Juan 10:6 - Sinia' Jlamtis 1994

⁶ Jesús yijnapeje jiwekie'e ti kia'iyo ka intejnisisk'i wata'a siojo iyontaja japo i'nio'.

Juan 10:6 Iomraidhean Croise

Mateo 13:34

'Niwak Jesús yamtiyi k'iye japo i'nio', ti ijwilata niwa Sinia' jlamtis, je ijlien pet niwaka ti jla'm iyejnap jiwekie'e, ti kia'iyo ti tamtiyeta k'iye japo i'nio'.

Mateo 13:51

Jesús i'yasaja'm japo t'eyasajnas ti iyo'ate: —¿Mi jitijwa'yi ti 'najanayi kiwaka? Iyo'ne 'ate japo t'eyasajnas ti isiujlie: —Ji'yu.

Marcos 4:34

Jak je iyoyiji siuti 'yiyasajne'n papo je ijlie'n pet niwak siuniwa ti jla'm i'yejnap jiwek, jlam pet siuti 'najli japo t'eyasajnas, je kiak iyone, 'nak ijniejietak'i pet k'iye ti ijwijla'm.

Juan 16:25

“Siuniwa iyo niwa ajwe'lase'm niwak siuniwa jla'm ejnap jiwekie'e. 'Yina je ijiat ka je ineyi siojona jloma ti ja ke asetiana' ka kiak tiwona'ase. Ka jnieyetak'iyijna'a ti ja 'yakajanit'iase'm ki iyo ni Inia'.

Juan 16:29

Sekyi'i japo t'eyasajnas iyo'ne 'ate: —'Esieyiji'ni ti je 'yejnap pa k'iejliyeyi, 'yakajak'i 'neje.

Juan 6:52

Siojopo Judíojos, ti ipi'yayis ti kia'iyo, yapiliek'i wita'm ti iniewit. Iyoyis'ne 'ate: —¿Tepa t'e janiwone ti ijwi'il, janwents'e'm ni t'ajwes ka tiuwa?

Juan 6:60

'Loj japo i'nio' siojopo yamk'i ja Jesús, ti ipi'yayeyis siukia iyo ti taka'neyasa'n. Iyoyis'ne 'ate: —Atejnistieje ka insta' niwaka. ¿Tempa jank'iuye?

Juan 7:36

¿Tepat'e iyo ti kia'iyo, “Ja siwoyejyin'ni, 'yina ja ke si'wena', kajeyepa ti ja ke 'najanayi pi janiwonayi ka joyeyi siunie jayi'i”?

Juan 8:27

'Yina je itiant'iejesk'i japo i'nio' ti ijwi'il pi Jinia' ti yi' poliyi.

Juan 8:43

¿Yot'iyi'ni ti kiak iyo ti je woyeyi ka intant'iejayi siukia awo? 'Nakayi jla'am ti je woyeyi ka ak'iuyeyi niwa yamtis.

1 Corintios 2:14

Jlampet siunapo i'nio' janaka jana Sinia' jikimet ti je yiji, kajeyepa ti je isimits'i ilia'm, je itiant'iejesi. Sekyi'i iyoyets'i 'ate, “Je 'es. Laj lajaye.” Je itijnisisk'i siunie iyoyi, jak je iyoyiji ti ijwi'il kan'yenis, je 'yijenisi paka inwonisi ka injwelis ka inka'yejnajne'n.

2 Pedro 2:22

Sekyi'i ti 'yakajak'i ti yiyi siunie iyot'iyipi niwa inamtis ti iyo'ate, “Siunie alena itiujwk'iji ni jikojiet. Siojona ijnisiet'io yapilieja'me ni isat ti itiwojni'ni, jlam'ne itime ti inie i'niati.”

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.