Juan 11:55 - Sinia' Jlamtis 1994

⁵⁵ Jlampa je tojwa'a siojokia jiliakijnieye japo Judíojos Pascua 'loj japo i'nio' tajlits'i jawa ajnatis ijioyisi yi'i jlaja Jerusalén. Jike' iyonisiji'ni ti yiyetaja, ti inilej siupi iyo pi jike', ti iyoyis jitienkiujnieye ink'iejyisa'.

Juan 11:55 Iomraidhean Croise

Mateo 26:1

Jlampa itimayi siukia iyo ti takamtijnie'n, sekyi'i Jesús iyonayi 'ate japo t'eyasajnas ti ijwijla'm:

Mateo 26:2

—Mejla'ala ka je 'najanayi paka awonayi, ti siojona Judíojos jiliakijnieye Pascua times jiwek niwa jlomas netia'n ka ineyena'a isia'm. 'Yina janak siojona jloma ti ja tekiajla ni I'nio' Jlas, ti ja tik'iejwata'a pijia'm jana cruz.

Marcos 14:1

Jlomas times puwa tomk'iye ka ineyi siojopa jiliakijnieye papo Judíojos jle' iyo'ate Pascua, japak siojopa jloma ti itiuwis puwa woyejes laj jijlinkitajets'i. Siojopo pa'yijis jika anechiyasas, siu'neje japo taka'neyasane pet pi Moisés jika'neyasajnaye, jakayipe ti iyoyeyisijyi'n paka iwonisi ja Jesús ka k'iejliyeyi paka jlam intajlatisie wek jlam'ne je ijiatk'i, ti iyo ka inkimits'i ti janlanis.

Lucas 22:1

Jlomas 'nak nojwaja'm puwa netia'n ka ne'yi isia'm siojopa Judíojos jiliakijnieye ti titiuwajata puwa woyejes laj jijlinkitajets'i, ka yot'e jla'mate inlakijnieye jle' iyo'ate Pascua.

Juan 12:1

Jlomas ijwienjli sikio' itij'we ijwienjli tom'niji puwa netia'n kaneyi siujlieja inlakijnieye Pascua, Jesús ya'am ti ijioyi siujlieja isi' Betania, ji'wet yi'i ja Lázaro, siojo Jesús ijwiejiet, ti yikial pijia'm ti 'yalta.

Juan 13:1

Jlampa ijwienjliye jakia jloma tomk'iye ka neyi siojokia inlakijnieye Pascua, Jesús pajk'i ta'a ti 'yijene pi iyone ti yiyi japak jloma ti janek ti jantaj'le 'ni ajnat, ti jani'wene pi Jinia' poliyi. Jesús yamjliyi ti 'namaja japok, siojopo tijna'yi pet, yi' ajnat'e, tajlap'e ti 'nelanjie'e, paj ti yiyeyi pi jlaj yi'i.

Juan 18:28

Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Juan 2:13

Ti majleyeyi ka neyi siojokia jloma siunapo Judíojos jiliakijnieye, Jesús yam'ne ti ijioyi siujlieja ajnat jle' iyo'ate Jerusalén.

Juan 2:6

Ijwienjli sikio' itij'we ijwienjli tom'niji jawa inatiwa sisaj sekyi'i, siunapo Judíojos i'niat isiayisiamk'i'ni ti inilejes iyo siunie jike'. Cincuenta lítrojos pi ijniujli ti i'niat tisiayek'iji'n, iyot'iyi jawa setenta pi ijniujli.

Juan 5:1

Yi'i 'neje jakia jloma ti paja, Jesús yapilie'eje Jerusalenne, ijyiwite siojokia jloma ti Judíojos iyo jiliakijnieyeja'.

Juan 6:4

Jlampa je tojwa'a siojokia jloma jiliakijnieye napo Judíojos jle' iyo'ate Pascua.

Hechos 21:24

Napok ja a'yisa', janilesaniji iyot'iyipi pa Sinia' ka tiwoki, kat'inna ape'e ka tiwoki jika awusiesa', jankajanit ti jlam je iyoyisi ti po' siunie iyoyisi, ti inipe'yayisi pa Sinia'. Ja'nakayeyijna'a ti ja ti'wena ti je ijiatk'i siunie tiwona'a, ti injwela ka je awoyi siunie ni inka'neyasajnaye.

Hechos 21:26

Pablo yamk'i'ne siojopo i'nio' ijniujlits'i, siukia ti jlomaye'eje iyoyeyi siukia iniwone ti ini'notatiji, kia'iyojliyi siojopo i'nio' ijniujlits'i. Sekyi'i ti yama'ni ti ijioyisi jlaja 'najla'wet, ti ijwile ja pa'yi siupa jloma ininejni siupapo i'nio' siupa iniwonisi, ti iyoyis ji'wajieta' jitipe'e ti yikiajle pa Sinia'.

1 Corintios 11:28

Jak je iyoyiji ti kiak awo'nase ti awo'ate, siuti je kimajliyi'iji siojona woye siu'neje ni at'es, najnat ka 'esieyiji ka wujwa ka 'yena siunie astankiujnieye.

Santiago 4:8

Jlasayi ni Sinia'; kiak jawo ja ke intonitie siuti kiak janiwonayi. ¡Leyets'i ni jiniwonayi asa'am ti inkeyis jiliajna'ase'm! ¡'Nalkita ni asosik ti 'es, asam ti jiwoyeyi ka emina' ni Sinia' jlam'ne ni jiwoyeyi ti inteliajayi ka woyeyi niwa wask'i'nelaja yi'i 'ni ajnat!