Juan 12:27 - Sinia' Jlamtis 1994

²⁷ —“¡Wuj ti ijliak'ali po' 'nakayi! ¿Tepat'e jayo? ¿Jot'e kayo'ate, “Inia', sijwajiete ni janwo ni iwit'iaye”? ¡Ajwel'ni ja jeye, lapakawo ti 'nak it'imina ti ana'am!

Juan 12:27 Iomraidhean Croise

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 11:26

Ijiate, Inia', kajeyepa ti nak jiwojonk'iye ka awoyi.

Mateo 26:42

Sekyi'i ti yama'aja ti iyo t'ajlayeja', jakayi ti timesieyiji ti yam'ni. Iyo t'ajlayeja' ti iyo'ate: —Inia', siuti kia'iyo ja lajak'iyi paka iniwone ka ijwieji 'na iliaye ti jats'a'al, 'yina kia'iyo lapakawo ka 'esieyijina'a ka ama ti jantaj'la.

Mateo 26:45

Iliyi ti iyo t'ajlayeja', yapilie'eje ts'e yi'i japo t'eyasajnas, sekyi'i iyone'ne 'ate: —¿Mam pa kawoyeyi, jikiniejlip'ane ti jimayets'iji'n, jla'yi ti jlajapats'iji'n? 'Yejne'n, yiyi siojona jika jloma ti siunie I'nio' Jlas ja tekiajla kiojia'm napok siunapo i'nio' inkeyis jiliajnis.

Lucas 22:44

'Yina ti je jlase' pi iyo pi jijliak'ali, Jesús kat'ajat'iyijpe pet ti ini'net ti iyo t'ajlayeja'. Jlam'ne pa jikiuni ti yi' ajnat'e iyo'ate ni 'woyis, ti ton'ni ti isieje.]

Lucas 22:53

Jlomasatak'i ti a'ni ts'e jla'a 'najla'wet, tiwet'iana ka akienak'i'm. Lapakawo ti aska jloma'yasa'm, kajeyepa yiyi ni jijweye na ajnatiok.

Juan 11:41

Ijiutieyis ts'iji siujlieja sisaj tip'onajaja'm ja t'o' yi'i. Sekyi'i Jesús i'yena poliyi, iyo'ne 'ate: —Inia', ka ijiatayijia'm ti jik'iuk'i.

Juan 12:23

'Yina Jesús iyo'ne 'ate ti isiujlie japo takajwejlane: —Yiyi siujlie'e jloma ti tenat'ijyipi ni I'nio' Jlas ti jijweye ja tiwenaja'm.

Juan 13:21

Jlampa yiyeyik'i ti tamti, sekyi'i ja Jesús iyoyeyi siukia iyo ti iliate siukia iyo ti wuj ti jijliak'ali po', sekyi'i ti yinayi ape'e ti 'yakajanitiek'iyi, ti iyo'ate: —Ijiatk'i siunie jayo, ti ijwienjli ni siunie ti asa'am ja siwe'en.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

Hebreos 2:14

Siuti kia'iyo ti si'niayi ijwienjliyik'i, 'yina Jesús kiak iniwone pet 'ate iyo awoki ti sa'am ti i'niolts'e'm. Jak je iyoyiji 'yuye'e, 'esieyiji ti 'ya'al, jak je iyo siojokia t'ajlati iyo itiete'ne isia'am ki imosik. Sekyi'i initiajnati siukia jijweye iyo, ti isiene'ni napo i'nio' ti iliajne'n.

Hebreos 5:7

Ti Sijwajieti yi'i 'ni ajnat ti iyo t'ajlayeja', 'yakets'ijiap siu'neje ti jitiett'e' itiojnate'n ti inip'elisine pa Jinia' ti jla'am ti jijweye po', ka injwajiete siupa jiliaye. 'Yina siuti Jinia' i'wi'in ti inijlasat isia'm sekyi'i it'imina ti its'iuyi ni t'ajlaye.