Juan 11:11 - Sinia' Jlamtis 1994

¹¹ Jesús yine'ne ape'e ti iyo'ate: —Siupa ts'ajajnajwa Lázaro imia'a, 'yina siuti jayik ka 'yujwata'nina'a.

Juan 11:11 Iomraidhean Croise

Mateo 9:24

Iyoni'ne 'ate: —¡Tajlayi, maye'ni! Je 'ya'al jana jlosie, imia'a. Siojopo i'nio' ti ipi'yayis ti kia'iyo ja Jesús, iliakiyis'ni'ne.

Marcos 5:39

'Yuyeyi papo i'nio' yi 'wuk kiajwe, sekyi'i iyone'ne 'ate: —¿Yot'iyi'ni ti inwojoyeyija'm, ti jlajwiyets'iji'n? Jlam'ne je 'ya'al jana jlosie, najata wek jla'am imia'a.

Juan 11:10

Jlam pet ni i'nio' ti t'iskiujnijyi'ni ni ajnaj, ijiate tepa janwo ka je int'opi'ni isia'm, 'yaka siojona kates lajk'ipa kanejyi.

Juan 11:12

T'eyasajnas isiujlie ti iyo'ate: —'Yaka'niona, siuti jijwel imia'a, ent'a ja 'esie.

Juan 11:13

Jlam'ne Jesús ijwi'il ti Lázaro 'ya'al. Siojopo t'eyasajnas ijwilta ka nakaye ti ijiate ti ijnieti.

Juan 11:3

'Yina ja Lázaro ti je 'es, sekyi'i japo jikitiawot takajlunieyi ja Jesús ka toki, ka tiwonaja 'ate: —'Yaka'niona, 'ajajnajwa ja je 'esi.

Juan 3:29

'Yejne'n, ataj enayi 'ate ti po' ni janjwa'yi, siunie ti asejnia jana janeyi ti yijap, je int'ayeyiji'n pet ti naka siunie tijwa'yi. 'Yina po 'neje siunie t'ajajnajwa ti yijap, its'iuye'ni, je jlase' pi iyo ti inkaj'ni ti ipi'ya siupi iyo ti tamti. 'Yina kia'awo'ni pet, siu'nie inikanitiejeye lajayi'ni ji'wetayi.

Hechos 7:60

Sekyi'i ti t'akosjlete'l itiyeyiji'n, 'yakets'ijiap ti iyo'ate: —'Yaka'niona, ká atajlatajna'a siunie iyo ni jike'. Yiyik'i ti kia'iyo, sekyi'i ti 'yala.

1 Corintios 15:18

Siuti kiak jiwoyeyi, siupapo 'yalt'ijyimpe ti kia'iyo je 'yakakiuyis pi Sijwajieti, 'yajle'n ti 'yajlene.

1 Corintios 15:34

Apilieyi siunie jiwonayi ni asosik ti 'es, 'yina leyets'i siunie asoski'la, kajeyepa ti pot'e siupa ti asa'am ti je itiant'iejeje pa Sinia'. I'lij kiak ke iyone pa ti awojonk'iye ka 'yajwejlanatak'iji wita'm.

1 Corintios 15:51

'Yina 'yena siunie Sinia' je 'yakajanitk'i ti 'yakajanitk'i'm ya'am: awo'ate, ja ke kaswikie'eyi ti jaliki 'ni ajnat. Jawo'ate iyo ni i'nio' ti i'wisi'n niwa jitiase', ti je 'yakaja pi iyo ti i'wisi'n, ka jla'm iyokiena wek 'ate siupi ja kask'iejliyi ti ja ke iyok'iate siupa paj ts'isie'n. Pakayi ti ja pesiejayi siojopa 'woso' trompeta ti japakatajayiji ti ja pesiejayi. Sekjane'yi ka inoyek'ina'a kisie'e siunapo i'nio mases, ja ke inekiajlayi'ina'a ka wo'ate ti iliyi 'ni ajnat. Ts'isie'n ja ke iwoyena'a 'ate iyo ti 'nelanjie'e, 'wena ja kask'iejliyi.

Efesios 5:14

Jak je iyoyi ti kiak tiwoki 'ate: “'Ojwe'n, ti jima'a, tajli kiowe'e napo i'nio mases, 'yina Sijwajieti jankajanit'i ape'e.”

1 Tesalonicenses 5:10

Jla'am ti iniwen sitipe'e, jak je iyoyiji sam pet ti kas'wasajne'n, ni'ne ka pajak'i ka iliki 'ni ajnat, ka'nesta ijiate jawiekiap jajnok'i'ni niwa jlomas.

Santiago 2:23

Sekyi'i ti yiye kisie'e pi iyot'iyipi pa Sinia' ti yi'i ni ji'wet ti iyo'ate, “Abraham je 'yakakiu pa Sinia', it'imina ti Sinia' jla'am yi'ne ti naka ti ya'm ape'e ti 'es”. Jla'yi ti kiak tiwonaja 'niji 'ate Sinia' t'ajajnajwa.