Juan 12:42 - Sinia' Jlamtis 1994

⁴² 'Wanjliyi, siojopo Judíojos je pini' japo its'iuye ti jla'am, kia'iyojliyi japo i'nio' anechiyasas, yameje ti je 'yakakiuyis ja Jesús. 'Yina je iyo'ni ka intanisi'ni ti kia'iyo, lapawo ti je ijwiye japo Fariséojos kajeyepa ka 'nijieyisi sek intajlata'a ka totiek'i kisie'e yi'i jawa 'najla'wetis.

Juan 12:42 Iomraidhean Croise

Mateo 10:32

“Siuti japoye ni jawo'ate, ti janijwejla'm napo i'nio', “Ya'am ti akk'i pet ni Jesús”, ijiate kiak jayo'ojyi pet ti jajwijla'm ni Inia' ti yi' poliyi, ti jayo'ate, “Ijiate nak sa'yi pet”.

Lucas 12:8

“Jajwi'lase'm ti japoye ni janijwejla'm napo i'nio' ti jawo'ate, “Nak akk'i pet ni I'nio' Jlas”, kiak janwo'ojyi pet ni I'nio' Jlas, janjwejla'm napo Sinia' jijliujwajnas poli jlele, kanwoyena'a 'ate, “Ijiate 'nak tal pet siwa'm.”

Lucas 23:13

Pilato tanat'iyits'ipi papo pa'yijis jika anechiyasas ti initotk'i wita'm, siu'neje papo anechiyasas t'ipi 'neje, wikie'eyi 'neje papo i'nio'.

Lucas 6:22

“Sinia' wuj ti imp'elisina ti asa'am, siunapo i'nio' ti ne'wa'ase'm, siuti ja inokiosats'i kisie'e, siu'neje ti inlakiye, siu'neje ti ja ke iwo asjaye, siunie jiwoyeyi ti jikinieyi ni iyo ni I'nio' Jlas.

Juan 11:45

Siojopo Judíojos ti ijioyisi jlaja María ti yapisi, ti i'winis siukia Jesús iyo it'imina'ne ti 'loj siojopo je 'yakakiuyisie.

Juan 12:11

Kajeyepa ti jla'am ti it'imina japo Judíojos ti iliyi ti its'iuye japok i'nio', ti je ikakiuyisi ja Jesús.

Juan 16:2

Awojlitieje ti japoye jana jloma ti ja ijnotiejak'i kisie'e ti ja intajlajayi kiajwe niwa 'najla'wetis. Ja'wena'ajyi ti japoye siojona jloma ti japoye napo ti asama ti ja tilianaja'm, siupapo janlanajyi'n janjwelis ka pakaye Sinia' ka inoyeje siupi iyo.

Juan 19:38

Pope ja i'nio' jle' iyo'ate José, Arimatea jlele, yamk'ijin'ni ja Jesús, 'yina inijweki kajeyepa ti je ijwiye japo Judíojos siojopo anechiyasas. Ijioyi'ni ja Pilato ti iyo'ate: —Ke enk'i'm ka yiki ki t'ajwes masa ki Jesús. Pilato iyo'ne 'ate: —Ijiatp'ane, mayi. 'Yina José yami'ni, sekyi'i ti yamayi.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 7:13

Lapakawo ti je ijwiyisie japo jika anechiyasas, it'imina'ne ti inijwekisi ti jitiej ijiutisie.

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 9:22

Siuti ji'lij kiak iyone japok jiniewot jak i'nio' lapakawo ti je ijwiye japo Judíojos, kajeyepa ti pajk'i ti inipe'yayis ti iyoyits'i 'ate, “I'nio' ni janwo'ate Jesús nak Injwajietiwo ti Sinia' jijliujwanik, nak ja tijliukiepe”.

Juan 9:34

Sekyi'i kat'ajayi ti jwesis, iyonisi'ne 'ate jak i'nio': —Jlam'ne ki iyo ti k'iejli impoye, ake' tipoyi awa'm. ¿Jijwelt'e ka kasts'eyasajne'n? Yiyisik'i wekie'e ti kia'iyo, sekyi'i ti tijliukie.

Hechos 5:41

yamat'i'nijpe ti tajlisie papo anechiyasas, wuj ti inkase'n kajeyepa ti Sinia' yina'ate ka kiak tiwonaja ti tiliakik, 'yaka Jesús jle' ti it'imina.

Romanos 10:10

Kajeyepa ti jayini'ni isiowe'e siunie awoyi ti je akakiu, siuti awo ka Sinia' silisajne'n. Sek jane'yi ti jayoyi pet yamtikie' siunie ti je akakiu, 'nakayi ti jajwie'.

1 Jn 4:15

I'nio' ni iyo'ate, ti je 'yakakiu, “Jesús jla'am ti Sinia' jlas”, nak i'nio' yiji pi Sinia'. Sinia' kia'iyoyeyi pit yiyeje pi i'nio'.

1 Jn 4:2

Je int'ayiji'n siunie yiyi janak Sinia' jikimet, naka ni i'nio' ti je 'yakakiu pi Sijwajieti Jesús, ti iyo'ate: “Jesús jlam ti Injwajietiwo ti tajle pi Sinia', ti iniwojwa'n i'nioye, ti 'nest'ipi ajnat'e”.