Juan 12:49 - Sinia' Jlamtis 1994

⁴⁹ Lapawo ti je yam ka intalk'i siu'nie awo, 'wenajliyi jla'am ni Inia' siunie sijliu', nak ijliuyijk'i'm siunie awo ka ijwi'il, jla'yi ni siunie aka'neyasane.

Juan 12:49 Iomraidhean Croise

Juan 14:10

¿Ijiatp'ane ti sakakiu ti ajwe'el ti ajyi pi Inia', jla'yi pet ti Jla'am yi' iwia'm? Siuniwa ajwe'el, je ya'am ka intalk'i. 'Wenajliyi ni Inia', ti Jlam ti yi' iwia'm, naka'ne ni isijme'n Jla'am.

Juan 14:24

I'nio' pet ni je semi'n, je its'iuye niwa yamtis. 'Yina kajeyepa siuniwa inamtis ti jipe'yaye je yamtis, 'wenajliyi ni Sinia' ti sijliu' nak jlamtis.

Juan 14:31

lapawo ti jlam kia'iyo, siunie ajnat ja'najanayijna'a paka wone ti emi'n ni Inia', jla'yi ti ja'najanayijna'a paka wone ti awo siunie Inia' ijliuyijk'i'm. “Kasitiets'i, naja'ni.”

Juan 15:15

Je awo 'yakawosa'ase'm. Ataj enayi 'ate, siunie inkawo siunie iyo ni jika anechiyas je 'yijene. It'imina ti kiak awo'nase ti 'yijejnajwasts'ase'm ti lapajawo ka kiak je iwo ti wikie'eyi siuniwa tajle ni Inia' ti yikialk'i, ti ijliuyijk'i'm ka 'yiyasanayi, pajk'i ti ekiaj'lase pet.

Juan 17:8

kajeyepa ti ateme ti ajwele siunie inka'niye ti taj'la, 'yina je 'yumajas ilia'm, kajeyepa ti 'yijene pi iyone ti a'm ti ataj'la, jla'yi ti je takakiunisi siunie ti a'm ti sijliu'.

Juan 3:11

Ijiate, ijiatk'i siunie ti kasts'ajane ajwela, siunie a'wena ajwela. 'Yina kaskakiu ti ajwelata'ase'm.

Juan 3:32

Ijwi'il siuniwa i'wi'in, siu'neje niwa ipi'ya, 'yina ka kiak iwo ka jwanjliyi paka ink'iuye siunie ijwilta.

Juan 5:19

Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Juan 5:30

Jesús iyoye'eje 'ate: —Ya'am je akajli ka yama ka itiajlatk'i ka iyo pi k'iejliyeyi. Siunie ti akajanit'i ape'e napo i'nio' ti Inia' yikialk'i, ijiate awo. 'Yina 'es ti awo, 'yaka je ya'am ka intalk'i ka yama, najata jla'am ti awo siunie iyo ka iyo ni sijliu'.

Juan 6:68

Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Juan 7:16

Jesús isiujlie'ne japo ti iyo'ate: —Je ya'am ka intalk'i siunie aka'neyasane, tajle jla'am siunie sijliu'.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

Juan 8:28

It'imina'ne ti iyo'ate: —Ijiatjliyijna'a ka tenata pijia'm ni I'nio' Jlas, jiwekie'ejana'a ka intant'iejayi ti jla'am siunie ti iyo'ate “ya'am”, jla'yi ti ja intant'iejayi ti je awo ka iyo ka itiajlatk'i siunie awo. Je'e, 'wenajliyi siunie Inia' ts'eyasane ti ajwel pet.

Juan 8:42

Jesús iyo'ne pet 'ate: —Ka ijiatayiji ti jijwela' asna' pi Sinia', ka seminayeta ti atajle pi Sinia', ya'am ti a'neye. Ti ana'am, je 'ne ka yama ka itiajlatk'i siunie awo, 'wenajliyi ni Sinia'.

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.