Juan 14:26 - Sinia' Jlamtis 1994

²⁶ Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 14:26 Iomraidhean Croise

Mateo 1:18

Siukia ti poye pet ja Jesús, kiak iyoyiyi'ate: José initemini'ni jlaja María ti iyo jlosieye, ti iyo kaneyi. 'Yina ti je yijlik'iji kiu' wita'm, siojopa Sinia' jikimet ti 'es japaka jla'm siupi iyone ti María ini'yenaja'n ti isiu'ujniena.

Mateo 1:20

Ijiatjliyi wakal siupi jitienkiujnieye iyone, ti Saka'niona jijliujwanik poli jlele yiyet'iyipi pa José ti ijwijliane ti i'wi'in. Iyone'ne 'ate: —José, David jlas, ká anit'ajanit'ni. Ki'm ilia'm jana María. Weyi, kajeyepa ti siunie kia'le ni ja jlasa' jantajla jana Sinia' jikimet ti 'es.

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Mateo 3:11

Ya'am ti anajiena anajienajyi ni i'niat, in'yenajiap jiwek ti jiwo ajosik ink'iejyisa'. 'Yina po 'neje siunie 'wanjli isia'm ti jana'ajme, nak ja inajienajyi pet ki iyo jana Sinia' jikimet ti 'es siu'neje ni jwat. Jla'm ijiate jla'am ti jijweye poyi ti 'yaka'm itipe'e, ijiate ti je akajli ka yikiji niwa jisieti.

Marcos 12:36

Siupa David, siojopa Sinia' jikimet initataja'm ti yamtijie'n ti iyoye 'ate: “Saka'niona iyone 'ate ni Ika'niona, Wejen 'niji ijwiyeje, 'yina je ijiate ka je yinna'a akiajwe napo atajiejwas ti ja 'ask'i'ni.”

Marcos 13:11

“Siuti kiak jawo jajnokieyiji napo anechiyasas, ja ke k'iejliyeyina'a paka woyeyi ka woyeyi asjlak'aliye siunie ti je 'najanayi paka as'lej awonayi. 'Yina ja 'wenayeyi ti jajwela' siunie ti Sinia' janwe'nase'm ti jajwela'. Kajeyepa ti ja ke asama ti ja amtiye'yi, ja 'wenajliyeyi jla'am siojona Sinia' jikimet ti 'es ti jantamti.

Lucas 1:15

Kajeyepa ti Sinia' jawojwa'n anechiyasa', ja ke in'yaje pa at'es ja lajak'iyipa siuniwa ti'yakits'i at'esis. Sinia' jikimet ti 'es jampoyiji ti jane tiowiji japa jlet.

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

Lucas 1:41

Ti Elisabet ipi'yaye jlaja María ti itijwila, siupa kia'le ti'wesiyet'ipi jits'iji japa jlet. Pakayi'ne ti Sinia' jikimet ti 'es tipoyeyiji japa Elisabet,

Lucas 1:67

Siupa jinia' pa kia'le, ti jle' iyo'ate Zacarías, ti Sinia' jikimet ti 'es tipoyet'iyijipi, jlam jla'am japaka ti yamtijie'n ti iyo'ate:

Lucas 11:13

Jlajmiliet ti asa'am ti je insisie, siuniwa asles t'ajla'asem'ni, je wenajia'm paka jiniliakie. ¿Tepi iyo siunie Asna' ti yi' poliyi? ¡Jlajma ijiatayi ti janwe'nase'm jana Sinia' jikimet ti 'es, siunapo jant'ajle!”

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Lucas 24:49

Je ijiat ka je ijliu'wase ti jane astepe'e siojona Inia' pajk'i ti ijwilt'ipi. Ká atajlakiunie'e 'ne yi'i jla'a Jerusalén, ijiatjliyijna'a jla'am ka atajatiejna'a siunie asjweyeja' ti jantal poliyi.

Lucas 3:22

siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

Juan 1:33

Ti 'nelanjie'e je sitiant'ieje kiu'. 'Yina siunie sijliu' ka iniejiejne'n napo i'nio', ka iniejiejni ni i'niat, iyonk'i 'ate, “Siuti ja'we'en siunie i'nio' Sinia' jikimet ti 'es janame ti jane'yi ape'e, janakaye siunie i'nio' ti janajiejni jana Sinia' jikimet ti 'es napo i'nio'.”

Juan 14:16

Siuti ya'am ja'yasejeje'n ni Inia' siojopa ka inoye'ase'm janak Sinia' jikimet ti ijiatk'i, ka ine'yasap wikie'eyi niwa jlomas. Siunapo yi'i ni ajnat, je yiyi, 'yaka je intant'ieje, jla'yi ti je i'wi'in. 'Yina asa'am intant'iejayi, kajeyepa ti yiye asap, jla'yi ti ja ke pajana ka intaj'lase'm.

Juan 14:25

“Jlam awoni'ni 'ate ask'ioye ti mamjli'ijyi je ak ask'ioye.

Juan 15:26

“Je ijiat ka je i'nes siojona asp'ota ti ijiate jlam ti Sinia' jikimet ti jajliu', ti jantajle ni Inia'. Janaka'ne ti ja sijwe'el.

Juan 16:7

Ijiatk'i siunie jayo ti jajwi'lase'm, ti siunie ti jayik nak ja'nesieyi. Jlam ti kiak jawo, ja ke iyik, ja ke inamana'a pet siojona asp'ota ka ne'yasap. Jlam ti jayik, sekjane'yi ka namana'a janaka siojona ajwe'el, ti jajliu'.

Juan 2:22

Jak je iyoyi siojopo t'eyasajnas ti yiyeyi siojokia jloma ti Sinia' yikial pijia'm ti tajli ki a'no', jitiej wujwayispe siukia iyoyi ja Jesús, it'imina'ne ti je takakiunisi siukiwa inamtis ti yi'i ki ji'wet, siu'neje kiwa jlamtis ja Jesús.

Juan 20:22

Sekyi'i Jesús ipiejwuye ape'e japo, ti iyo'ate: —Kima'yi ilia'm siujlie'e Sinia' jikimet ti 'es.

Juan 6:45

Jilisajnat'ipi papo injwejlanawos ti iyo'ate, “Ja wikie'eyeyi napo i'nio' ti Sinia' ja'neyasajne'n.” 'Yina siunie its'iuye ni Inia', jla'yi ti ini'neyasane niwa jlamtis, nak ijiok'i pit.

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

Hechos 1:2

siu'neje ti yiyeyi jakia jloma ti yapilie poliyi. Ti majleyeyi ka nek, siojopo jijliujwajnas siojopo pajk'i ti isi'mik'i, 'yiyasane siupi jikijmayeja' ka lajk'i japa Sinia' jikimet ti 'es ti iniuyeje.

Hechos 1:4

Ti je yamjli'ijyi, Jesús ijwijla'm ta'a japo jijliujwajnas ka je intajlis kiu' Jerusalenne, ti iyone'ate: —K'iuyejiap jla'am siojona jloma ka neyi, siunie iyo'nase ni Inia' ti ijwi'lase'm, naka siunie iyo ti ya'am ti ajwe'lasempe.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 11:16

Sekyi'i itiej wujwayi niwa Saka'niona jlamtis ti iyope 'ate, “Ijiate ti Juan iniejiejne'n napo i'nio' ti iniejiejni ni i'niat, 'yina ya'am kiak ja ke iyo, janiejiejni ki iyo jana Sinia' jikimet ti 'es.

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:4

Sinia' jikimet ti 'es ijliu' 'niji yi'i japa Seleucia. Sekyi'i ti yiyet'iyispe kasejkanaja, ti ijioyis 'niji yi'i japa ajnat jle' iyo'ate Chipre, i'niat lajlik'i tijwajiape'n.

Hechos 15:28

'Yina lapakawo ti kiak iyo jana Sinia' jikimet ti 'es, jla'yi pet ti sa'am, je 'esiji ka k'iejliyeyi paka ijiosa'ni asek'i, ka iyok asjlokie, najata jla'am siunie 'esiji ka woyeyi.

Hechos 15:8

'Yina Sinia', ti itiant'ieje 'niwa inkiojwa'l, i'winki'n ti inka'a ti jlamis, kajeyepa ti iwijna'm jana Sinia' jikimet ti 'es, iyoye'ate iyo ti iwints'e'm.

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

Hechos 2:33

Jak je iyoyiji'ni paj ti Sinia' yamayi pijia'm, ti yi'neje'n ni ji'wet, ti itiujmat jijweyeje, 'yina yikiajle jana jikimet ti 'es. Sekyi'i ti isiaye sitipe'e, yame ki iyo niwa jlamtis, 'naka'ne siunie ji'wena' jla'yi ti jipe'yaye.

Hechos 2:4

Sinia' jikimet ti 'es tipoyijits'i, sekyi'i ti ji'lija 'wenayeyi. Lapakawo ka kiak je iwo, ti jlam jla'am siojopa Sinia' jikimet ti 'es ti ji'lij iwijnamk'i, it'imina ti kia'iyo.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

Hechos 28:25

'Yina ti je ijniul wita'm, jlampa iniuyeyis kisie'e. Pablo iyo'ne 'ate: —Ijiatp'anejepe ti jlam je iyo siojopa Sinia' jikimet ti 'es ti iyo'ate, siupuwa jlamtis ti Sinia' jijwejlanik jiwo Isaías ti ijwilt'ijiampe pet papo astese'l, ti iyo'ate:

Hechos 5:3

Pedro iyone'ne 'ate: —Ananías, ¿yot'iyi'ni ti jinine'nate k'iye ni sitiejiejwa imosik ti ijiojwa'm ni ajosik? Jijweki'n jana wikiniet'aj, jiwo sintiyeja'm jana Sinia' jikimet ti 'es, ti jijwel ka apejlati'n jana wikiniet'aj aka ajnat laja, siojona jlekialts'e.

Hechos 7:51

Esteban jlam yinjliyi ape'e ti iyo'ate: —¡Wuj wata'a ti int'onie! ¡Ask'iote poyeta ti je wo ka k'iuyeyi pa Sinia'! ¡Asosik iyo'ate siunapo i'nio' je itiant'ieje pa Sinia'! ¡Jitieye'yi ilia'm japa Sinia' jikimet ti 'es, 'wena je jloye'yi papo asnawot t'ipi!

Hechos 7:55

'Yina Esteban Sinia' jikimet ti 'es tipoyiji pet, i'yenat'ipi poliyi, sekyi'i i'wine pa jloniye iyo ti 'es, i'wine pa Jesús ti takasiti'n jijweyeje pa Sinia'.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Romanos 15:13

'Esiji ka Sinia' siunie ti iyo sinijijwiyeja' ka imponit'i aswa'am siunie asnikanitieyi, siu'neje ni askamankiye, lapakawo ti naka jla'am siunie astankiujnieye ti 'es, ja 'nakayeyi ti siojona Sinia' jikimet ti 'es ti jijweye po', ja'nets'akanit ni asnejejwijiyeja'.

Romanos 15:16

siunie ti siwojwa'n Sijwajieti jikawoyek'i'm, 'nakayi ti janiuyeje siunapo i'nio' ti je Judíojos. Awoye 'ate siunie pa'yi ti ajwe'el siunie Sinia' jika'niye, 'nakayi ti janiwojwa'nate siunie Sinia' ji'wajiet ti ikanit'ni, siu'neje ti siojona Sinia' jikimet ti 'es ja'notat.

Romanos 5:5

'Yina siunie sinijijwiye iyo je takak'emisie'n jiwek, kajeyepa ti Sinia' ipionitik'i 'niwa sosikis sekyi'i ti isia'ni siunie jlemijnaye ti tajla'm je lajk'i japa Sinia' jikimet ti 'es ti iyoyi si'wajieta'.

1 Corintios 12:3

Nak it'imina 'nakayi ti awotaja ka 'najanayi, ti po' siunie ti japaka Sinia' jikimet ti 'es ti yamtijie'n kajeyepa ti yiji, ajwel'ni je 'yu'we ka wo'ate, ka injwe'el pa Jesús, “Je 'es pa Jesús”, jlam'ne je 'wena paka intajle. Kia'iyojliyi siunie ti iyo'ate, “Saka'niona Jesús”, jlam'ne siojopa Sinia' jikimet ti 'es jijweye yiji.

1 Corintios 6:19

¿Jet'i 'najanayi paka awonayi ti siojona Sinia' jikimet ti 'es ti iwi'nase'm ni Sinia', janak ji'wet niwa 'assienis, jla'yi ti yi' aswa'am janaka Sinia' jikimet? 'Yina je askimet siojona as'wasankiye ti yi'ase.

2 Corintios 13:14

'Esiji ka Saka'niona Jesús ti Sijwajieti jikap'ijliuskiye, siu'neje ni Sinia' jlemijnaye, siu'neje ni iyo jana Sinia' jikimet ti 'es ti kassotk'i wita'm, ja wikie'eyeyi kane'yasap.

2 Corintios 6:6

Siu'neje ti je anijwekieje ti awoki ni siunie 'es, siu'neje ni ti kastant'ieje niwa Sinia' jlamtis ti ijiate jla'am ti ijiatk'iji'n. Siunie ti anilayitie ilia'm napo i'nio', jla'yi ti ap'elisina, siu'neje ti yi' siwa'm janaka Sinia' jikimet ti 'es, siu'neje ni semijnaye ti ijiatk'i,

Efesios 1:13

'Yina kiak jiwoyeyi pit, ti 'nelanjie'e jipe'yaye niwak inamtis ti ijiatk'i, ti ijwi'lase'm naka asjwajieti, sekyi'i ijiate jik'iuyeyi, kajeyepa ti je kakiunieyi ni Sijwajieti, 'yina sekyi'i jini'nopijietayiji'ne wita'm ti jla'am. Sekyi'i Sinia' yina aswa'm jana jikimet ti 'es siojona ti pajk'i ta'a ti ijwil'ni, ti iyojonk'iye ka 'nakaj ti ijiate ti jla'am ti aska'niona.

Efesios 1:17

Ti 'esp'an pa Jinia' pa Sijwajieti Jesús ti Saka'niona, Sinia' ti jijweye po', ka ijiatayi ka i'neyasana' ka 'najanajyimpe, jla'yi ka intant'iejayi niwa wask'i'nelaja ni iyo siu'nie awonaja. Sek jane'yi ka ijiatayijijna'a ka intant'iejayi ti jla'am ni Sinia'. 'Nak 'ajleje ni Sinia'.

Efesios 4:30

Siuti kiak iyo, je jikanitie'ni jana Sinia' jikimet ti 'es, 'yina janak ti inkajanitie ti ijiate ni nak aska'niona ni Sinia'. Janaka 'neje ti ja insisieyi ka netiejenie'e janak jloma ti asjwajieti yiji.

1 Tesalonicenses 4:8

Jak je iyoyiji siunie i'nio' ti iliaki naka inka'neyasajnaye, je paka ka i'nioye ka inlaki. Iliaki pa Sinia' ti iwints'e'm janaka jikimet ti 'es.

2 Timoteo 1:14

Po' siojona jikimet ti 'es ti tajle pi Sinia' ti janoye'a'm. Lesaniji naka ni 'es ti tekiajla'a.

Tito 3:5

sekyi'i kasjwajieten'ne. Je ka pakaye kat'emina ka iyoki pi k'iejliyi ka sikijmayeja' ka wujwa ka 'esie ti kasjwajiete'n, 'wenajliyi jla'am siunie ti jikap'ijliuskiye po', naka'ne ti kasts'esi. Sekyi'i ti kasleja ki iyo niwa sakeyis, sekyi'i ti ekiajlayi'iji ni awoki siunie iyo ti 'nelanjie'e atajlaja'm jana set. Jlampet siojona Sinia' jikimet ti 'es janaka pet ti iwints'e'm ni si'wasankiye ti ink'ie'.

Hebreos 10:15

Siojopa Sinia' jikimet ti 'es kia'iyo 'yakajanitk'i sik'ioye ti ijiate ni iyo, siunie ti iyo'ate:

Hebreos 3:7

Jak je iyoyiji ka je iwoyi 'ate siojona Sinia' jikimet ti 'es ti yi'i niwa inamtis t'ipi: “Ka pe'yayeyi 'nakayi pa Sinia' siupa jawo,

Hebreos 9:8

'Yina kiaka'ne pet, siojopa Sinia' jikimet ti 'es, ti 'yiniye ka iwoyi ji'niayija' ti 'yakajanitk'i sik'ioye ti siojopa Sinia' ji'wuk siupa jitiowe inia'ne je tilikjli'ijyi ti tikijmanaja'n 'yina jlampet siupa ti ijiatt'iyijpe ti t'otata je 'aljli'ijyi k'iye paka 'noyi.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

2 Pedro 1:21

Tepa jawo ka kiak je iwo ti siupa injwejlanik jiwo je jla'am ka jlamtisie' siupuwa ijwile pijia'm ti ijwijla'm papo i'nio', 'wenajliyi ti Sinia' tajle siupi iyo. Sinia' jikimet ti 'es japaka ti iyo ji'lijaye papo injwejlanawos t'ipi.

1 Jn 2:20

Lapakawo ti Sijwajieti pajk'i ti iwi'nase'm jana Sinia' jikimet ti 'es it'imina ti ajosik jitieja.

1 Jn 2:27

Pajk'i ala ti yi'ase siojona Sinia' jikimet tajle pi Sijwajieti ti iwi'nase'm. Ja ke injwesiejayiji'n pa ka i'neyasana ja k'iejliyeyipe siupi jawoyeyi, lapawo ti po'o janak Sinia' jikimet ti janoye'ase'm. Siunie ja'neyasanayi, naka ni ijiatk'i, jlam je iyo ti 'es. Ká aleyeyi siunie jiniwonayi ti injwanjliyeyik'i'ni pi Sijwajieti, siunie iyo ti 'neyasanayi jana Sinia' jikimet.

1 Jn 5:7

Najape siuniwa 'yakajanit:

Judas 1:20

Siuti asa'am, i'lijwas ti yimijna', 'esiji ka nit'onitieyi pijia'm siunie astankiujnieye ti ijiate jlam ti 'es ti janaka ti 'notatak'i, naka ni siunie ti je kakiuye ni Sinia'. Woye asts'ajlayeja' janaka ti astaj jawomayi Sinia' jikimet ti 'es ti jawe'nase'm ni as'nayija'.

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”