Juan 12:32 - Sinia' Jlamtis 1994

³² Siuti jasena pijia'm, sekjane'yi ti jayama ya'am ti jatiojne'n wikie'eyi napo i'nio'.

Juan 12:32 Iomraidhean Croise

Juan 1:7

Ijwi'il siunie iyo ti i'wi'in janaka kates. Ti ijwijla'm napo i'nio' janaka kates ti i'wi'in, 'nakayi ti ja wikie'eyeyi ti ja ke inkakiuyis.

Juan 12:34

'Yina iyo'ne pet 'ate japo i'nio' ti isiujlie: —Siuniwa inamtis t'ipi niwak it'imina ti kasts'ajane pi awonaja ni Injwajieti ti Sinia' jijliujwanik ti ja ke paja ka netia'n. ¿Yot'iyi'ni ti jijwe'el pi I'nio' Jlas ja tena pijia'm? ¿Tent'i pak I'nio' Jlas, siupi jijwel'ni?

Juan 18:32

'Yina sekyi'i'ne ti yiye kisie'e siukia iyopi jla'am ja Jesús ti inijwe'el, siupi janwo ti ja tiliana.

Juan 19:17

Jesús titilkinaja'ne jlaja jika cruz, ti tikiniejayi. Paj ti yiyeyi siojo ajnat jle' iyo'ate Ijnetik Jleli 'Wet, siunapo Hebréojos iyonisi 'ate Gólgota.

Juan 3:14

Iyoye'ate pi Moisés t'ipi ti yin pijia'm pi injla yi'i pi ajnat laj i'nioye'e, kiak janwo'ni pet ni I'nio' Jlas siunie ja tiwonaja ti ja tena pijia'm.

Juan 6:44

Lajk'ipa i'nioye ka 'najane paka inwone ka ijnok'i, siuti ja ke jlama ni Inia' ka inamijk'i ka ne'yi pa. Sekjane'yi ka yamana'a pet ka iniujwank'i kisie'e siojona jloma yi' jlaja, ti jantajli niwa a'no'ol.

Juan 8:28

It'imina'ne ti iyo'ate: —Ijiatjliyijna'a ka tenata pijia'm ni I'nio' Jlas, jiwekie'ejana'a ka intant'iejayi ti jla'am siunie ti iyo'ate “ya'am”, jla'yi ti ja intant'iejayi ti je awo ka iyo ka itiajlatk'i siunie awo. Je'e, 'wenajliyi siunie Inia' ts'eyasane ti ajwel pet.

Gálatas 3:13

'Yina Sijwajieti ijiut ts'iji siunie siliaye ti atajlajaja ni inka'neyasajnaye t'ipi, kajeyepa ti iniwojwa'n jilianikie' ni siunie siwet'ia iyo, ti iyo ka kasjwajiet. Siuti iyo'neje 'ate niwa Sinia' jlamtis, “Sinia' jiwet'ia jane'ne siupi i'nio' ti ja tena'a pijia'm japa a'la'.”

1 Timoteo 2:6

Siupi iyot'iyipi papo Sinia' jikawos ti ijwilis, 'wena je ijiojwap'e siupi iyo ti yiyeyi, ti iniwe'n ape'e wikie'eyi napo i'nio' kanjwajiete'n.

Hebreos 2:9

Jlam pet pi Jesús a'wena ni siunie Sinia' iyone ti jwajla'a ti ijliasat isia'm, jak je iyoyiji siunapo injlojwajnas poli jlele t'ana wat ape'e. 'Yina ts'ijiye initojmat jla'm ape'e napo i'nio' ti ijioyi ni jiliaye. Ka lajk'i na jikap'ijliuskiye ti yints'e'm, nak it'imina ti 'ya'al pa Jesús. Jak je iyoyiji siuti kiak iyoyi ki inilayiti, sekyi'i Sinia' yin'ne ape'e siunie jiwunitieyi siu'neje ti iyojwa'n anechiyasa'.

1 Pedro 2:24

Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.