Juan 11:5 - Sinia' Jlamtis 1994

⁵ Jesús wuj ti 'namaja japo Marta siu'neje jlaja ji'yijnia, Lázaro kiak iyojliyi.

Juan 11:5 Iomraidhean Croise

Lucas 10:38

Sekyi'i pa Jesús yamat'ijyi ti iniuk'i puwa isi'il, yiyet'iyipi siupa yi'i siujlieja asejnia jle' iyo'ate Marta. Jlajak wuj ti 'es ti isi'm ilia'm.

Lucas 10:40

'Yina Marta ti je itime'ni siupa isima ji'wet'e, yamat'ipi ti ijioyi pa Jesús ti i'yase'n, ti iyo'ate: —'Yaka'niona, ¿jet'i si'we'en ti siujlieja i'niayi ijwienjliyi sijwankitayi 'ni akima? Jloye wata'a ka inoyijk'i'm.

Lucas 10:41

Jesús isiujlie ti iyo'ate: —Marta, Marta, wuj ti jiwo ajlak'aliye siuniwa wask'i'nelaja.

Juan 11:1

Pope ja i'nio' jle' iyo'ate Lázaro, isi' siujlieja Betania jlajak ji'wetis, siojopo jikitiawot María siu'neje jlaja Marta.

Juan 11:3

'Yina ja Lázaro ti je 'es, sekyi'i japo jikitiawot takajlunieyi ja Jesús ka toki, ka tiwonaja 'ate: —'Yaka'niona, 'ajajnajwa ja je 'esi.

Juan 11:36

Siojopo Judíojos ti i'wina ti yap'ni, sekyi'i iyoyis'ne 'ate: —¡'Yenayi'n pet, ijiat ti yimint'eyi!

Juan 11:6

Ijiate Jesús t'ijieyetaja ja Lázaro ti je 'es 'yina times puwa jlomas ti 'wanjleje'n yi'i siojo yi'i.

Juan 11:8

Isiujlisie'ne pet ti iyo'ate: —'Yaka'neyasajnawo, jeye pajk'i japo Judíojos ti iyotaja ka inlanis, ti sisajas iyo ka inkie'na. ¿Yot'iyi'ni ti jiwo ka apili?

Juan 16:27

'yaka jlam jla'am ni Inia' ti 'nama'ase. Tepa jawo ka kiak je iwo ti asam pet ti i'namajak'i, jla'yi ti je sakakiuye ti ya'am ti atajle ni Sinia'.

Juan 17:26

Yampe ti awo ika'niyejayiji, it'imina ti itiant'ie'a, 'yina ja ke iliyi ti awo ka intant'ie'a. 'Nakayeyijna'a siunie emijnaye ti jlenk'i'm janejyi pet niwa jikiojwa'l, siuti ya'am kiak jawo'ojyi ja yiji.”