Juan 15:15 - Sinia' Jlamtis 1994

¹⁵ Je awo 'yakawosa'ase'm. Ataj enayi 'ate, siunie inkawo siunie iyo ni jika anechiyas je 'yijene. It'imina ti kiak awo'nase ti 'yijejnajwasts'ase'm ti lapajawo ka kiak je iwo ti wikie'eyi siuniwa tajle ni Inia' ti yikialk'i, ti ijliuyijk'i'm ka 'yiyasanayi, pajk'i ti ekiaj'lase pet.

Juan 15:15 Iomraidhean Croise

Mateo 13:11

'Yina isiujlie japo ti iyo'ate: —Ti asa'am, Sinia' i'winki'nase'm ka intant'iejayi siuniwa yiji pet ni jika anechijiayas. Jlampet siunapo 'wenayi, Sinia' je iwijna'm ka 'najane niwaka.

Lucas 10:23

Tejeyet'iyipi japo t'eyasajnas ti 'najli siupa yiyits'i, iyone'ne 'ate: —Sinia' jikap'ijliuskiye yi'ne siupapo i'wi'in siunie iyo pet ni ji'wena'.

Juan 12:26

Siuti japoye pa jankijme'n ijiap, kanamana'a ijyik'i. Siunie jayi'i, sekjane'yi pet. Siunie Inia' janteme pet siunie janoyijk'i'm.

Juan 13:16

¿Tepi yi'i pi i'nio' t'a'n ape'e pa jika anechiyas ti jla'am ti inkawo, siu'neje ni i'nio' tijliuk ka injwe'el ka t'a'n ape'e siupi ijliu'?

Juan 15:20

Ataj wunitiets'i siunie awo'nase'ejyi ti awo'ate, “Jikawo je ika'm ape'e ni i'nio' ni anechiyas.” Siuti jlam sakojwaki'n ta'a, 'wena je woyeyi, kiak jawoyeyi pet. Siuti jlamt'i kiak awo ta'a, ti tik'iukk'i'm ni siunie iyo niwa yamtis, kiak inwoyenie'eje pet ti asa'am, ja tik'iukie'asemna'a siupi ja asamtikie'.

Juan 16:12

“Mawat je atejwta'aja kisie'e siuniwa ijia, 'wanjliyi je 'najanatieje, 'wanjli'itieje kajwi'lase'm.

Juan 17:26

Yampe ti awo ika'niyejayiji, it'imina ti itiant'ie'a, 'yina ja ke iliyi ti awo ka intant'ie'a. 'Nakayeyijna'a siunie emijnaye ti jlenk'i'm janejyi pet niwa jikiojwa'l, siuti ya'am kiak jawo'ojyi ja yiji.”

Juan 20:17

Jesús iyo'ne 'ate: —Akio' lank'i'm, mawat je ajojliyi'ijyi ni Inia'. Maj kiu' wekie'e ka ajwele japo i'lijwas, jwejla'm ti jajioyi kiu' ni Inia', siunie Asna' pet.

Juan 4:19

Ti ipi'yaye ti kia'iyo, iyo'ne 'ate jlajak i'nioki: —'Yaka'niona, ijiatp'aneje ti a'm injwejlanik jiwo'wa'm.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

Hechos 20:27

Kajeyepa ti pajk'i ta'a ti ajwe'lase'm siunie iyo ni Sinia' ka woyi, je ajwek'iase'm.

Romanos 7:15

Ijiate ti je ts'ajaneje siu'nie awoyi. Kajeyepa ti je awoyi siunie ti ya'am ti awotaja ka iyoyi, 'wenajliyi ti siunie ajwelta ka se'waja'm, 'yina nakayep'ajne ti awoyi.

1 Corintios 2:16

Iyo niwa inamtis t'ipi ti iyo'ate: “¿Tempa itiant'ieje pa Sinia' jlosik? ¿Tempa janjwe'el ka 'neyasa'n?” Jlam'ne yits'e ni Sijwajieti jlosik.

Gálatas 4:6

Sekyi'i ti Sinia' 'yakajanitiek'iyi ti jla'am ti jilists'ase'm, 'yina ijliuye'ase siojona jlas jikimet ti yijits'i niwa askiojwa'l, ti iyo'ate, “¡Inia', Inia'!”

Efesios 1:9

Jla'yi ti 'yakajanitts'e'm siunie iyo ti 'yaka ape'e, jlamt'i ijiate ka iyo'ate, siunie ti pajk'i ta'a ti iyo ka iwoyi, 'naka siu'nie:

Efesios 3:5

Ti pajk'i Sinia' je iyo ka ti'niejenaja. Siu'nie iyo 'nakayi 'yakajanitieja'm napo jijliujwajnas, siu'neje napo jijwejlanawos napo isis, 'yina ti po' jana jikimet ti iniuyeje.

Colosenses 1:26

'Yina naka ni siunie ti Sinia' talk'i'ni ti ijwiki'n ti ijwikia'm napo i'nio', 'nakayi 'yakajanitia'm napo jilis.

Filemón 1:16

Ja ke iwo'ate iyo ti inkipinik, 'nakayi 'yaka'm ape'e naka, kajeyepa ti akiecha ti wuj ti i'namaja. Kia'awo pet ti ya'am wuj ti emi'n, 'yina siupet ti a'm 'esiji ka wujwa ka emi'n, kajeyepa ti naka ti akipinik jla'yi ti akiecha ti a'nayi ijwienjliyik'i siunie ti jleki ki iyo ni Saka'niona.

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

Santiago 2:23

Sekyi'i ti yiye kisie'e pi iyot'iyipi pa Sinia' ti yi'i ni ji'wet ti iyo'ate, “Abraham je 'yakakiu pa Sinia', it'imina ti Sinia' jla'am yi'ne ti naka ti ya'm ape'e ti 'es”. Jla'yi ti kiak tiwonaja 'niji 'ate Sinia' t'ajajnajwa.

1 Pedro 1:11

'Yina Sijwajieti jikimet ti 'es ti yiyits'i papoka, japak 'yakajanitiamk'i siupi jawo jla'am pi Sijwajieti ti janilayiti, siu'neje pa jawoyi ti wuj ti ja 'esie ti jawunitie, ijnonitieye ja tena'a ji'wecha siupi iyo ti inilayiti. Wuj ti ijialasis ape'e ti iyo ka 'najanisi paka iwonisiji pak i'nio' t'ipi, siu'neje japak jloma ti Sinia' jikimet ti 'es 'yakajanitia'm.

2 Pedro 1:1

Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.