Juan 12:48 - Sinia' Jlamtis 1994

⁴⁸ I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Juan 12:48 Iomraidhean Croise

Mateo 10:15

Ijiatk'i siunie jajwi'lase'm ti janeyi janak jloma ti Sinia' jan'ye'en napo i'nio' ni jitis iyo, siunie jawo ti ja tisiejek'i'yi papok i'nio' yiji japak isi', janka'm ape'e siupi jiwet'ia iyot'iyipi papok i'nio' yiji japa Sodoma siu'neje Gomorra ti tisiejek'i.,

Mateo 21:42

Jesús kiak iyoye'ijyi 'ate: —¿Jet'i ji'yena'ijyi siuniwa inamtis t'ipi ti iyo'ate: “Siojona sisaj siunapo 'wukiul jiwos iwit'iane, jla'aka p'an siu'nie jloma ti jiateje ti laja po' ti 'yaka'm ape'e niwa ijia. Lapakawo ti je 'wena paka kiak iwone naka ni Saka'niona. Siuti a'wena ni jikijmaye iyone, wuj ti kasteliaja”?

Mateo 25:31

Jesús je iliyi ti tamti ti iyo'ate: —Siunie I'nio' Jlas ti ja'nes, janejyi siunie iyo ni jijweye, jla'yi ti ja jla'yisa' napo jijliujwajnas poli jlele, jane'yiji'n siojona ji'wet ti 'es ti jlam ti anechiyas.

Marcos 12:10

“¿Jet'i jlamtijiena niwak Sinia' jlamtis ti yi'i ni ji'wet ti iyo'ate: Siojona sisaj ti siunapo 'wukiu'l jiwos iwit'iane, 'yina jla'm inesi'lieyi ti kiak iniwone 'ate iyo siojona sisaj jlameje ti tena jikatokiyi jana 'wuk.

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Marcos 8:31

Sekyi'i Jesús iyo jika'niyeja' ti ijwijla'm japo t'eyasajnas ti iyone 'ate: —'Yejne'n, siunie I'nio' Jlas je jwela ka je inilayiti. Siunie janwone siunapo i'nio' anechiyasas, siu'neje napo pa'yijis jika anechiyasas, napoka 'neje napo taka'neyasane ni Moisés jika'neyasajnaye, jane'wajasia'm sekjane'yi ka inlanayisna'a. Jlam'ne pet ti jla'm, janejyi puwa jlomas janajapeja sekjane'yi janapiliena'a pijia'm ti jantajli ni a'no'.

Lucas 10:16

Yiyik'i ti kia'iyo pa Jesús, sekyi'i ti kiak t'ipa iyonayipi japo t'eyasajnas: —Siunie jank'iu'wase'm, nak its'iuk'i'm pet. Jlampet siunie ti je isima'yi aselia'm, nak 'yaka pet ti je isi'm ijyilia'm. Siunie i'nio' je isi'm ijyilia'm, nak 'yaka pet ti je isi'm ilia'm siunie I'nio' sijliu'.

Lucas 17:25

'Yina jana'an kiu' ti ja wujwa ti janilayiti siunie ja tiwonaja, siunie janwone siunapo i'nio' yiji pet 'nak siu'nie jloma, ti janlakiyis ti ja ke inkimis ilia'm.

Lucas 20:17

Jesús i'yejnen'ne papo ti iyoye 'ate: —Jakajliete, ¿ten jiat'eje siupi ijwi'il siuniwa Sinia' jlamtis ti yi'i ni ji'wet ti iyo'ate: “Siojona sisaj 'wukiu'ul jiwos iwit'iane, janakap'an siojona ti jla'm ijiatayiji ti 'es, 'nakayi laja po'”?

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Lucas 9:22

Yine 'neje ape'e ti iyo'ate: —Siunie I'nio' Jlas ja ke inka'm ape'e siunie ja tiwonaja, ti wuj ti janilayiti ni ja tena'a. Siunapo kijilas, siu'neje napo pa'yijis jika anechiyasas, siu'neje napo jiwos pet ni Moisés jika'neyasajnaye, napok jankaj ti jane'wajasi, sekjane'yi ja tiliana. Jlomas janajapeja sekjane'yi inapiliena'a pijia'm ti jantajli ni a'no'.

Lucas 9:26

I'nio' ni ja'najwelk'i siu'neje niwa yamtis ti ja'najwejle, I'nio' Jlas kiak janwo'ojyi pet ja'najwe'l ape'e, ka 'nesta ti ja ke jlasiye ni jijweye janwo, ti jantajleje ni Jinia', siu'neje napo injlojwajnas poli jlele ti isis.

Juan 11:24

Marta iyo'ne pet 'ate: —Ijiate nak ts'ajane pi awone ti siukia 'yini janapi pijia'm ka netiejenie'e siojopa jloma ti ja wikie'eyeyi napo 'yajle'n janapits'i pijia'm, ka netiena'a jlaja niwa jlomas.

Juan 5:45

“Ká atejnisieyijna'a jitieyi'i ni Inia' ka yama ka itiajlat'ase'm. Siunie jla'm ijiatayi Moisés, ti jinijijwiyejyin k'iye siupi iyont'iyisipi, janakaye jla'am.

Juan 6:39

Siunie iyo ni i'nio' ti sijliu', je iyotaja ka netiana'a paka ne'yi siunapo yikialk'i, 'najata ta jla'am ka iniujwank'i kisie'e ka intajli niwa a'no'ol siojona jloma yi' jlaja.

Juan 8:47

Siunie ti Sinia' jlas its'iuye ki iyo niwa jlamtis ni Sinia', 'yina siuti je lijts'ase'm, ¿tepa jawo ka k'iuyeyi?”

Hechos 17:31

Kajeyepa ti jla'am ti yitineje k'iye ta'a siojona jloma ti jan'ye'en napo i'nio', jlajma pak ja ke iwonijits'i'ni siuka inetiejenie'e. Kajeyepa ti janjwanjli siunie ja tekiajlaja ti jan'ye'en, ti tijniejieta'a. Naka siunie ti Sinia' iniujwa'n kisie'e ti tajli ni a'no', 'nakayi ti wikie'eyi napo i'nio' ti jan'we'en, ti kiak jawo ti ja ijiatayi.”

Hechos 3:23

Siunie janwo, i'niope pa ja ke ink'iuye. Nak ja tinitiajnatajape jikiowe'e napo i'nio'.”

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

2 Corintios 4:3

Siuti japoye siunapo i'nio' ti ijwi'il ka je 'nakajk'i siunie iyo ti awok samtikie', ajwel'ni jla'm ijiate wek jla'am siunapo ijioyi jana 'najlati ti janetiane ti kia' iyoyisi, kajeyepa ti po' siunie ti ip'io'n ape'e ni jlosik.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

Hebreos 10:25

Ja ke kastasite siunie aniwonaja ti anitotiek'i wita'm, iyo napo ti iliyi ti kiak iniwone, 'wenajliyi ti janijlokk'ijin'ni. Wuj wata'a ti 'es ka iyoki kiaka, 'yina ti a'wena ti je tojwa'a siojona jloma ti Saka'niona janapimet.

Hebreos 12:25

'Yina jak je iyoyiji ti awo'ate, joskiyeyi. Kima'yi ilia'm siunie ti po' ni ijwi'il niwaka. Siupapo i'nio' t'ipi ti je iyoyis lajaye siupa jla'lap pa Sinia' ti to'm ape'e japak tikijnaki t'ipi Sinaí, jiwet'ia po' papok i'nio' t'ipi. 'Yina sajma ijiatayiji siupa ja siwet'ia jawo siuti kiak jayoki ja ke iyok lajaye siunie jla'lap pi tamti ti tom poliyi.

Hebreos 2:3

'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?

Hebreos 4:12

Kajeyepa ti siuniwa Sinia' jlamtis ji'wasankiye po', jla'yi ti jijweye po', siu'neje ti ijiate ti 'yakajla'm ti 'yaka'm ape'e siunie sijnat jitiok ti tijwela ka inkajla'm siunie ti jikiwitawa times, 'yina je ijwietanitia'm ni i'nio' ni jlosik, ti yajma'm yame ni siunie jikiowe, 'yina itijwi'ni ti yikiajli'ni ni jitienkiujnieye, siu'neje ni iyo kawoyi ni jisiak'al ni i'nio'.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.

2 Pedro 3:3

Najnata ka ataj enayi 'ate siu'nie: siuniwa jlomas jane jlaja, jana'am siunapo i'nio' ti jankalakijie'n ti janamti napo ijia, ti jawoyisi siunie jitienkiujnieye jlomas ti je isis,

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.