Juan 15:18 - Sinia' Jlamtis 1994

¹⁸ “Siuti ji'wena' ti ne'wa'ase'm siunapo yi'i ni ajnat, 'wena ká atejnisieyi'i, ti ya'am ti siniajnatis ti ne'wajask'i'm.

Juan 15:18 Iomraidhean Croise

Mateo 10:22

Siuti asa'am ti jiniamajyin'ni ijyik'i, ja wikie'eyeyi napo i'nio' ti jane'wa'ase'm. 'Yina siunie i'nio' jitiej ja ke inla'ne, jajnok'i'ni paj ka neyeyinie'e ni jlaj yi'i, naka ti janjwa'.

Mateo 24:9

“Ti asa'am ja inekiajlayi siunie ti ja anilayitieyi, ja inlanajajyi'n asa'am ti jiniamajyin'ni ijyik'i, naka 'neje ti jant'emina ti ja tini'wajak'iase'm.

Mateo 5:11

“Sinia' wuj ti imp'elisina' ti asa'am siunapo i'nio' iliaki ti jikinieyi siu'nie awo, siu'neje ti teje'yi aselia'm k'iejliyi siunie iyo kawo'nase ti inlakiye.

Marcos 13:13

Ja lajak'i ape'e 'ni ajnat ka inlesana', 'yina ja tini'wajak'iase 'yaka ya'am ti jat'imi'nase ti jikinieyi siunie awoyi, 'yina siunie i'nio' jankatate ti janwoyi siunie iyo niwa yamtis, janakayena'a ni janjwa'.

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Juan 16:1

“Jla'm ajwe'lase'm ta'a niwaka, ja'nakayeyi ti ja ke anetiajnata siunie astankiujnieyejak'i.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Juan 3:20

Wikie'eyi siunapo iyo ni je 'es ne'wajasia'm jana kates. Je isienisiji jana kates, ti iyo ka je 'nakaja ape'e siunie je 'es ti iyoyisi.

Juan 7:7

Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Jn 3:1

'Yena ki iyo ni jlemijnaye ni Sinia' ti je jlase' ti yints'e'm; yamitits'eme ti iyo jilisats'e'm. Ijiatjliyi sa'am ti Sinia' jilists'e'm. Tempi it'imina siunapo tajle pet ni ajnat ti je itiant'iets'e, kajeyepa ti je itiant'iejesi pi Sinia'.

1 Jn 3:13

I'lijwas, ajwel'ni je inesi'lieta siunie iyo'nase napo taj'le pet ni ajnat ti ne'wa'ase'm.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.