Juan 12:25 - Sinia' Jlamtis 1994

²⁵ I'nio' ni 'namaja jana ji'wasankiye, nak janetiajnat, jlam pet ni i'nio' ni ne'waja ni ji'wasankiye ape'e siu'nie ajnat, nak po ta'a pet siojona ji'wasankiye laj jlaja ti yiyi.

Juan 12:25 Iomraidhean Croise

Mateo 10:39

I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.

Mateo 16:25

Kajeyepa siunie i'nio' je iyo ka jiwet'ia poye, nak janetia'n. Jlampet siunie ja ijiatayi ja ke inleyi ti janajmin'ni ijyik'i, nak jan'we'n pet jana ji'wasankiye.

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Marcos 8:35

Kajeyepa ti siunie janite'en ka kiak tiwonaja ni siunie inilayiti, nak janjla'an pet. Jlam pet siunie ja ke initejna'm ni jiliaye jawoyi, 'yina ti lapakawo ti ya'am ti ijiate ti jat'imina ti iyoyi siunie 'es kawoyi, siu'neje ni inka'niye ti 'es, nak janjwa'a pet.

Lucas 14:26

—I'nio' ni jajnok'i ja ke inkajli ka iyo 'yiyasanikie' siuti jlemijnaye ja ke inka'm ape'e napo jiniewot iyone ti yimi'n, ti ja semi'n pet. Iyone ti yimi'n jana jik'iemjla, siunapo jilis, siunapo ji'niayi ijwienjliyi, ayinie ni'ne ti janaka asejnia, jla'yi ti jla'am siunie iyo ti ininemi'n.

Lucas 17:33

Jajwi'lase'm ti siunie i'nio' ti ja initejna'm ni jiliaye, nak janetia'n. Jlampet siunie i'nio' ti ja ke initejna'm, ja nakaye'e pet ni janjwa'.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 21:13

Isiults'em'ne ti iyo'ate: —¿Yot'iyi'ni ti jlapajyi'n, jla'yi ti je inkasajyi'n? Pajk'i ta'a ti aniwakajlanit ti ja inilayiti siunie jayo ka yita Jerusalenne, 'wanjliyi ka kia'iyo ka silie'nitie ni'ne ka siliana, 'yina 'esijyi ti naka ti jant'emink'i ni Saka'niona Jesús ti akk'i.

Hebreos 11:35

'Yina pot'i 'nejepe papo asejnia ti tekiajla jikiojia'm papo ji'wet jlele, siuti kia'iyo 'yalt'ijimpe kajeyepa ti yapits'i pijia'm. Ijia siupapo inine'nate k'iye siupapo ti yejesk'i'ni, 'yina je inikakiuyi siupa titiajlataja ti tilianaja'n, lapakawo ti iyo ka napits'i pijia'm ti jlajma ijiatayi jla'am ti ja 'esie siojona ji'wasankiyeja'.

Apocalipsis 12:11

Sa'm ijia itiete isia'm, ka lajak'i ni ji'woyis naka 'wolepo 'woma ti tisa'ni, siu'neje ni inka'niye ti 'es ti tajle ni Sinia' ti ijwilisi pijia'm. 'Yina ka kia'iwo ka ijnots'ina jana 'najlati, 'wenajliyi jla'am ti inite'em ta'a k'iye naka.