Juan 15:20 - Sinia' Jlamtis 1994

²⁰ Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Juan 15:20 Iomraidhean Croise

Mateo 10:24

“Je ti'wena wek siunie i'nio' ti inka'neyasajnayewo ka t'eyasanik ka inka'm ape'e; jlampet siunie inkawo, kia'iyo je 'yaka'm ape'e pet siunie jika anechiyas.

Marcos 10:39

Isiujlisie ti iyoyists'i 'ate: —Ja'yakajlaje. 'Yina Jesús iyone'ne 'ate japoka: —Ijiate, siuti asa'am 'wena ja ke awoyeyi, jawoye 'ate awo ti akajli ti ja'yaje siunie pajyi, siu'neje ti ja'yakajli ti janilayiti ti siunie a'tiek'i.

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Lucas 6:40

Je ti'wena pa siunie i'neyasanik ka int'a'n ape'e paka jika anechiyasa. Ijiat itieje jla'am ti yamata ape'e pet siunie t'eyasanaja, jiwekie'eja ti ijniujliji ni jika anechiyas.

Juan 10:31

Siojopo Judíojos ti ipi'yayeyis ja Jesús ti kia'iyo, yikiajlayisi'iji ti isimisie jawa sisajas ti iyotajas ka intatisiji'n.

Juan 11:57

Siojopo Fariséojos, siu'neje japo pa'yijis jika anechiyasas pajk'i ta'a ti ijwila ape'e japo ti iyo'ate: —Siupi ja 'najane pi janwone siupi yi'i pi Jesús, injwelats'inie'e, sekjane'yi ka inajayinie'e ka isima'a.

Juan 13:16

¿Tepi yi'i pi i'nio' t'a'n ape'e pa jika anechiyas ti jla'am ti inkawo, siu'neje ni i'nio' tijliuk ka injwe'el ka t'a'n ape'e siupi ijliu'?

Juan 5:16

Kiak it'imina'ne ja Jesús ti Judíojos iyo jitiejiejwaye, ti yiniji'ni pi k'iejliyi ti i'winki'n siojona jloma ti i'nio 'wanjlijyi'n.

Juan 7:32

Siojopo Fariséojos ti 'yijenayisi pi iyone siukia tiwonaja ti intaj totieje, japoka 'ne'eje jla'am ti ijliu' papo tokis siojopo i'yena jlaja 'najla'wet, siu'neje japo pa'yijis jika anechiyasas, ka inkimits'i ja Jesús.

Juan 8:51

'Yina awo'ate, jla'am je awo siunie ti awo'ate, i'nio' ni janwo niwa yamtis ja ke inetia'n.

Juan 8:52

Iyo'ate japo Judíojos ti isiujlie: —¡Ijiate ti awok'ija 'ate ti ajwela ti imosik yi' awa'm! Jlam'ne siupapo injwejlanawos t'ipi pajk'i ti 'yajle'n, Abraham kia'iyojliyi, ti jiwo'ate ti jlamti, “I'nio' ni janwo niwa yamtis ja ke inetia'n.”

Juan 8:59

Sekyi'i ti isimayisk'i'ni kiwa sisajas ti iyotaja ka intatisiji'n. Jlampa yama ti inijwekia'm, ti tal kiajwe jlaja 'najla'wet.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

1 Corintios 4:12

paj ti je kats'isisieyi ti akimak'iji'n ti awokijyi'n paka tiuwa. Siuti takasejlanats'e, je akiujlieje, 'wenajliyi ti ajwelaja'm siunie 'es kawoyisi. Siuti kia'iyo ti je kasp'elisina, akiniejliyi wek ti anilayitieje.

2 Corintios 4:9

'Wanjliyi ka jiwak inents'e'm napo i'nio' ti teje selia'm, 'yina lapakawo ti po' siunie i'nio' ti je talts'e'm. Kassajak'ni ajnatk'i, 'yina je kasnetiajnat jiwek.

1 Tesalonicenses 2:15

Napok Judíojos ti takajlunt'iyijpe pi Saka'niona Jesús ka tiliana, iyot'iyipi jla'am papo kijilas t'ipi ti iliajnen'ni papo injwejlanawos, je 'wena papo ka kassot'ni napoka. Siuti kia'iyo, 'yina wuj ti ijwisi'n pi Sinia', jla'yi ti je ijwienjli paka inta'yi ilia'm, wikie'eyi ti teje'yi ilia'm.

2 Timoteo 3:12

Ijiate wikie'eyi siunapo ti jawo ka nekk'i ni Sijwajieti ji'niayi ti tijnajyi, napoka ti wuj ti janilayiti siunie jawone napo i'nio' ti jiwak jane'ne.