Juan 15:22 - Sinia' Jlamtis 1994

²² Je jlamtajas ka jitisa', ka je inia'am ti amti'yi, 'wenajlitieje ti ka yama ka itisa'. 'Nakayi lajk'ipa ka jitiej i'no'we, ka inip'onisi ki iyo niwa jloski'la.

Juan 15:22 Iomraidhean Croise

Lucas 12:46

'Yejne'n, yit'iyi siojopa jloma ti isiwaliyiji'ni ti joyeta ka 'nes pa anechiyas, jla'yi ti je 'yijene siojopa inetitinki yiyi siojopa ja'nesi. Pakayi'ne ti 'nesa, wuj ti isie' pa jikawo, tajakie'ni pa i'nio', ijiutieyi siunapo i'nio' kia'iyo ti je isis ti kakiujnietas.

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Juan 15:23

'Yina je 'wena pet siunapo ne'wak'i'm, napok ne'waja'm ni Inia'.

Juan 15:24

Lajtak'iyi pa ka jitis iwo, ka lajak'iyi pet pa ka ilisane jikiowe'e ti jlamis, ki iyo siunie a'wenki'n, ti lajk'i pa ka kia'iwo, ni awoyi. 'Yina i'winisieta niwaka, yamjliyi ki iyo ti ne'wajask'i'm, jla'yi ti ne'wajasi ni Inia'.

Juan 16:9

Siunie jloski'la napo i'nio' yi' ape'e 'ni ajnat, naka ti sakakiuyis.

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Juan 9:41

Jesús iyo'ne 'ate ti isiujlieyi pet: —Jlamt'itie ka ijiatayi ka talojoye'ase'm, ka lajata astesa'. Siuti jijwela' ti je talojoye'ase'm, nak it'imina ti astes po'o.

Hechos 17:30

Ti pajk'i pa Sinia' yine'ate papo i'nio' siupa iniwonisi, 'yaka je wuj kan'ye'en. 'Nakayi je kia'iyo, 'wenajliyi ti iyo ka iwo jlosikis ink'iejyisa', wikie'eyi napo i'nio' yi' ape'e 'ni ajnat.

Romanos 1:20

Kajeyepa siunie Sinia' ti je ti'wena 'yijenisi pi iyonisi ka intant'iejesi siuti kiak jawo jitiej janenis'ni 'ate niwa jilisajna' ti i'winis. Je ink'ie' ka kiak iwo, 'yina tajlap'e ti 'nelanjie'e poye 'ni ajnat ni jilisanik jla'am, ti 'yaka ti jla'am ti Sinia' jla'yi ti siunie jijweye laj jlaja. Jak je iyoyiji ti lajk'ipa ka ji'lij inojwatits'i 'yaka ti jitis po'.

Romanos 2:1

Siupet ti a'am, 'ni isiecha ti jiwoyi jitisa' pa akiecha pi k'iejliyi pi iyoyi, kiak jiwoyi ates po' pet, 'wanjliyi ka kia'iwo ka e' poye, ni'ne ka laja eye. Ijiate, siuti kiak jiwone ni akiecha ti jle'ne, 'yina kiak jiwoyi am am pet ti jiwo atesa', kajeyepa ti jiwoyi siunie iyoyisi.

Santiago 4:17

Siunie ti 'yijenataja ti iyoyi ni siunie 'es, 'yina je iyo ka woyi, ket'ijwel ka je jikeye ti kia'iyo, iyoyi ni jike'.

1 Pedro 2:16

Ijiatataja wek ti je inkipijna'ase'm 'nakayi. 'Yina ká awo'ate, “Lajk'ipa ka intomi'ni ijyik'i siu'nie awoyi”, 'yina ijiate ti 'esiape'n naka ka woyeyi siunie je 'es. Siunie iniwone ni Sinia' jikawo, kiak niwonayi.