Juan 10:16 - Sinia' Jlamtis 1994

¹⁶ 'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 10:16 Iomraidhean Croise

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Lucas 15:8

“Siu'neje ni jikiecha, ¿tejnapa i'nioki itijwa'm niwa sikioye puwa jika wikijniest'ejes puwa i'wi'in ti laja po', ti ijwienjli japa initiajnat, ma jwat je yintaja japa jika kates, jla'yi ti je isimtaja 'niji japa ji'wet jikie' ti janwojyin'ni siojopa initiajnat?

Juan 10:11

“Ya'am sontas jiwok'i'm siunie ti 'es. Siunie sontas jiwo ti 'es iniwe'n ape'e k'iye niwa jiliajwas.

Juan 10:2

Jlam ni iniuyi ni jika 'wuk kiwet jana sontas ji'wuk, nak ijiate ti jiwoyiji niwa sontas.

Juan 10:27

Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi.

Juan 10:3

Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk.

Juan 10:4

I'ye'en ti pajlat kisie'eyi sekyi'i ti yama ti iniank'iye, yamayisk'i pet pi jika'niona, kajeyepa ti itiant'iek'i pi jla'lap iyo pi jika'niona.

Juan 10:5

Jlajmiliet pet siunie i'nio' ti je ijiat ka jiwoye, je yamisk'i, 'wenajliyi ti je ijwiyisie, 'yina kajeyepa ti je itiant'iejesk'i pi jlamtis iyo.

Juan 11:52

Je ka napokataja, 'yina siu'neje napo Sinia' jilis netiajne'n ape'e 'ni ajnat, ka ji'wet injwankit.

Juan 17:20

“Je napokata ka'yejlajnap'a. Kia'iyo 'ajlajnap'a siunapo ja ke sakakiu, ka impe'yayista siunie jika'niye jawo.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Hechos 15:14

Ape'yak 'na Simón ti ijwilts'e'm ti 'nelanjie'e Sinia' ip'ilisijne'n napo i'nio' je Judíojos, ti iyoyeyi ka iwo jika kia'lisa'.

Hechos 18:10

Kajeyepa ya'am jayi'ajap. Ja lajk'ipa ka tiwona'a ka tiwok akieye, 'loj napo ilis yiji siujlie'e isi'.

Hechos 22:14

Iyo'ate ti yinayi'iji ape'e, “Sitise'l t'ipi Jinia' jla'am ijniejiet'a'm ti iyo ka intant'ieje siunie iyo kanwoyi, ka a'we'en ti ijiate jla'am ti 'es, jla'yi ka ape'yayi ti jlame ti tamti.

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

2 Tesalonicenses 2:13

Je paj ka iliki pet ti awok sinikanitiejayi pi Sinia' astepe'e, i'lijwas ti Saka'niona jlemijna'yase'm, lapakawo ti Sinia' jla'am ti ijniejiet'ase'm ta'a ka asama ka ananayi ka ajwaye. Ka lajak'i ki iyo pet jana jikimet ti 'es ti janak ti inlesana', it'imina ti insisie, jla'yi ni siunie ti ijiatk'i naka pet ti je jikakiuye.

Hebreos 13:20

'Esiji ka Sinia' siunie inkamankiye tajle ka noye'asempe pet, ka we'nase'm ni siunie 'es 'nakayi ti jawoyeyi siunie iyo ka woyi. 'Esiji ka woyi siupa iyo ka wonts'e jla'am, 'yina jawoyeyipe ji'niayi siupa Sijwajieti Jesús iyo. Sinia' siunie ti kia'iyo iniujwa'n kisie'e ti tajli pi a'no' ti yikial pijia'm pi Saka'niona Jesús, siunie ti ijiate ti sontas jiwo, ti iyoyi pet ji'niayija' ti 'yakajk'i ti jla'am ti iniwe'n siupa iyo pi jiwet'ia ti 'ya'al. Sekyi'i siupa ji'woyis ti tisa'ni paka'ne ti 'yakajanitk'i ti jlam je iyoyi siupa iyone pi ji'lij ti iliyi ti iwiets'ilati siupa iyo ti pajk'i, 'yina siuti ink'ie' ni iyoyi nak laj'ne jlaja. ¡'Esiji ka laja jlaja siunie jiwunitieye ti tena'a! Amén.

1 Pedro 2:10

Siukiwa jlomas ti pajk'i tiwet'ianaja ka woye 'ate jiwoyeyi 'nakayi, ti Sinia' jika kia'lits'ase'm. Kia'iyojliyi siu'nie jiwoyeyi, ti jlam ti wuj ti imp'elisina', jlam'ne kiak je woyeyi ka imp'elisina' ti pajk'i.

1 Pedro 2:25

Kajeyepa ti pajk'i jiwoye'yi 'ate niwa 'wolepo' ti netiajne'n, 'yina 'nakayi ti jlapijlieyi pi Sijwajieti, ti jlam ti i'ye'nase'm iyoye pet 'ate ni sontas jiwo ti ijiate pet ti i'yena niwa jiliajwas.

1 Pedro 5:4

Jak je iyoyiji siuti ja'nes naka sontas jiwo ti jlameje, janwena'asemna'a siojona as'wajieta ti wuj ti 'es, ti ja ke paja ka netia'n.

Apocalipsis 3:20

'Ye'en, a 'ne 'wuk kiwet'e ti ak'iutieje'ni ka poye pa ka i'ye'n ijyilia'm. I'nio' ni jampe'yak'i, 'yina ja 'najlinitiena'a its'ioye, sekjane'yi ka 'yuyeyinie'e, 'yina ka sijwanayijna'a ti ja'yekiunieje'n.