Juan 15:8 - Sinia' Jlamtis 1994

⁸ Siuti kia'iyo, ti po' niwa tal aswa'm siuniwa isis siunie jiwoyeyi, siunie Inia' wujwa pet ti tonitie, jla'yi ti ja'nakaja pet ti asa'am napoka ti ijiate ti 'yiyasajna'yase'm.

Juan 15:8 Iomraidhean Croise

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Mateo 5:44

Siuti ti ya'am jajwi'lase'm ti jayo'ate, 'Esiji ka emijne'n napo teje'yi aselia'm, 'ajlanajyi'n pet siupapo ti wuj ti inlakiye siunie iyo'nase ti teje'yi aselia'm.

Mateo 9:8

Jlam jnots'inayijits'i'ni papo i'nio' ti i'winayis. Sekyi'i iyunitis'ne pa Sinia', siunie ti jlam ti iwijna'm pa yi'i pa ka kiak iwoyi ka lesane 'ate iyo niwaka.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Juan 13:35

Siuti jawoyeyi naka, ti janikimayi ni asemijnaye, sekjane'yi kan'wenayena'a pet siunapo i'nio' yi' ape'e 'ni ajnat ti asa'am ti 'yiyasajna'yase'm.”

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Juan 8:31

Jesús iyonayi'iji 'ate siojopo Judíojos je 'yakakiuyis: —Siuti ja ke aleyeyi siunie iyo niwa yamtis, asa'am ti ja ijiatayi ti 'yiyasajna'yase'm.

1 Corintios 10:31

It'imina ti kiak awo'nase ti awo'ate, “Ja k'iejliyeyi siupa jawoyeyi, ni'ne ka 'yekiunie, ja k'iejliyeyi pi ja'yayejyi, wikie'eyi niwaka wunitieyi pi Sinia'.”

1 Corintios 6:20

Ijiate Sinia' pajk'i ti takat'i'n astepe'e, kajeyepa ti jla'am ti ya'mase. It'imina ti kiak awo, ti awo'ate, wunitieyi ni Sinia' niwa 'assienis ti jla'am ti jikimet.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Tito 2:10

Siupuwa jikijmatis pi aska anechiyas, ká akajlanayi 'wanjliyi ka 'wena. 'Wenkinayi pet siuti jiwoyeyi ni 'es, jla'yi ti jiliyeyi ni aske' ti pajk'i ti je 'es. Siuti kiak janiwonayi, jan'wenana'a napo i'nio' ti ijiate ti 'es ni inka'neyasajnaye ti ijwil ni Sinia' ti Sijwajieti.”

Tito 2:5

'Esiji ka'ye'en siunie iyo ka woyi; 'esiji ka inilesaniji; 'esiji ka'yena ni ji'wet, jankimk'iji'n, jla'yi ti jamp'elisijne'n napo ijia; 'yina ti yi kiajwe napo jijwa'yis, 'esiji ka ink'iuye.” Siuti kiak jawo napo jlosie ti jijwa'yis po', ja lajk'ipa ka inets'e ka inlaki siuniwa Sinia' jlamtis.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.