Juan 13:8 - Sinia' Jlamtis 1994

⁸ Pedro isiujlie'ne pet ti iyo'ate: —Ja ke iwi'na'm ka paja 'niwa isietis ka lejk'iji'n. Jesús ti isiujlieyi'iji, iyo'ne 'ate: —Siuti je wo ka ilijk'iji'n niwa asatis, ja ke ayejenie'e siu'napo isimet pet.

Juan 13:8 Iomraidhean Croise

Mateo 16:22

Ti Pedro ipi'yaye ja Jesús ti kia'iyo, sekyi'i ti itiajlanaja'm kiu' japo sek yinayi'i ti kiak iyone: —¡Ya'am ajwel'ni jeyi, 'ni 'Yaka'niona! ¡Sinia' je itiliaja naka kiak iyoyi! ¡'Wanjliyi ja lajak'ipa ka awet'iaye!

Mateo 21:29

“Isiujlie pi jinia' ti iyo'ate, Jewa'a, je awo kayik. “Paj ti jitienkiujnieye 'wena iyonayi'ijyi jiwekie'e, sekyi'i ti yamat'ipi, ti ijioyi pi inwasok.

Mateo 26:33

Pedro iyo'ne 'ate: —'Wanjliyijna'a ka kia'iwo ka poye papoka inle'a, ya'am anijwe'la'm ta'a ti ja ke ili'a.

Mateo 26:35

'Yina Pedro isiujlie ti iyo'ate: —'Wanjliyijna'a ka siliaye inok'i wita'm ka kaslanaja'n, 'yina je kia'iyonie'e ka iyo'ate, “Je sitiant'ieje.” Ijwienjli ji'lij iniuyi'i japo ijia Jesús t'eyasajnas ti kia'iyo.

Juan 13:6

'Yina ti iyoyetaja ka inlej jawa Simón Pedro jisietis, sekyi'i iyo'ne 'ate: —'Ni ika'niona, ¿isietis jalejk'iji'n ti ya'am?

Juan 13:9

Simón Pedro iyone'ne 'ate ja Jesús: —Ijiatp'ane, ja ke 'niwakatajana'a niwa isietis ti alejk'iji'n, jwane'e 'niwa isioye ka lejk'iji'n, siu'neje jli ijyitik ka leje.

Juan 3:5

Jesús iyo'ate ti isiujlie: —Ijiate, ijiatk'i siunie awo ti jayo'ate, lajk'ipa ka 'najane paka inwone ka 'noyi ni jika anechijiayas pi Sinia' ijiatjliyi jla'am ni i'nio' ti k'iejli yijijyi'n ni i'niat jla'yi jana Sinia' jikimet.

Hechos 22:16

Nisiamaja'ni, ká anijwatanitna'a; ninajie'n nineyine pa Saka'niona, kanlej niwa ajoski'la iyo.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.

Colosenses 2:18

Ká ak'iuyeyeje siuti injwela ti ijwi'il astes po', napoka siunapo ti ijwi'il ka inijlasatisk'i isia'm, napoka siunapo ti ijiunitis napo injlojwajnas poli jlele, ti ijwi'il ka poye siuniwa ti'wenkinajam'ni, napoka siunapo ti initonitisi siuniwa ti jitienkiujnieyejes jlamis.

Colosenses 2:23

'Yaka ijiatayiji ka inses, kajeyepa ti i'nio' 'yijijie'ne ka tonitie pa Sinia', sekjane'yi ti janijlasat isia'm, siu'neje ti ja iliaki 'niwa 'najwes. 'Yina je 'yakajle'n niwaka siuniwa itiliaja ni i'nio'.

Tito 3:5

sekyi'i kasjwajieten'ne. Je ka pakaye kat'emina ka iyoki pi k'iejliyi ka sikijmayeja' ka wujwa ka 'esie ti kasjwajiete'n, 'wenajliyi jla'am siunie ti jikap'ijliuskiye po', naka'ne ti kasts'esi. Sekyi'i ti kasleja ki iyo niwa sakeyis, sekyi'i ti ekiajlayi'iji ni awoki siunie iyo ti 'nelanjie'e atajlaja'm jana set. Jlampet siojona Sinia' jikimet ti 'es janaka pet ti iwints'e'm ni si'wasankiye ti ink'ie'.

Hebreos 10:22

Jak je iyoyiji jajioki pi Sinia', ja'nialkitak'i na sosik, siu'neje na sitienkiujnieye ti 'es jalisanaja'n. Siunie iyo ti je akakiuk jajwienkitak'i, 'yina ke k'iejliyeyi paka iyoki sitienkiujnieyejak'i wita'm ka jiniliakie pa, lapakawo ti pajk'i siuniwa ts'ajwes ti tilijiki'n, ti tilijiki siunie i'niat ti 'es.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.