Juan 11:25 - Sinia' Jlamtis 1994

²⁵ Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 11:25 Iomraidhean Croise

Lucas 23:43

Jesús isiujlie ti iyo'ate: —Ijiatk'i siu'nie jayo'naja ti siu'nie jloma je ijiat ka je a'ijiap ka yitana'a ji'wete siupa 'es pa Inia'.

Juan 1:4

Naka'ne ni siunie in'wasankiye tajle; janaka'ne siojona 'esi' napo i'nio' iyoyisi jika katesa'.

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 5:21

Iyoye'ate ni Jinia' ti i'nisatk'i pijia'm napo 'yajle'n, 'yina kiak iyo'ni pet ni Jlas, iwijna'm napo iyo kanwejna'm jana ji'wasankiye.

Juan 5:26

Iyoye pet 'ate ni Jinia' ti tajle jana in'wasankiye, kiak iyo'ni pet ni Jlas ti pajk'i ti yikiajle ni jijweye ka inwejna'm napo i'nio' jana ji'wasankiye.

Juan 6:35

Jesús iyo'ne 'ate: —Yam woyek'i'm ti iyo in'wasankiyeja'. I'nio' ni jajnok'i, nak ja ke pajana'a ka inel'lia, jla'yi ni i'nio' ni ja ke sakakiu, kiak iyojliyi ja ke pajana'a ka inki'im.

Juan 6:44

Lajk'ipa i'nioye ka 'najane paka inwone ka ijnok'i, siuti ja ke jlama ni Inia' ka inamijk'i ka ne'yi pa. Sekjane'yi ka yamana'a pet ka iniujwank'i kisie'e siojona jloma yi' jlaja, ti jantajli niwa a'no'ol.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Romanos 4:17

iyo niwa inamtis ti iyo'ate, “Jayoyi jiniaye'a'm siunapo i'nio' ti je pini' yiyits'i niwa ajnatis.” 'Yina naka Sinia' ti Abraham je 'yakakiu, siunie ti i'wiesankiti'n napo i'nio mases, jla'yi ti 'yakajanit niwak wask'i'nelaja ti je yi kisie'e.

Romanos 8:2

Kajeyepa ti siojona Sinia' jikimet, ti jikijmaye ti iyo si'wasankiyejayi siupa ti iyot'iyipi pa Sijwajieti Jesús, kasjwajiete siunie jikijmaye iyo ni inke', siu'neje ni inlaye.

1 Corintios 15:18

Siuti kiak jiwoyeyi, siupapo 'yalt'ijyimpe ti kia'iyo je 'yakakiuyis pi Sijwajieti, 'yajle'n ti 'yajlene.

1 Corintios 15:29

Po 'neje siunie jikiecha ti jajwi'il. ¿Tepi iyo siunapo ti ininajie'n ape'e napo 'yajle'n, tent'i siupa ijwi'il ka 'esieyi ti kiak iniwonisi? Siuti ja ke inok'i kisie'e papoka 'yajle'n, ¿yot'iyi'ni ti ininajiejne'n ape'e siupapo 'yajle'n?

2 Corintios 4:14

Kajeyepa ti kasts'ajane pa awonaja ti paka Sinia' ti iniujwa'n kisie'e pi Jesús ti itiajlajni pi a'no', sek jane'yi ti si'niayi injwanjliyena'a ti ja kassokiji pa Sijwajieti.

Filipenses 1:23

Kajeyepa ti timesi siuniwa yik'i. 'Yina ti a'ye'en, siut'itie ka kiak iyo ka iyik ka iyijap pa Sijwajieti, nak wuj ti 'es.

Filipenses 3:10

Siunie awojonk'iye ka iyo, ka ijiatayiji ka sitiant'ieje pa Sijwajieti; jla'yi ti anik'iutieje ka into'm iwia'm ka inejyi 'ni isiowe paka jijweye ti iniujwa'n kisie'e jla'am ti tajle pa a'no'; jla'yi ti awotajank'iye ka ini'we'en ka 'naka ka iliaye janoyi wita'm; siunie jiliaye iyo ti wuj ti a'tiek'i, ka iyoyena'a 'ate iyo ti 'ya'al.

1 Tesalonicenses 4:14

Iyo'ate ti je akakiunieje pa Jesús ti ijiate ti 'ya'al jla'yi ti iniu kisie'e ti tajli pi a'no', Sinia' janeki napoka ti pajk'i ti 'yajle'n ti je 'yakakiu ni Jesús jla'yi ti janojwa'n kisie'e ni jantajli ni a'no'.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.

Apocalipsis 20:5

Naka ni siunie inia'an ti 'nelanjie'e iniuk'i kisie'e napo ti tajli ni a'no'. Jlampet siunapo ijia je 'wejts'ik'iyi pet ka inapits'i pijia'm jajnok'i'ni paj ka ineyek'ina'a wek siuniwa mil najkapis.

Apocalipsis 21:4

Sekyi'i jitiet t'e' ja lejak'ina'a k'iye, siojona 'najlati ja lajak'i japa, siunie injlak'ali kia'iyojliyi. Siu'niwa inajlas ti tapaja'n, siu'neje ni ti tinilayitieje, siu'neje na a'tiejiek'i. Ja lajak'i, lapakawo ti netia'n siuniwa ti k'iejliyi ti kia'iyo ti po', 'yaka no'we.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:17

Siojona Sinia' jikimet ti 'es, siu'neje napo Sinia' jilis ti ti'yenajap japa i'nioki ti janeyi siunie 'wolepo 'woma, iyoyits'i 'ate: —¡Jomet! Siunie jampe'ya, ka kiak iwoyenie'e pet 'ate: —¡Jomet! Siunie ti janki'im, ka inamayinie'e siunie i'niat ti i'wasankiye, sekjane'yi ka i'yayejenie'e, 'yina ja ke tiwok lajaye.