Juan 12:47 - Sinia' Jlamtis 1994

⁴⁷ “Jlam pet siunie i'nio' ni ipi'yayeta niwa yamtis 'yina je iyo, ja ke yama ka isie'e, kajeyepa ti je nak ka nia'm ape'e, 'wenajliyi pet siunie aname ti ja'mienit ni i'nio'.

Juan 12:47 Iomraidhean Croise

Mateo 18:10

“Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Lucas 19:10

Siunie I'nio' Jlas napok name, siunapo netiajne'n, ti iyo ka injwajiete'n.

Lucas 9:56

Sekyi'i ti yamat'iyis'nijpe ti ijioyis 'niji yi'i puwa ji'wetis t'ipi papo i'nio'.

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Juan 3:17

Sinia' je ijliuye pa Jlas ka insa'a napo i'nio' yi' ape'e 'ni ajnat ti ijliuye t'ipi, 'wenajliyi ti ijliuye ka injwajiete'n.

Juan 5:45

“Ká atejnisieyijna'a jitieyi'i ni Inia' ka yama ka itiajlat'ase'm. Siunie jla'm ijiatayi Moisés, ti jinijijwiyejyin k'iye siupi iyont'iyisipi, janakaye jla'am.

Juan 8:26

Po' siuniwa jayo'nase, jla'yi ti ja'ye'en siunie jiwoyeyi. Ijiatk'i siuniwa jlamtis ni i'nio' sijliu', jla'yi ti lajk'ipa jikiechaye ka ijwi'il, najata jla'am siunie iyo ka ijwi'il, ka ijwijla'm napo i'nio'.

2 Pedro 3:15

'Esiji ka ataj 'enayi 'ate siunie iyo ni Saka'niona ti inilayiti ti its'iujwsajap ka k'iejliyeyi paka iyoki ka sosik itiejenitie, kajeyepa ti iyota ka ijwieye. 'Yina sikiecha Pablo ti kasts'amaja kia'iyo niwaka pajk'i ti ijwilts'e'm, tajle siojona 'najankijnieye ti Sinia' iwijna'm.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.