Juan 15:24 - Sinia' Jlamtis 1994

²⁴ Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 15:24 Iomraidhean Croise

Mateo 11:5

Ti siunapo je t'ojni'n 'esieyiji ti t'iskiunk'iji'n; jlampet siunapo jiwatis jitio' po', kia'iyojliyi ka jwejlikie ti isis. Siunapo je tipechijyi'n, jik'iot tiojwa'l 'ajlak'iji'n 'nakayi; jlampet siunapo 'yajle'n, yapits'i pijia'm, 'wasajne'n. Siunapo i'nio' ti p'ijliusis tikiniejeje pet niwa Sinia' jlamtis ti isis ti tamtiki k'iye.

Mateo 21:32

Kajeyepa ti Juan inajiejnawo 'nesape ti i'winkinta'ase'm ni siunie 'nayi ti tijnajyi, 'yina je woyejliyi, ti jikakiuye. Iyoye'eje jlam jlosikis ink'iejyisa', napok siunapo ijiajwa'yis jiwos siu'neje napo isi'm ilia'm niwa inkat'ijnieyejes, kajeyepa ti je 'yakakiuyis. Jejwela' ka je a'wenayeta, ji'wenayeta ka jakayeyi ka awoyeyi asosikis ink'iejyisa' pet ka je akakiuye.

Mateo 9:33

'Yina Jesús iniujwan'ne kisie'e paka siupi iliaki, sekyi'i ti 'esieyiji ti tamti. Kawojlit'iyipi japo i'nio', sekyi'i iyoyis'ne 'ate: —¡Lajk'ipa ka kia'iwo ka ti'wena ka nejyi jla'a Israel!

Marcos 2:12

Pakajanik'ipe ti siuti yiyik'i wek siupa tiwonaja, sekyi'i yaka jla'm iwo, ti iniyejempe pijia'm, 'yina isimajampe kiajwe pi jlotik ti yamajampe. 'Yina wikie'eyi papo i'nio' i'wi'in, sekyi'i jnots'inayijits'i'ni jiwek sekyi'i ti iyunitisie pa Sinia', ti iyoyits'i 'ate: —Je kiak iyo paka k'iejliyeyi ka 'wina.

Lucas 24:19

Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Juan 10:32

'Yina Jesús iyo'ne 'ate: —Je pini' siuniwa wask'i'nelaja ti isis alesane astayi'i, ti a'wenki'nase'm, Inia' jweye akiene. ¿Tepat'e yi'i niwaka siupi jitiajlatak'i'm ti jiwoyeyi ka sisajas sitietayiji'n?

Juan 10:37

'Yejne'n, siuti ja ke 'yakajli ka ilisane siuniwa Inia' ilisane, ká ak'iuyek'i'm.

Juan 12:10

Iyoyis'ne 'ate siojopo pa'yijis jika anechiyasas: —'Esiji ka kia'awo ja Lázaro ka tiliana.

Juan 12:45

I'nio' ni si'we'en jla'yi ti je yamkata ka si'we'en, 'yina kia'iyo i'wi'in ni I'nio' sijliu'.

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Juan 15:21

Niwaka siuniwa janwo'nase napo i'nio', lapawo ti ya'am ti jat'imi'nase, ti je itiant'iejesi ni Siunie sijliu'.

Juan 15:22

Je jlamtajas ka jitisa', ka je inia'am ti amti'yi, 'wenajlitieje ti ka yama ka itisa'. 'Nakayi lajk'ipa ka jitiej i'no'we, ka inip'onisi ki iyo niwa jloski'la.

Juan 15:23

'Yina je 'wena pet siunapo ne'wak'i'm, napok ne'waja'm ni Inia'.

Juan 16:9

Siunie jloski'la napo i'nio' yi' ape'e 'ni ajnat, naka ti sakakiuyis.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 5:36

'Yina po' 'neje siunie jwamjla'a ti 'yaka'm ape'e ja Juan ti sijwe'el: 'naka siu'nie awo. Siunie awo ti Inia' ijliuyijk'i'm, naka'ne ti 'yakajanit ti sijliu' ni Inia'.

Juan 6:36

Siunie iyo ti ajwelta'ase'm, ti sakakiuye 'wanjliyi ka si'wena'.

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 9:32

Je tipe'yak jiwekie'e ka ne'yi paka injwe'el paka 'najane pa kanwone pi i'nioye ka in'wejnajne'n ka talokie, ka intajlap'e ti k'iejli yiji'n.

Juan 9:41

Jesús iyo'ne 'ate ti isiujlieyi pet: —Jlamt'itie ka ijiatayi ka talojoye'ase'm, ka lajata astesa'. Siuti jijwela' ti je talojoye'ase'm, nak it'imina ti astes po'o.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Romanos 1:30

Siunapo ti jitiej ijiutie napo siupa ti iyoyi, siunapo ti teje'yi ilia'm pa Sinia', siunapo takalakijiejne'n, siu'neje napo initoniti'n, siu'neje napo iniwuniti'n. Siuti iyo ka ilesane ni siunie je 'es 'yijene pi iyone; ka jiniewot injloye, 'yina je its'iuye.

2 Timoteo 3:4

janlaki napo ijia; ti jank'emijietk'i; ja laja t'ajwejliye ti k'iejliyeyi pi janwoyi; janitoniti'n; janwoyi jla'am siupi itilia kanwoyi, jatojwayeyina'a ts'iji ni Sinia' kaneminis;

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.