Juan 13:31 - Sinia' Jlamtis 1994

³¹ Jlampa pajak'i ja Judas ti ya'am, Jesús iyo'ne 'ate: —Ja'nakaja'ne 'nakayi siuni iyo ni jijweye ni I'nio' Jlas, ti ja tonitie, 'yina siunie Sinia' kiak jawo'ojyi pet; ja'naka'aja pet ni jijweye iyo, ti ja tonitie, lapawo ti ya'am ti jat'imina siupa ja tiwonak'i.

Juan 13:31 Iomraidhean Croise

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Lucas 12:50

Ka pajatana'a jayiyi siunie ti ja ijiatayi ti ja ke 'esie, 'naka 'ni siu'nie silia'an, jla'yi ti akjliyi.

Juan 11:4

Jesús iyo'ne 'ate ti yiyeyi ki inka'niye: —Siupi jiliaye iyo, je nak kaneki kanla'an, 'wenajliyi siunie iyo ka 'nakaj ni Sinia' jijweye, jla'yi ni Jlas.

Juan 12:23

'Yina Jesús iyo'ne 'ate ti isiujlie japo takajwejlane: —Yiyi siujlie'e jloma ti tenat'ijyipi ni I'nio' Jlas ti jijweye ja tiwenaja'm.

Juan 12:28

Inia', ¡'esiji ka awunit a'm ni e'e! Sekyi'i ti pesiejayi siupi ina'lap tom poliyi ti iyo'ate: —Pajk'i ti ateme, 'yina jayikiajle'eje ti jayunit.

Juan 14:13

Jak je iyoyiji, siuti japoye pi ja 'ajlayiji pi Sinia' siuti jasetina jats'iu'wase'm, sekjane'yijpe ka 'nakajajepi ni jijweye ni Jlas siunie jawo ni iyo ni Inia'.

Juan 16:14

Ja wujwa ti ja siwunit, siuniwa janjwe'el ya'am ti jantalk'i, sekjane'yi ka injlasata'anie'ase ka intant'iejayi pet.

Juan 7:39

Jlam'ne papok ijwi'il ja Jesús siupapo ja ke inkakiu, ti ja tekiajlaja siojopa Sinia' jikimet ti 'es. 'Yina ti je 'nesjli'ijyi siojopa Sinia' jikimet ti 'es lapakawo ti je yijliyi'ijyi siojopa jloma ti ja tiwunitie ja Jesús.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

Efesios 1:12

Lapakawo ti lajk'ipa kant'emina ti kasnajnat ti isimts'e'm naka ti iyo ka je iliki ni sinijijwiye ka yina'a pi Sijwajieti. Ka iyunitie ni Sinia', ti lajk'ipa ka ijnojliji, ni iyo ni jijweye.

Efesios 2:7

Naka'ne ti iyo pa Sinia' ti iyo ka'wenkina ts'iji siuniwa jlomas atayeje napo i'nio' ni jikap'ijliuskiye iyo ti wuj ti kasts'isisi pa Sijwajieti.

Efesios 3:10

Lapakawo ti iyojonk'iye pet ka intant'ieje wikie'eyi siuniwa yiji ni poli niwa jijweye po' pet, siu'neje napo anechiyasas ti kia'iyo yiji ni poli naka Sinia' t'ajankijnieye ti ijwienjli je k'iejliyiji'n, ti jilis ijwilis.

Filipenses 2:11

'Yina ja wikie'eyeyi ti janjwelisi pijia'm ti janwoyits'i 'ate, “Sijwajieti Jesús naka ti Saka'niona”, japakayeyi ti ja wujwa ti ja tiwunitie pa Sinia'.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.