Juan 12:6 - Sinia' Jlamtis 1994

⁶ Siuti ji'lij kiak iyone ja Judas, jla'm iyo ka imp'elisijne'n napo p'ijliusis. Kajeyepa siuti jlam ti tijna'yi siujlieja wikiniet'aj jiwe ti i'yena, kajeyepa ti takajlane'ni pi jiwa siojopa titietajak'i'ni, japak 'neliaja pet.

Juan 12:6 Iomraidhean Croise

Mateo 21:13

Sekyi'i iyone'ne 'ate japoka: —Siuniwa inamtis t'ipi iyo'ate, “Siujlie'e i'yuk jle' jawo'ate 'najla 'wet.” ¡Siuti asa'am jiwonayi kajlajnatas ji'weta'!

Lucas 8:3

Siu'neje jlaja asejnia jle' iyo'ate Juana, i'nio' siojo jle' iyo'ate Cuza jik'iemjla, siupa Herodes jika wikiniet'awojimpe. Siu'neje jlaja i'nioki jle' iyo'ate Susana. Je japokata, po 'neje siupapo ijia asejnia ti i'yenisie pa Jesús, siu'neje japo t'eyasajnas, k'iejlit'iyijpe pa iwinisia'm.

Juan 10:13

kajeyepa ti najata jla'am ti i'ye'en jana jikaja, 'yina je niwaka'ne kan'ye'en niwa sontas.

Juan 12:5

—¿Yot'iyi'ni ti je tiwena siu'nie a'la' jlokiet'e' ti jini inkajk'i, jlam'ne laja po', ka tekiajlaja pet siunapo p'ijliusis japa lajaye?

Juan 13:29

'Yina ijia itijnistiejesi ka poye paka kanwejnamk'i japo p'ijliusis, ni'ne ka neki paka intajieta siojokia inlakijnieye, kajeyepa ti jlam ti tijna'yi siujlieja ineli wikiniet'awe.

1 Corintios 6:10

siu'neje napo kajlajnatas, siu'neje napo i'nio' ijialas kan'we'en niwa wask'i'nelaja, siu'neje napo 'yatas, siu'neje napo ti ji'lij je i'yenk'i ti ipichin'ni napo ijia, siu'neje napo ti iliaki napo ijia, ti 'yakajmat ape'e siupi yijni pi k'iejliyi ti iwi'in - wikie'eyi napoka je 'yu'we kanejyi siunie Sinia' jika anechijiayas.

Gálatas 2:10

Ti yinayisi ape'e iyoyis'ne 'ate, “Astaj wunitieyipe pet siunapo i'nio' p'ijliusis pet, ti yi' asap.” Sekyi'i ti kiak awo'ni pet, “Ijiatp'ane, 'esiji.” Jlam'ne jlam pajk'i ta'a ti isiowe ka iniuyeje napoka.

1 Tesalonicenses 5:22

Ká akiejnata'ya'm ni siunie je 'es.

Santiago 2:2

'Yejne'n, ataj enayi wek 'ate, ni'ne ka janojwats'i wita'm pi ja aye'yi, ji'wena'yi ilia'm siunie i'nio' ti jwajla i'wi'in, jijwukijnies niwa isis ti wikinie maja ti 'najli, ji'wuye kia'iyojliyi isis. Paj ti ja'nes pet ni i'nio' ti wuj ti p'ijliusie, ji'wuye ji'yusis pet kajeyepa.

Santiago 2:6

¡Jlam'ne pet ti asa'am jijniejietats'i ti je jiwoye lajaye napoka p'ijliusis! Jlam'ne je 'wena 'neje napoka jwajla'a i'wi'in ti inlakiye, ti intonayi napo i'nio' anechiyasas pi k'iejlitieje pa itiajlat'ase'm, siu'neje ti ijnalajyi'n.