'ni papo sitise'l t'ipi, ti ijliuyi'ni papo jijwejlanawos. Po' japa jloma ti 'wena iyone ti ji'lij iwijna'm.

1 Jn 2:20

Lapakawo ti Sijwajieti pajk'i ti iwi'nase'm jana Sinia' jikimet ti 'es it'imina ti ajosik jitieja.

1 Jn 2:27

Pajk'i ala ti yi'ase siojona Sinia' jikimet tajle pi Sijwajieti ti iwi'nase'm. Ja ke injwesiejayiji'n pa ka i'neyasana ja k'iejliyeyipe siupi jawoyeyi, lapawo ti po'o janak Sinia' jikimet ti janoye'ase'm. Siunie ja'neyasanayi, naka ni ijiatk'i, jlam je iyo ti 'es. Ká aleyeyi siunie jiniwonayi ti injwanjliyeyik'i'ni pi Sijwajieti, siunie iyo ti 'neyasanayi jana Sinia' jikimet.

1 Jn 4:6

Jlam pet ti sa'am ti atajlaja pi Sinia'. Siunapo itiant'ieje pi Sinia' its'iuts'e'm, jlampet siunapo je itiant'ieje pi Sinia' je its'iuts'e'm. It'imina ti je astajanitie siunie i'nio' yiyi janak siojona Sinia' jikimet, kia'iyojliyi siojona tajle pet siunie ti je ijiate, ti 'yakajmank'iji'n napo i'nio'.

1 Jn 5:6

Siuniwa 'yakajanit pi Jesús ti 'nes ajnat'e, naka i'niat ti tiniejienaje, siu'neje pi ji'woyis ti tisa'ni. Je pakata i'niat, ji'woyis 'neje. Siojopa Sinia' jikimet japak ikajanit'ne naka, 'yina ti japaka Sinia' jikimet ti ijiatk'i.

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 1:19

'Ete'e siuniwa ji'we'en 'nakayi, siu'neje niwa ja'nakaj kapajata wata'a.