Juan 12:1 - Sinia' Jlamtis 1994

¹ Jlomas ijwienjli sikio' itij'we ijwienjli tom'niji puwa netia'n kaneyi siujlieja inlakijnieye Pascua, Jesús ya'am ti ijioyi siujlieja isi' Betania, ji'wet yi'i ja Lázaro, siojo Jesús ijwiejiet, ti yikial pijia'm ti 'yalta.

Juan 12:1 Iomraidhean Croise

Mateo 21:17

Jesús ti tajlayi japoka, yam'ne ti teje 'nijiye yi'i jlaja isi' jle' iyo'ate Betania. Sek ijio'wejen'ne.

Marcos 11:11

Yamaja'm jlaja Jerusalén ja Jesús, 'yina yamite jlajak 'najla'wet wuj. Itimeje ti yikiajli'ni ti jla'm iyo ka'we'en. Sekyi'i ti yama ti yapi 'niji yi'i jlaja Betania, ti jla'yis japo t'eyasajnas itijwa'm sikioye times tom'niji, lapakawo ti no'otieyi pakayik'i.

Lucas 24:50

Jesús yamat'iyijpe japo t'eyasajnas, ti ijioyi kisie'e ti tajla'm jlaja isi', je tojwape'n jlaja Betania siojo ijioyi'i. Yiyisi siojo ijioyits'i, Jesús jikioye t'ipa ijieyet'ik'ipe pijia'm, ti iwijna'm pa 'es japo t'eyasajnas.

Lucas 7:37

'Yina sekt'ipa yiye'epe siojopa asejnia, ti je inilesanijiyi ti iyoyi pi jike', seka'a yi'i japak isi'. T'ijieyi wekie'e pa Jesús ti yi' wet'e pak Fariseo, ti isijwane ti ti'yekiujni'n, yamat'ipi ti ijioyi, itiu'un siupa a'la' jlets'i ti jini inkajk'i, jiwe japa sisamak.

Juan 11:1

Pope ja i'nio' jle' iyo'ate Lázaro, isi' siujlieja Betania jlajak ji'wetis, siojopo jikitiawot María siu'neje jlaja Marta.

Juan 11:43

Yiyik'i wekie siukia iyo ti tamti, iyo'ne 'ate ka kia'iwo ka lakiyi'i: —¡Lázaro, no kisie'e!

Juan 11:44

Kiaka i'nio masa iniuye kisie'e, 'wanjliyi'i siukiwa tilie'nitiejek'i kiwa jikioye, siu'neje kiwa tits'ijwanak'i kiwa jisietis, kia'iyojliyi siukia jitiokio' siukia lotakinie tip'onaja'a. Sekyi'i Jesús ijliuye japo ti iyo'ate: —Lanajyits'i siuniwa tilie'nitiejek'i, ena'yate ka nek.

Juan 11:55

Jlampa je tojwa'a siojokia jiliakijnieye japo Judíojos Pascua 'loj japo i'nio' tajlits'i jawa ajnatis ijioyisi yi'i jlaja Jerusalén. Jike' iyonisiji'ni ti yiyetaja, ti inilej siupi iyo pi jike', ti iyoyis jitienkiujnieye ink'iejyisa'.

Juan 12:12

Je pini' japo i'nio' ijioyisi siojokia inlakijnieye Pascua ti yi' Jerusalenne. Siukia ti jlomaye'eje Jesús yi' ape'e ja malekiatiok jlas ti teje 'niji yi'i jlajak isi'. 'Yina siojopo i'winaja siukia iyone ja Lázaro, ti tane ti iniujwa'n kisie'e ti tajla'm ja a'no'. Japok iyo jika'niyejayi pet japok sekyi'i, siukia iyone ja Lázaro ti yikial pijia'm. It'imina'ne japo i'nio' ti t'ijieyeyisi ti Jesús sek jano'we, iniakasajats'i jawa wisiuk ji'wole, ti yamayis ilia'm, sekyi'i'ne ti tanisi ape'e, ti iyo'ate: —¡Inwunitieye tena'a pi Sinia'! ¡'Esiji ka Saka'niona inlesa'n, jla'am ti ji'lij iwijna'm Sinia' janoyeje, ti jlam ti Israel jika anechiyas! Iyo niwa inamtis t'ipi, ti iyo'ate: “Sion jlele, jweyetajyits'i. 'Yena' ilia'm ni aska anechiyas, 'nes yi' ape'e ni malekiatiok jlas.” Ti 'nelanjie'e t'eyasajnas je itijnisisk'i siukia iyo. 'Yina ijiatjliyi jla'am ti yiyeyi siojokia jloma ti Sinia' yikiajle pi jijweye, jiwekie'aja ti jitiej wujwisk'i siukia iyoyi, siuniwa inamtis t'ipi ti ijwi'il jla'am. Jlam'ne pet japo Fariséojos, ti i'winayis ti kia'iyo, iyoyis'ne 'ate, ti jitiej ijiutisie: —¡'Wanjliyi, lajk'iyipa kayoki! ¡'Ye'en napo i'nio' ti 'yakapajlisk'i!

Juan 12:20

'Nak nojwaja'm siojopo i'nio' je Judíojos yiji japo i'nio', ti je pini', ti ijioyisi jlaja inlakijnieye Pascua yi' Jerusalenne.

Juan 12:9

Siojopo Judíojos ti t'ijieyeyijpe ja Jesús ti yi'i Betániaja, 'yina siuti 'loj yamayis'ni ti ijioyisi jlajak isi'. 'Yina je jakata inta ti iyo kan'wenis ja Jesús, ijwienisieja'm ti iyo kan'wenis ja Lázaro siojo ti yapi pijia'm ti tajla'm ja a'no'.