Juan 15:2 - Sinia' Jlamtis 1994

² Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.

Juan 15:2 Iomraidhean Croise

Mateo 13:12

Jak je iyoyiji siunie its'iuye siuniwa ajwe'el, Sinia' janwomeje k'iye pet siunie k'ie ni t'ajankijnieye iyo. Jlampet siunie ti je its'iuye, nak Sinia' jajnale'eje pet siunie ti jwamjla'a ti 'yijentaja pet.

Mateo 13:33

'Naka 'ne'eje ti Jesús yamtiyi, ti i'yejnap jiwek, ti iyo'ate: —Siunie Sinia' jika anechijiayas nak 'yiniye 'neje ni woye ijliasat pijia'm, siojona i'nioki ti itieteje ni inwakiwa mak ti najape na kilo ti 'yotati', ti iyo ka injlasatk'i pijia'm puwa ilisane.

Mateo 15:13

Jesús isiujlie japo t'eyasajnas ti iyo'ate: —Siojopa inwomki ti je jla'am ni Inia' ka inekiaj'l isia'm, janak jijwetis ja tiniayeje'e ti ja tisiok pijia'm.

Mateo 21:19

I'winayi jlajak higok yi' jikiuts'i ja 'nayi. Yama ti i'yene ka jla' poye, ji'wole 'nejie'e jiwekie'e jlaja a'la'. Sekyi'i ti Jesús kiak iyonayi: —¡Je pajna'a ka a' poye! Yiyik'i wek ti kia'iyo, iyoyeyi siukia iyo ti 'ya'al jlaja higok jakayi.

Mateo 25:29

Kajeyepa ti siunie po' ni yiyi, ja tiwomaja ni i'wi'in, jak je iyoyiji ti ja 'etsakaja siunie jan'we'en. Jlampet siunie ti lajk'ipa kan'we'en, ja talaja'aja pet siunie jwajla'a ti yitaja pet.

Mateo 3:10

Pajk'i ti wakal ni siunie ala' ti ja tikienaja niwa a'la' ti ja tijwajak'i isia'm, ti ja tenajak'i niwa jijwetis. A'la'pe jana ja ke 'esie, ti ja ke iwo jlaye, janak tijwajakiejepi, ka titietajayajampe ni jwat.

Mateo 3:12

Itiu'un siojopa jika a'la', ti jankiene ni ipiatatiok t'ejes 'wanjle'e ti 'wena jajnoti ni jop t'ejes ti ijlijni'ni. Janena'ana'a siupa jane'ne siupa ipiatatiok t'ejes 'wanjle'e ti 'es. Ja jlampet siuniwa jop ijlijni'ni ka intatajayijamna'a siunie jwat ti je paj ka 'no'me.

Mateo 7:19

Yi'i japa a'la' ti kia'iyo, ti jla' je isis, tijwajaki sekyi'i ti titietajayi jwata'm.

Marcos 4:20

'Yina jlajmiliet, po 'neje pet siunapo iyo 'ate siojona inseliaki ti ijniuj'li siunie ajnat ti 'ejts'i, 'yina its'iuye niwa Sinia' jlamtis, jla'yi ti 'es ti isimis ilia'm, siu'neje ti iyo jlaye. Po' niwa jla' treinta, ijia niwa setenta niwa jla', ijia niwa cien niwa jla' tajla'm iyo ni siuniwa a'yejnap jiwek, niwa jla' nojwa'm.

Lucas 8:13

Siupuwa inseliaki ijniuj'li siupa ajnat sisajas ji'wet pet, napoka pet siunapo i'nio' iyoyi ni inamtik, wuj ti yimi'n, 'es ti iyoyisi, 'yina lapakawo ti iyot'i 'ate ti jijwetise'l je tosits'i. Je pajta'aja ti iyoyi, yiyi jana jloma ti inkajejlasaye yiyetaja, mom iliyeyisi.

Juan 15:1

Jesús jlam yinjliyi ape'e ti iyo'ate: —Ya'am siojona ti ijiate jla'am ti ts'ejniek jit'io, jlam pet ni Inia' nak i'yena pet.

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 15:3

Siuniwa yamtis ti awo'nase ti 'eyasanayi, niwak it'imina ti insisie.

Juan 15:6

Jlam pet ni i'nio' ni je iyo ka jlam kiajatajak'i'ni ka ini'nopijiete wita'm, janakaye pet na ja tijliuk kisie'e, ja tiwonajayi 'ate iyo niwa jik'ase'l jana ts'ejniek jit'io ti yi'liayetajats'i. Sekyi'i ti totieja wita'm ti jwat t'otieja'm.

Juan 15:8

Siuti kia'iyo, ti po' niwa tal aswa'm siuniwa isis siunie jiwoyeyi, siunie Inia' wujwa pet ti tonitie, jla'yi ti ja'nakaja pet ti asa'am napoka ti ijiate ti 'yiyasajna'yase'm.

Juan 17:12

Ti je ataljlijiap kiu'ujwe, wuj ti a'yena jla'yi ti anoyeje, 'yina ka lajak'i ni ajweye ti tajle ni e'e, siunie ine'e ti jlekialk'i. 'Yina ti jlamis lajk'ipa ka injwanjli ka netiane ijwienjliye jla'm siunie ti pajk'i ta'a ni jawo ti janetia'n, iyo niwa inamtis t'ipi.

Romanos 11:17

Siunapo Judíojos napok iyo'ate siojona a'la' jle' iyo'ate olivok, siuniwa jik'ase'l jlameje, 'yina pajk'i ti tijwajakits'i kiwak jik'ase'l t'ipi. Siupet ti asa'am jiwoye pet 'ate siuniwa jik'ase'l janak olivok ti yi' kisie'e. I'notieyi siunie ji'wet siuniwa jik'ase'l ti tijwajakits'i, sekyi'i ink'iuyeta'yi ni ji'wet. Sekyi'i asjweye ijwienjlik'i ti jitiajlayi janak a'la', siu'neje ni jiwoyeyi ti as'wasankiye po'.

Romanos 11:22

Ijiate a'wena ti wuj ti takap'ijliuski, jla'yi ti a'tiek'i siunie iyoyi. 'Yina 'nesieyi siunie jikap'ijliuskiye iyoyi ti yi'nase'm, jlampet siunapo ti yamk'i isia'm ti t'opits'i isia'm, nak a'tiek'i pet siunie iyone. 'Yina awo'ate, ja ke paja ka atajli ni siunie jikap'ijliuski iyo, 'lojwinie'e ka inlana ilia'm siojona a'la' ti ijiate ti olivok jana jitisiuk.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

1 Corintios 13:1

'Wanjliyi ka ts'ajane siuniwa ji'lija' napoka ti 'wena 'lij, siu'neje pi ji'lij napo injlojwajnas poli jlele, siuti laj yimijnayeja' iyoye'ate siunie wikinie ti kijlami, jlam jla'lap jiwekie'e.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Hebreos 12:15

Ni'notatayiji 'nakayi ti ja lajak'ipa ka inleyi siunie jikap'ijliuskiye ti Sinia' pajk'i ti iwijna'm. 'Yina jawoyena'a 'ate siojona a'la' ti jijwetisi'l pa'a, sekyi'i ikajyi'n niwa ijia siu'neje ti iliajne'n.

1 Jn 2:19

Ti talts'e'm japok i'nio', sekyi'i'ne ti 'yakajayi ti je wikie'eyi ka intal siwa'm. Jlam'ne ka ijiatayi ka intal siwa'm, je kia'iyotaja'ni ka intal'ne saka kiowe'e jakayi.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.