Juan 15:16 - Sinia' Jlamtis 1994

¹⁶ Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 15:16 Iomraidhean Croise

Mateo 21:22

Ja k'iejliyeyipe siupi ja 'ajlayi pi Inia', siuti astankiujnieye ja poye, ijiate ja 'wenayepe siupa ja 'ajlayi.

Mateo 7:7

“'Ajlayi pi Sinia' siupa k'iejliyi pi jisitiana, 'yina janwe'nase'm. Woyejyi'n, je ijiat ka je a'wena'. 'Yasayi'ni, 'yina ja'najlinit ask'ioye.

Lucas 6:13

K'iejlimot ti tanat'iyipi japo t'eyasajnas, pakayi'ne ti isi'mik'i siojopo itijwa'm niwa sikioye times tom'niji ti iyone jijliujwajnasa'.

Juan 13:18

“'Yejne'n, je ajwe'el ka inwikie'eyeyi, je sit'iayiji'n siunapo aki'mik'i, lapajawo ti janeyi siojona jloma ti siuniwa inamtis t'ipi siunie iyo, ti iyo'ate, “Siu'nie i'nio' akijwane, nak teje ijyilia'm”.

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Juan 6:70

Jesús iyo'ne 'ate: —Yam ti aki'mase'm siunie inojwajia'm, ti itijwa'm sik'ioye times to'm'niji. 'Yina ijwienjli'ne siunie imosik.

Hechos 1:24

T'ajlat'ijyimpe, iyonat'iyisijpe 'ate pa t'ajlaye: —Saka'niona, a'am ti intant'ieje ni jlosik ni i'nio'. Awoktajank'iye ka apayiyi sik'ioye siupa a'am pajk'i ti jiki'me siu'napo times,

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 10:41

Je 'ne ka wikie'eyeyi ka inikajanitia'm ti 'nelanjie'e. Samkata ti ini'wenkints'e'm, lapakawo ti jla'am ti isimts'e'm ti 'nelanjie'e ka sama ka ijwila ti jla'am. Akijwanaja ti ti'yekiunieta, jla'yi ti i'yayetaja pa k'iejliyi kia'iyo akijwanaja, jlampa yiye kisie'e ti yapilie pijia'm.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Romanos 1:13

Awotajank'iye pet ka 'najanayi, i'lijwas, ti je ijwienjliyi ka je inijnalasata'ni awotaja ka nak ijiojwi, 'yina ayeyi 'nijiye ti je ani'yaka'n, lapakawo ti je lajk'i ni siuniwa ip'ion'ni its'ioye. Siunie ajalastajan pet k'iye ka i'wi'in ka poye papo ti asa'am ka woye asosikis ink'iejyisa' ti anotieje'ase'm pet, ka wo'ate iyo siunapo je Judíojos, ti yijits'i niwa ijia ajnatis ti kiak iyoyi.

Romanos 1:5

Siuti ya'am ka lajak'i pet ni iyo ni Sijwajieti Jesús, lapakawo ti jla'am pa Sinia' ti sip'elisi'n, sekyi'i ijniejietk'i'm pet ka iyo Sijwajieti jijliujwanikie', ka ijwile napo i'nio' ka 'yakajanit'i ape'e ni iyo ti jla'am. Ja'nakayeyi ti ja wikie'eyeyi napo i'nio' yi' ape'e 'ni ajnat ja ke inkakiuyis, siu'neje ti jank'iuye siunie jlamtik jawoyi.

Romanos 15:4

Wikie'eyi siuniwa Sinia' jlamtis yi'i ni ji'wet jla'am je tilisanaja jiwek, 'yina ti sa'am ti kastajietajapeje, 'nakayi ti jani'neyasanaja, siu'neje ti naka ti ja kasts'et pijia'm, sijweye jantajle ti jla'am, siu'neje ti 'yakajanit ti sinijijwiye po'.

Romanos 9:21

Kajeyepa siunie ti ilisana niwa inatiwa siupa iyo ka wone, lajk'ipa ka intomik'i'ni, siuti itiliaja ka inlesane siojopa jiwe pet siupa k'iejliyi ti ijiate ti laja po' ilisanayi, ni'ne ti ilisane siojopa jiwe pet siupa ti k'iejliyi ti jiniliak pet.

1 Corintios 10:11

Kiak iyo siukia jiwet'ia iyot'iyipi papoka sitiselt'ipi lapakawo ti sa'am ti kastajieta, ti yi'i niwa Sinia' jlamtis, ka kiak je iniwonaja pet, sa'am ti atomajak'i pijia'm, 'nakayi ti ja ke kasjwekk'i sekjane'yi ja kasts'esi.

Gálatas 1:15

Jlamp'a'nepe Sinia' pajk'i pi iyonk'iji ti siwakajlanit ti je ajliyi'n kiu', lapakawo ti wuj ti sip'elisi'n it'imina ti tank'i. 'Yina ti jla'am ti tajle ka kiak iyoyi,

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

2 Timoteo 1:11

Ya'am ti Sinia' jikawok'i'm ka ijwil 'nak jika'niye, jla'yi ti jijliujwanik'i'm, jla'yi ti iyo ka'yiyasaneje'n niwa jlamtis ti isis napo i'nio'.

2 Timoteo 2:2

Siuniwa jipe'yape ti ene jitieyi'i japo i'nio' ti 'loj, ti ajwe'la'm, nak jajwejla'm pet siunapo ti je tikiwitaja, ti ji'we'en ti 'yakajli ti iyoyi, 'nakayijna'a pet ka 'neyasajne'n napo ijia.

Tito 1:5

Siukia ti i'wanjlipe Crétaja, jlam sek aleyi'ipe, 'yina ti awo ka iliyi ajap siukia isijmaye ti awo, ka ateme pet siukia 'wanjle'e jota iyoyi. Nakape ti awo ka awojyi'n papo ka intajlits'i niwa isi'il ka ekiaj'le ka inkie'e pet napo ijia Sinia' jilis.

Hebreos 11:4

Siupa Abel t'ipi ti je 'yakakiu pa Sinia', jak je iyoyiji pet siupuwa yikiajle pi Sinia', iyoyi ji'wajieta', pakayi ti iliajne'n siupuwa jiliajwas ji'wole po' lis. Siupa takat'ine 'yaka'm ape'e siupa jikilia takat'intaja pet ti yikiajle pa Sinia'. 'Yina pakayi ti Sinia' kiak iyo'neje ti ijwi'il ti 'esi'n pi i'nio', sekyi'i je 'yuma ilia'm siupa itiu'un ti iyoyi ji'wajietayi pi Sinia'. 'Wanjliyi siupa Abel pajatak'i ti 'ya'al, 'yina 'yiniye ka pakaye ka injlots'i'ni, wuj ti kasts'esi siunie iyo ti je 'yakakiu pa Sinia'.

Santiago 3:18

Siunapo ti ijialasink'iye naka, ka ts'ijiye inses. Ijiate napok 'yakamaja pet ti iyoyi ni 'es, ti 'yakatate ni inkamankiye.

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.

1 Jn 4:19

Inia'an pi Sinia' ti kassemi'n, it'imina pet ti aninemina.