Juan 10:25 - Sinia' Jlamtis 1994

²⁵ Isiujlie japo ti iyo'ate: —Pajatak'i ti anijwe'lase'm, 'yina sakakiuye. Ka lajak'i niwa Inia' jlamtis, niwak 'yakajanit itipe'e ti ya'am, siuniwa wask'i'nelaja alesane.

Juan 10:25 Iomraidhean Croise

Juan 10:32

'Yina Jesús iyo'ne 'ate: —Je pini' siuniwa wask'i'nelaja ti isis alesane astayi'i, ti a'wenki'nase'm, Inia' jweye akiene. ¿Tepat'e yi'i niwaka siupi jitiajlatak'i'm ti jiwoyeyi ka sisajas sitietayiji'n?

Juan 10:37

'Yejne'n, siuti ja ke 'yakajli ka ilisane siuniwa Inia' ilisane, ká ak'iuyek'i'm.

Juan 10:38

Siuti ja 'yakajli ka ilisane, 'wanjliyi ká akima'yi ijyilia'm, 'yina ká akakiunieyi ni siuniwa alesane, 'nakayi ti ja'najanayi ti jlam je awo Inia' yi' iwia'm, kia'awo pet ajyi ni Inia'.

Juan 11:47

Sekyi'i'ne siojopo Fariséojos initotiek'i wita'm, siu'neje japo pa'yijis jika anechiyasas, siu'neje japo ijnosikis jiwos. Initotis'ne wita'm, ti iyoyits'i 'ate: —¿Tepat'e jayonaja? 'Nak siu'nie, je jlase' siuniwa a'wena ti iyo ti i'winki'n.

Juan 12:37

'Yakajlitieje ja Jesús ti i'winkinataja siukiwa iyo pi jijweye ti yisi'liete japo i'nio', 'yina lapawo ti 'yakakiuyis.

Juan 14:11

Ke sakakiuye siunie ti ajwe'el ajyi ni Inia', jla'yi Jla'am yi' pet iwia'm. Ni'ne ka najataja ka je sakakiunieyi siuniwa iyo niwa a'wenki'n.

Juan 20:30

Je piniyeta siuniwa Jesús i'winki'n, ti yine jitieyi'i japo t'eyasajnas, ti je yiji siu'nie inamtik jiwe.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Juan 7:31

Je pini'ne japo ti je 'yakakiuyis, iyoyis'ne 'ate: —Siuka 'nest'inie'e pi Injwajieti ti Sinia' jijliujwanik, ¿jot'e ka kia'iwo, ni'ne ka inkamna'a ape'e siunie iyo niwa i'winki'n?

Juan 8:12

Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Juan 8:24

It'imina ti kia'awo ti awo'ate, “Ja ke atajlajyi ni aske' ka inetianatie.” Siuti ja sakakiuye ti ya'am siunie ti awo'ate “ya'am”, ja ke atajlajyi ni aske' ka inetiajnatie.

Juan 8:56

Abraham siupi jitiajlajia'm, ipini'yi ti iyo'ate, “Je ijiat ke i'wi'in siojona jloma ti ja'nes 'ne ajnat'e pi Saka'niona.” 'Yina ijiatjliyi kia'iyo ti i'wi'in, wuj ti ipini'yi.

Juan 8:58

Jesús isiujlie'ne pet ti iyo'ate: —Ijiate, ijiatk'i siunie awo, ti ya'am pajk'i ta'a ti sipo', ti siupi Abraham lajlik'ijipa.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hebreos 2:3

'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?